Avatangiisinut, Pinngortitamut, Nukissiuutinut Ilisimatusarnermullu Naalakkersuisoqarfimmi Ilisimasassarsiornerup Allaffiani allatsi imaluunniit ilinniarnerup saniatigut ikiorti (piffissami ullup ilaa)

Qinnuteqarnissamut killigititaq: 2. August 2026
Sulilerfissaq: isumaqatigiissuteqarnikkut
Suliffik: Nuuk

Aaqqissuussinermut ersarissumik piginnaasaqarpit aammalu ingerlatsinermi aaqqissuussaasumik ingerlatsineq pitsaanerpaamik ingerlaqqissinnaaqqullugu peqataasinnaavit? 
Piffissap ilaanni allatsimik imaluunniit ilinniarnerup saniatigut ikiortimik pissarsiorpugut, aaqqissuussamik ingerlatsinermik, paasissutissanik pingaarutilinnik malinnaanermik kiisalu ulluinnarni sulianik pisariusuni ingerlatsinerup pitsaasumik ingerlanneqarneranik suliaqarnissamik kajumissuseqartoq. Maani pingaarutilimmik inissisimassaatit, allaffiup pitsaasumik ingerlannissaa kiisalu suleqatitit suliaminnut atatillugu pingaarnernut ukkassinnaanissaat qulakkeerniarlugu.

Atorfik pillugu
Pinngortitamut, Avatangiisinut, Nukissiuutinut Ilisimatusarnermullu Naalakkersuisoqarfimmi Ilisimasassarsortuni Allattoqarfik Kalaallit Nunaanni immikkoortuni avinngarusimasuni angalanissamut akuersissutinik kiisalu ingerlatsinissamut qinnuteqaatinik aqutsisuuvoq. Tamatumani sermersuup ikaarnissaanut, takornarianut sammititanik suliaqarnermi ingerlatsinerit, Kujataani aamma Tunumi Nunani Allanngutsaaliukkani umiarsuarnik angalaartitsinerit kiisalu ilisimatusarnermut atatillugu ingerlatsinerit ilaapput.

Suliffeqarfimmi suliat amerliartuinnartut malugivarput, taamaattumillu sulisumik aaqqissuussamik suleriaasilimmik aammalu kiffartuussinermik pingaartitsisumik pissarsiorpugut, sulianut allaffissornikkut tapersersuisinnaasumik kiisalu takussutissaqarluarnerup suliallu siuariartornerisa qulakkeerneqarnissaannut peqataasinnaasumik.

Ulluinnarni ingerlatsinermut ilaalissaatit, tassani suliassat pingaarnerit tassaallutik saaffiginnissutinik aqutsineq, qinnuteqaatinik nalunaarsuineq kiisalu suliat eqqortumik aaqqissuussaasut aammalu suliarineqartussanut tulliuttunut piareersimasunut qulakkeerinninnerit.

Atorfik sapaatip akunneranut akunnerit 10-t missaannik suliffiuvoq, aammalu Pinngortitamut Immikkoortortaqarfimmi suleqatit kiisalu immikkoortortat attuumassutillit allat suleqatigalugit ingerlanneqassaaq.

Suliassatit
Allaffissornikkut ataqatigiissaarinikkullu suliassat suliarissavatit, ilaatigut uku ilanngullugit:

• Ilisimasassarsiornermut Allaffik ataatsimoorussamik e-mailia nakkutiginera

• nalunaarsuisneq qinnuteqaatinik nalunaarsuineq aamma saaffiginnissutilerineq

• immikkoortortaqarfiup iluani takussutissiat suliassallu allattorsimaffiit nutarterlugit

• suliat ingerlateqqinneqarnissaannut atortussanik piareersaaneq

• qinnuteqartut paasissutissanik uppernarsaatinilluunniit amigaateqarpata malitseqartitsineq

• saaffiginnissutit eqqortumik suliarineqarlutillu ingerlateqqinneqartarnissaanut qulakkeerinninneq

• aaqqissuussinermut, toqqorsivimmi aaqqissuussinermut kiisalu allaffissornikkut torersaanermut tapertaaneq

• killissarititaasut suliassallu ingerlasut pillugit ataatsimut isiginninnermik pilersitseqataaneq

• ilisimasassarsiornermut nalunaarusianik nassiunneqartunik suliaqarneq

Sulininni suliassat suliarineqarnerisa pitsaasumik aaqqissuussaasumillu ingerlanissaat peqataaffigissavat.

Ujartorpatsigit illit

• aaqqissuussamik sulisinnaasoq aammalu sukumiisumik maluginiagaqarsinnaasoq

• allaffissornikkut suliassanik nuannarisaqartoq aammalu torersumik aaqqissuussaasumillu sulinermik pingaatitsisoq

• saaffiginnissutit amerlagaluarpataluunniit ataatsimut isiginnissinnaasoq

• namminersorluni sulisinnaasoq suliassanillu naammassinnissinnaasoq

• kiffartuussilluarsinnaasoq aammalu erseqqissumik inussiarnersumillu attaveqartartoq

• e-mailinik, allagaatinik aqutsinermik kiisalu allaffissornikkut IT-systeminik atuinermik ilisimasaqarluartoq

• oqaatsitigut allattariarsornikkullu pitsaasunik piginnaaneqartoq

Oqaatsitigut piumasaqaatit: Kalaallisut, danskisut tuluttullu.
Journalimik ingerlatsinermut imaluunniit allaffissornikkut suliaqarnermut misilittagaqarneq iluaqutaassaaq, piumasaqaataanngilarli.

Kikkut qinnuteqarsinnaappat?
Atorfik assigiinngitsunik tunuliaqutaqarlutik qinnuteqartunut naleqquttuuvoq:

• ilinniartut allaffissornikkut misilittagaqarnermut attuumassutilimmik piumasaqarnerusut

• inuit allamik isertitaqarlutik saniatigut sulinissaminnik kissaateqartut

• sulisut suliffeqarfimminni sivikinnerusumik sulerusuttut, soorlu suliffimmi piffissamik sivikinnerusumi sulerusuttoq

• illit, aaqqissuussinermut, torersuunermut aammalu allaffissornikkut suliassanut kajumissuseqartoq

Pingaaruteqarpoq illit aalajangersimasuusutit, sukumiisumik sulisinnaasutit aammalu ulapaarfiusumi ataatsimut isiginnissinnaanermik pilersitsinissaq nuannarisarigit.

Neqeroorutigaavut:

• suliffik piffissap ilaannik suliffiusoq, sapaatip akunneranut akunnerit 10-t missaannik suliffiusoq

• piffissatigut isumaqatigiissuteqarluni suliffik (sapaatip akunneranut minnerpaamik ullut marluk takkulluni suliffeqarfimmiinneq piumasaqaataalluni)

• suliassanik, suleriaatsinik aammalu systeminik sukumiisumik ilinniartinneqarneq

• immikkut ittumik pisortatigut ingerlatsiffimmik ilisimasaqalernissaq

• suleqatigiit immikkut piginnaasaqarluartunik aammalu inussiarnersumik attaveqatigiittartut akornanniinneq

• suliffik atugarissaarnissamut, suleqatigiinnermut aammalu akisussaassuseqarnermut pingaartitsisoq

Uagut pilluta
Pinngortitamut immikkoortortaqarfik Avatangiisinut, Pinngortitamut, Nukissiuutinut Ilsismatusarnermullu Naalakkersuisoqarfimmiippoq. Naalakkersuisoqarfimmi sulisut katillugit 45-t missaanniipput assigiinngitsunik immikkut suliassaqarfinnut agguataarsimasut, aammalu Kalaallit Nunaanni pingaarutilinnik suliassanik suliaqarlutut.

Maani suliffimmi immikkut sulianik ilisimasaqassutsimik, suleqatigiinnermik aammalu inussiarnersumik attaveqatigiinnermik aallaaveqarpoq, tassanilu ikioqatigiittarpugut aammalu ilisimasanik avitseqatigiittarluta.

Paasisaqarnerorsuppit?
Immikkoortortami pisortaq Mettelise Fritz Hansen attavigiuk oq. +299 34 52 57 imaluunniit e-mailitigut: mtha@nanoq.gl.

Akunnermut suliffiusussat
Agguaqatigiisillugu sapaatip akunneranut akunnerit 10-t sulisassaatit.

Qinnuteqarneq oqaloqatiginninnerlu
Qinnuteqaat, CV, ilinniagaqarnermut aammalu pikkorissarnernut uppernarsaatit kiisalu allatigut attuumassuteqartunik uppernarsaatit ”Qinnuteqaat nassiuguk” aqqutigalugu nassiunneqassapput. E-mailikkut qinnuteqaatit tiguneq ajorpagut.
 
Akissarsiat atorfininnermilu atugassarititaasut
Atorfik siunnersortitut imaluunniit ilinniarnermi saniatigut ikiortitut atorfinitsinneqarsinnaavoq. Akissarsiat aammalu atorfininnermut atugassarititaasut isumaqatigiissutit atuuttut kiisalu illit piginnaasatit naapertorlugit aalajangersarneqassapput.

Inissaq
Atorfimmut atatillugu sulisut inissaanik innersuussuteqartoqanngilaq.

Qinnuteqarneq 
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.