Fakta
Atorfiup suussusaa: privatrådgiverissarsiorpugut
Suliffeqarfik: Bankivik
Qinnuteqarfissamut killigititaq: 31. augusti
Attavissaq: Pia Holm Jensen uunga pho@bankivik.gl imaluunniit oqarasuaat 583231.
Bankimi ineriartortumi suleqataarusuppit? Suliaminik aallussilluartumik privatrådgiverissarsiorpugut, ineqarnermut tunngasunik suliaqartussamik. Tamatuma saniatigut suleqatigiinnut ilanngunneqassaatit, suleqatigiinnillu pikkorissunik suliaminnullu tunniusimasunik suleqateqalerumaarlutit.
Uatsinni sulileruit suliffeqarfimmi ineriartortumi pikkoriffitit siuarsarsinnaassavatit. Uatsinni suliffiup nuannersuunissaa aammalu suliaqarnikkut ingerlalluarnissaq illugiisillugit pingaartitaraagut. Suleriaatsitsinni tunngavigisagut tassaapput suleqatigiinneq, tunniusimaneq, sullitallu ilorrisimaarinninnissaat. Taamaammat immikkoortortaqarfiit akimorlugit suleqatigiittarpugut, allanngueqataanissaq pingaartitarisarparput, sullitattalu pisariaqartitaat qitiutittarlugit.
Suliffik pillugu
Privatrådgiveritut atorfeqaleruit ulluinnarni suliassatit assigiinngisitaartarumaarput, tassanilu akisussaaffeqarlutillu sunniuteqarsinnaassaatit. Aalajangersimasunik sullitaqartarumaarputit, pingaarnertullu ineqarnermut tunngasunik siunnersuinermik suliaqartassallutit. Sullitatsinnut eqqartueqatissatut pingaarutilittut inissisimassaatit. Illusinermi aningaasalersorneqarneq suliaqarfiillu tassunga attuumassuteqarsinnaasut allat pillugit siunnersuisarumaarputit, soorlu taarsigassarsiat, soraarnermusiat, sillimmasiineq aningaasaliinerlu. Sullitat toqqissisimanartumik, pitsaasumik, tamakkiisumillu siunnersorneqarnissaat siunertaasassaaq.
Illit pillutit
Sulisussamik imaattumik pissarsiorpugut:
• aningaaserivimmi assingusumiluunniit sulinermik misilittagalimmik
• torersumik, suaqqanut eqqummaarissumik pitsaasumillu suleriaaseqartumik
• inulerinermik suliaqarnissamik nuannarisalimmik attaveqaqatigiinnermillu pikkoriffilimmik
• inuttut saaffigiuminartumik suleqatinullu ilakkuminartumik nuannersaaqataasartumik
Atugassarititaasut
Uatsinni akisussaaffeqarneq, ineriartortitsineq, sullitanullu iluaqutaasinnaasunik sullissisinnaaneq ulluinnarsiutigaagut. Suleqatigiinnut ilanngunneqassaatit, ingerlatseqatigiiffitsinnilu immikkoortortaqarfiit akimorlugit sulisunik ilisimasaqarluartunik suleqateqarsinnaallutillu eqqartueqateqarsinnaasassallutit. Tassunga ilanngullugu suliat tungaatigut inuttullu ineriartuutaasinnaasunik periarfissinneqartassaatit. Kivitseqatigiinneq ileqqoraarput, ulluinnarnilu suliffimmi nuannisaqatigiissinnaaneq pissusissamisoortutut isigalugu.
Suleqatigiilluta immitsinnut inuppalaartumik kiinnertarnissaq pingaartitaraarput, ammasuuneq ikioqatigiinnerlu ileqqoraagut, aalajangiiniarnerillu pisariitsumik pisarlutik. Suliaqarnikkut inuttullu peqatigiinnissaq pingaartitaraagut, ulluinnarnilu suleqatigiissinnaanerup, ineriartorsinnaanerup, sulisullu ataasiakkaat inissaqartinneqarnissaat pingaartitaralugit.
Tamatuma saniatigut unammillersinnaasumik akissarsiaqartitsisarpugut, atugassarititaasullu iluatinnartut tunniussinnaallugit, soorlu ilaatigut peqqinnissaqarfimmut sillimmaserneqarneq soraarnermusiassallu
Atorfik pilerinarpaluppa?
Ataavartumik oqaloqatiginninnerit ingerlattarpagut, qinnuteqarnissallu qilanaaralugu.
Atorfimmut qinnuteqarfissaq kingulleq tassa ataasinngorneq aggustip 31-iat 2026.
Atorfik pillugu apeqqutissaqaruit privatkundedirektørimut Pia Holm Jensenimut saaffiginninnissannut tikilluaqqusaavutit uunga pho@bankivik.gl imlt. tlf. 583231.
