Fakta
Atorfiup suussusaa: Inuussutissarsiortunut siunnersortissarsiorpoq
Suliffeqarfik: Bankivik
Qinnuteqarfissamut killigititaq: 20. juuli
Attavissaq: Johanne Nive Mikkelsenimut saaffiginninnissannut tikilluaqqusaavutit uunga jnm@bankivik.gl imlt. tlf. +299 55 69 16.
Kalaallit Nunaanni sullitanik inuussutissarsiortunik sullisseqataarusuppit? Inuussutissarsiortunut siunnersortissarsiorpugut inunnut attaveqarnermik, akisussaaffeqarnermillu nuannarisalimmik, bankimi sullitaminut qanilaartumi inuiaqatigiinnullu naleqquttumi sulerusuttumik.
Bankivimmi atorfinikkuit siunnersortitut atorfeqarnerinnartut taaneqarsinnaanngilaq, tassaagatta banki najukkamini pisinnaalluartoq avammulli aamma takunnissinnaalluartoq. Tassami Bankivimmi sulileruit ingerlatseqatigiiffimmut Kalaallit Nunaanni Savalimmiunilu suliaqartumut ilanngutissagavit. Taamaasillutit ataatsikkut qanimut isigalutillu ungasinnerusumik isigissaatit. Nuummi sullitat qanimut sullittassavatit, najukkami pissutsinik ilisimanninneq immikkoortortaqarfimmilu qanimut suleqatigiinneq atugaralugit, tamatumali saniatigut aamma suliffeqarfimmi annerusumi eqqartueqateqarsinnaaneq, immikkullu ilisimasalinnik misilittagalinnillu saaffigisaqarsinnaaneq atugarissavatit.
Atorfik pillugu
Inuussutissarsiortunut siunnersortitut atorfeqaleruit ulluinnarni suliassatit assigiinngisitaartarumaarput, tassanilu akisussaaffeqarlutillu sunniuteqarsinnaassaatit. Aalajangersimasunik sullitaqartarumaarputit, pingaarnertullu aningaasalersorneqarnermut, aningaasaliinermut, soraarnermusiassanut, sillimmasiinermullu tunngasunik siunnersuinermik suliaqartassallutit. Siunnersuinerni tamani suliffeqarfiup sullinneqartup pisariaqartitai ineriartornissamullu periarfissai aallaavigalugit siunnersuisassaatit. Taamatut sullissinerit ilutigalugu sullitaareersunik attaveqarnerit nukittorsaavigisarumaarpatit, aammalu niuernikkut periarfissanik nutaanik pilersitsisassallutit.
Illit pillutit
Sulisussamik imaattumik pissarsiorpugut:
• aningaaserivimmi allatulluunniit aningaaserinermut tunngasunik sulinermik misilittagalimmik
• sullitanik inuussutissarsiortunik siunnersuinermik misilittagalimmik imaluunniit soqutiginnittumik
• inulerinermik suliaqarnissamik nuannarisalimmik attaveqaqatigiinnermillu pikkoriffilimmik
• torersumik, namminersortumik, pitsaassuseqarluartumillu sullissinissamik pingaartitsisumik
• inoqatinut attaveqallaqqissumik suleqatiginnillaqqissumillu
• suleqatit akornanni suliat tungaatigut nukittorsaasinnaasumik inuttullu nuannersaaqataasartumik
Taamaammat uatsinni atorfininnissat toqqassavat
Bankivimmi sulileruit suliffeqarfimmi sulianik pingaartitsiffiujutigaluni ataatsimoorfiullunilu eqeersimaarfiusumi sulilissaatit. Ineriartornissamut periarfissat pissanganartut, eqqartueqatigiissinnaaneq, ingerlatseqatigiiffimmilu immikkoortortaqarfiit akimorlugit suleqatigiinneq pingaartitaraagut, taamaattorli aamma illit isumassarsiassatit, inoqatinut attaveqarneq, angusassallu ulluinnarni inissaqartittarlugit. Immitsinnut inuppalaartumik kiinnertarneq atugaraarput, qanimut suleqatigiittarpugut, ulluinnarnilu anguniagaqarneq, ineriartortitsineq, nuannisaqatigiinnerlu ileqqoralugit. Unammillersinnaasumik akissarsiaqartinneqassaatit iluatinnartunillu atugassaqartitaallutit, soorlu ilaatigut peqqinnissaqarfimmut sillimmaserneqarneq soraarnermusiassallu.
Atorfik pilerinarpaluppa?
Ataavartumik oqaloqatiginninnerit ingerlattarpagut, qinnuteqarnissallu qilanaaralugu.
Atorfimmut qinnuteqarfissaq kingulleq tassa ataasinngorneq juulip 20-at 2026.
Atorfik pillugu apeqqutissaqaruit erhvervsdirektørimut Johanne Nive Mikkelsenimut saaffiginninnissannut tikilluaqqusaavutit uunga jnm@bankivik.gl imlt. tlf. +299 55 69 16.
