Paasissutissat
Atorfiup suussusaa: Biskoppip allaffiani pisortaq
Suliffeqarfik: Namminersorlutik Oqartussat
Qinnuteqarfissamut killigititaq: 27. maj
Attavissaq: +299 32 11 34, Biskopi Paneeraq Siegstad Munk
Biskoppip allaffiani pisortaq
Namminersorlutik Oqartussat
Biskopip Allaffia
pissarsiorpoq
Namminersorlutik Oqartussat ataanni Biskopip Allaffiani Nuummi stiftskontorchef/allaffimmi pisortaq atorfik inuttassarsiorneqarpoq 01. Juni 2026-lu imaluunniit tamatuma kinguninnguatigut inuttalerneqarusulluni. Qinnuteqartut piukkunnartut oqaloqatigineqarnissamut aggersarneqartassapput.
Biskoppip Allaffiani ilagiinnut tunngasut kiisalu allaffissornikkut suliassat Kalaallit Nunaanni Ilagiinnut tunngassuteqartut suliarineqartarput.
Biskoppip Allaffianut saaffiginnissutit assigiinngiiaartorujussuusinnaapput, pisortanit, palasinit, ajoqinit allarpassuarnillu.
Allaffimmi sulisuupput biskoppi, biskoppeqarfimmi allaffimmi pisortaq, ac-fuldmægtig, kontorleder aammalu kontorfuldmægtig.
Biskoppi biskoppeqarfimmi qullersaavoq.
Stifskontorchef/Allaffimmi pisortaq ulluinnarni allaffissorneq aqutsisuuffigaa, taamalu aamma soorlu ilagiinni sulisunut akisussaasuulluni, aningaasaqarnermut ilagiinni akuersissutinik missingersuutinillu aqutsisuulluni, biskopimut inuttut inatsisitigut siunnersortaalluni (amanuensis), provstinut siunnersueqatiginnittarluni, biskopeqarfimmi ulluinnarni suliassanik isumaginninnermi ilitsersuisuulluni nakkutiginnillunilu, namminerlu suliassanik isumaginnilluni, aningaasaqarnermut aamma inatsisilerinermut tunngasunik Naalakkersuisoqarfimmut attaveqartarluni.
Atorfik akademiskimik ilinniarsimasumik inuttalerniarneqarpoq, piumasarineqarpoq inatsisileritooq, aningaasaqarnermut aammalu ilageeqqarnermut tunngasunik ilisimasalik. Inuttut namminersorsinnaasoq, sungiussiasoq aammalu pisunik malussajaneq pingaartinneqassapput. Kalaallit Nunaannut ilisimasaqarneq iluaqutaassaaq.
Kalaallisut/qallunaatut marluinik oqaasilik perusunneqarneruvoq.
Akissarsiat sulilernissamullu piumasarineqartut, taakkununnga ilaalluni sulilernermi soraarnermilu nuunnermut atatillugu angalanerit, sulilernerup nalaani Kalaallit Nunaanni Naalakkersuisut aamma sulisut peqatigiiffiata isumaqatiginninniarsinnaasup akornanni isumaqatigiissutit atuuttut naapertorlugit pissapput.
Atorfimmut atasumik inissaqartitsisoqanngilaq.
Paasissutissat annertunerusut Biskopip Allaffianut saaffiginnilluni paasiniarneqarsinnaapput, oqarasuaat +299 32 11 34, Biskopi Paneeraq Siegstad Munk
Qinnuteqaatit ilinniagaqarsimanermut paasissutissat siusinnerusumilu sumi suliffeqarsimanerit, soraarummeersimanermut uppernarsaatinik il.il. ilallugit nassiunneqassapput uunga: Bispekontoret, Postboks 90, 3900 Nuuk, kingusinnerpaamik allaffimmiissallutik 27. maj 2026.
Akissarsiat atorfeqartitaanermilu atugassarititaasut:
Atorfik akissaateqarfimmi LR 36-mi maanna inissisimavoq. 1. april 2026 LR 36-mi tunngaviusumik akissarsiaq tapiillu aalajangersimasut soraarnerusutissianullu illuartittagaq ilanngullu antterussuseqarput qaamammut Kr. 57.531 ukiumullu Kr. 690.372.
Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.
Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.
Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.
Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
