Avatangiisinut, Pinngortitamut, Nukissiuutinut Ilisimatusarnermullu Naalakkersuisoqarfimmi ilisimasassarsiornermut allaffiup IT-lerinermut siunnersorti imaluunniit ilinniarnerup saniatigut suliffimmi ikiorti (piffissami ullup ilaa)

Qinnuteqarnissamut killigititaq: 8. juuli 2026
Atorfinitsitsinissamut oqaloqatiginninnerit: Sapaatip akunnerisa 29-mi aamma 30-mi ingerlanneqassapput
Ulloq sulilerfissaq: Isumaqatigiissuteqareernerup kingorna
Sumiiffimmi suliffik: Nuuk

Digitalimik paasissutissiinikkut ilusilersuillaqqippit aamma atorfissaqartitanik ujartuinissamut ajornaallisitsisinnaavit?
Ullup ilaannik sulisussamik suliffiup nittartagaanik, aaqqissuussaanermik, imarisaanik aammalu atuisunut pitsaasumik atorneqarsinnaaneranik suliaqarnissamik kajumissuseqartumik– aammalu digitaliusumik aaqqiissutit ulluinnarni pitsaasumik atorneqarnissaanut nuannarinnittumik sulisussarsiorpugut. Uatsinni atorfigisassat pingaaruteqassaaq, ilisimasassarsiorniarluni qinnuteqartut paasissutissanik eqqortunik nassaarsinnaanissaannik aamma digitaliusumik suleriaatsit paasiuminartumik aammalu pitsaasumik ingerlassuseqarsinnaassallutik.

Atorfik pillugu
Pinngortitamut, Avatangiisinut, Nukissiuutinut Ilisimatusarnermullu Naalakkersuisoqarfiup ataani ilisimasassarsiornermut allaffiat Kalaallit Nunaanni sumiiffinni ungasissuni angalanernut qinnuteqaatinik aqutsisuuvoq. Tamatumani Sermersuakkut ikaarnernik aamma takornariaqarnermut atatillugu sammisaqarnerit allat, Kalaallit Nunaata avannaani kangianilu Nunap Allanngutsaaliukkap iluani umiarsuakkut takornariartitsinernik kiisalu ilisimatusarnermik ingerlatsinernik imaqarpoq.

Sammisaqarnerit amerliartuinnartut misigaarput paasissutissallu ersarissut kiisalu digitaliusumik aaqqissuusat pitsaasumik atuuttut pisariaqartinneqarput. Taamaattumik nittartagatsinni aamma qinnuteqaatilerinermullu suliassanik tapertaasussamik suleqatissarsiorpugut. 

Atorfik pingaarnerusumik tassaavoq digitaliusunik pioreersunik aserfallatsaaliuineq, aaqqissuussineq aammalu pitsanngorsaaqqinneq, programmiliortarneq imaluunniit nutaamik ineriartortitsineq pinnagu.

Ulluinnarni ingerlatseqataalissaatit, tassani paasissutissat nutartikkat, paasiuminartut aammalu nunami namminermi kiisalu nunanit allanit qinnuteqartunut atorneqarsinnaasut qulakkeernissaannut peqataassallutit.

Atorfik sapaatit akunnerannut akunnerit 10 missaani suliffiusassaaq.
Suliassatit

• IT-mut attuumassuteqartunik, allaffissornikkut aammalu attaveqaqatigiinnermut tunngasunik suliaqassaatit, ilaatigut:

• Ilisimasassarsiornermut allaffiata nittartagaanik nutarterineq aserfallatsaaliuinerlu https://expeditionsgreenland.gl/

• nittartakkap aaqqissuusaanera, imarisaa ilitsersuutillu, ajornanngitsumik nassaarineqarsinnaanissaa paasiuminartuunissaalu

• linkit, allagaatit immersugassallu eqqortumik atuunnersut qulakkiissallugu

• qinnuteqartut eqqarsaatigalugit atuisussanut naleqqussaaneq aamma paasiuminarsaaneq

• nittartakkatigut qinnuteqarnissamut suliassanik tapertaaneq

• atuisut nittartagaanni qanoq atuisarnerannik misiliilluni, kukkunerit imaluunniit paasiuminaatsut suunersut paasiniarlugit

• nittartakkap imarisanik ikkussuineq, oqaatsitigut kukkunersiuineq aammalu pitsaassutsimik qulakkeerinninneq

• digitaliusunik filinik, immersuiffissanillu aamma ilitsersuutinik aaqqissuussineq

• digitaliusumik suleriaatsit ingerlaavartumik pitsanngorsarneqarnissaannut peqataaneq

• nittartagaq, IT kiisalu digitaliusumik allaffissorneq pillugit suliassat takkussuuttunik assigiinngitsunik suliaqarneq

Ujarpatsigit

• aaqqissuussamik sulisinnaasoq aammalu sukumiisumik eqqummaariffeqartoq

• paasissutissat pisariusut paasiuminarnerulersissinnaavatit aamma atuisunut naleqqussarsinnaavatit

• nittartakkanik, digitaliusunik systeminik aammalu allagaatinik atuineq sungiusimavatit

• nammineerlutit sulisinnaavutit aamma suliassat aallartitat naammassillugit suliarisinnaavatit

• paasiniaarusussuseqarputit, aaqqiissutaasinnaasunik ujartuisarputit aamma aperinissaminut tunuarsimaartuunngilatit

• oqaatsitigut allakkatigullu paasiuminartumik aammalu erseqqissumik attaveqaqateqarsinnaavutit

Oqaatsitigut piumasaqaatit: Kalaallisut, qallunaatut, aammalu tuluttoorsinnaanissamut ajunngitsumik piginnaasaqarnissaq.

CMS-systemimut, nittartakkanut, nittartakkatigut qinnuteqaatinut imaluunniit digitalikkut allaffissornikkut misilittagaqarnissaq iluaqutaassaaq, piumasaqaataangillalli.

Kina qinnuteqarsinnaava?
Atorfik assigiinngitsunut nalequuppoq:

• IT-mut, attaveqaqatigiinnermut, allaffissornermut imaluunniit assingusumik ilinniartuunissat

• inuit isertitaminnik allanik tapertaqarnissamik kissaateqartut

• suliffimmik ingerlatsinerminni ukiuni kingullerniittut, akunnerit ikinnerusunik sulisarnissamik kissaateqartoq

• illit, nittartakkanik imaluunniit digitaliusumik allaffissornermik misilittagaqartutit aammalu suliffimmik ilaannakortumik suliaqarnissamik kissaatigisaqartutit

  
  Pingaarnerpaavoq, peqqissaartuusutit, aalajangersimasumik sulerusussuseqartutit aammalu aaqqissuussineq, imarisat kiisalu atuisunut pitsaasunik digitaliusunik aaqqiissutinik suliaqarnermik kajumissuseqartuusutit.
  
  Neqeroorutigaarput:

• sapaatip akunneranut akunnerit 10 missaani suliffik (ilaannakortumik atorfik)

• suliffissat piffissat aalajangersimasut isumaqatigiissuteqarnikkut allanngorarsinnaasut

• nittartagaq, nittartakkatigut qinnuteqartarfimmut kiisalu suleriaatsit pillugit ilinniartitsineq

• digitaliusunik suliassanik aalajangersimasunik oqartussani suliaqarnissamut periarfissaq

• atuisunut pitsaanerulersitsinissamut aammalu paasissutissanik ersarissaanissamut pingaarutilimmik inissisimaneq

• sulisoqarnermik pikkorissunik, suleqatigiilluartunik aammalu attaveqatigiinnermi pisariitsumik periuseqartunik suleqateqarneq

• sulisut atugarissaarnissaanut, suleqatigiinnermi aammalu akisussaaffeqarnermi pingaartitsisumi suliffik.

  
  Uagut pilluta
  Pinngortitaq pillugu immikkoortortaqarfik Avatangiisinut, Pinngortitamut, Nukissiuutinut Ilisimatusarnermullu Naalakkersuisoqarfimmiippoq. Naalakkersuisoqarfimmi sulisut 40-t missaaniipput suliassaqarfinnut assigiinnfitsunut agguataaqallutit nunatsinnilu suliassat qitiusutut suliaralugit.
  
  Uatsinni suliffiup avatangiisai immikkut ittumik pitsaassuseqarluarnerup, suleqatigiinnerup aammalu pisariitsumik attaveqatigiittarnerup malunnaateqarput, tassani ikioqatigiinneq aammalu ilisimasanik avitseqatigiinneq pingaaruteqarlutik.
  
  Ilisimasaqarnerorusuppit?
  Immikkoortortami pisortaq Mettelise Fritz Hansen attavigiuk oq. +299 34 52 57 imaluunniit e-mailitigut: mtha@nanoq.gl.
  
  Akunnermut suliffiusussat
  Agguaqatigiisillugu sapaatip akunneranut akunnerit 10-t sulisassaatit.
  
  Aningaasarsiatigut atorfinitsitaanermilu atugassarititaasut
  Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
  Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.
  
  Najugaq
  Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
  
  Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
  E-mail-ikkut qinnuteqaatinik tigusineq ajorpugut.