Compliance-imut immikkut ilisimasalik

Compliance-mik IT-kkullu isumannaallisaanermik suliaqarnissat soqutigisaraajuk?

Paasissutissanut isumannaallisaanermut immikkoortortaqarfik maanna Tusassip compliance-mik ISO 27001, GDPR aamma ERM-imik suliaqarnerminut tunngatillugu immikkut ilisimasalimmik ujartuivoq.

Atorfiup Tusassip compliance-mik suliaqarneranut nunat tamalaat malittarisassaannik inatsisaannullu naleqquttumik suliaqarnissarput qulakkiissavaa, tamatuma saniatigut suliffeqarfittut ineriartornermi, piffimmi isumannaannerulernissaq aaqqissuussamik uppernarsarneqarnissaanut, malittarisassanullu malinninneranut atuutsitsineranullu ingerlanera uppernarsaasiorsinnaanissaa aallaaviuvoq.

Immikkoortortaqarfiullu pingaarnertut, politikkikkut, ingerlariuutitigut, upalungaarnermut pilersaarutitigut, nakkutilliinikkullu malinninnera suliarineqarnissaa naatsorsuutigaa, tamatumali saniatigut piffimmi isumannaatsuunissartaaq ukkanneqassalluni.

Akisussaaffiit qitiusut

Compliance (Suliassaq pingaarneq)

• Politikkikkut, ingerlariuutitigut, upalungaarnermut pilersaarutitigut, nakkutilliinikkullu ISO 27001:2022 naapertorlugu malinninneranik nakkutilliineq ingerlatsinerlu
• Isumannaallisaanermut nakkutilliinermi SoA aamma RISMA-mik uppernarsarneqarnissaanut, malittarisassanullu malinninneranut atuutsitsineranullu ingerlanerata malitseqartitsisoqartarnissaanik ingerlatsineq
• GDPR-imik piumasaqaatinik qulakkeerinninneq (ass. paasissutissanik annikillisaaneq, suliamik suliaqarnermut tunuliaqutsiinerit, isersinnaanermullu aqutsineq) suliaqarnikkut naammassineqassaaq
• Tusassip ERM-imik suliaqarneranut atatillugu pisuusaartitanik siooranarsinnaasunillu nalilersuinermik tapersiineq
• Tusassimut upalungaarsimanermut pilersaarusiornermut tapersiineq

Piffimmi isumannaallisaaneq (Ukkatassaq)

• Piffimmi isumannaallisaanermut tunngatillugu suliniutinut ingerlatsinermullu tapersiineq (ass. ISO 27001 Annex A kap. 7 & 11, EN 50600/ISO 22237 qarasaasiaqarfissuarnut tunngasoq, RC-immikkut isumannaakkanik matulerineq, AIA/ADK, CCTV, ikuallattoornermullu matunik suliaqarneq)
• Piffimmi isumannaallisaaneq pillugu uppernarsaasiorneq, taamaasillutik malittarisassanik malinninnermut atuutsitsinermullu nakkutilliisoqartillugu atorneqarsinnaaniassammata

Illit pillutit

Inummik ima piginnaasalimmik pissarsiorpugut

• Immikkut isiginnillaqqissoq, aaqqissuussaasumillu compliance-mut isumannaallisaanermullu tunngatillugu, tamakkiisumik isiginnissinnaassuseqarluni sulisinnaassusilik
• Akisussaaffimmik tigumminnissinnaasoq, inatsisitigullu nunallu tamalaat malittarisassaatigut naapertuiniarnermi tutsuiginartoq
• IT-mut isumannaallisaanermullu soqutigisalik, taakkunani digitalitigut piffinnilu isumannaallisaaneq eqqarsaatigineqarlutik
• Suliaqarusussusilik siooranarsinnaasunullu nalilersuinissami nakkutilliinermilu aaqqiissutissanik ujartuisinnaassusilik
• Suleqatiginnilluarsinnaassusilik, suliniutinilu assigiinngitsuni isumannaallisaaneq aallullugu ilanngussilluarsinnaassusilik
• Compliance-mik IT-kkullu isumannaallisaanermik misilittagalik

Neqeroorutigaarput

• Suliffik pissanganartoq suliassanillu assigiinngitsunik suliaqarfiusoq, suliffeqarfiullu iluani suleqatinik qanimut suleqateqarfiusoq
• Suliffeqarfik suleqatigiissinnaanermik, pitsaassutsimik aammalu ineriartornermik pingaartitsisoq
• Isumaqatigiinneq aallaavigalugu akissarsiat atorfininnermullu atugassarititaasut inissineqassapput
• Sulianut tunngatillugu ineriartorneq suleqatinillu misilittagaqqortuunik oqaloqateqarluarsinnaanermut periarfissalik

Soqutiginnippit?

Atorfininneq ingerlaannaq pisinnaavoq, taamaattorli piukkunnartumik nassaarnissarput utaqqissavarput.

Linki talerpiata tungaaniittoq toorlugu qinnuteqaat CV-lu nassiutikkit.

Qinnuteqaatinik e-mailikkut tigusaqarneq ajorpugut

Atorfik pillugu paasisaqarnerorusukkuit Paasissutissanut isumannaallisaanermut pisortaq Heine Nicolai Kaas oqarasuaatitigut +299 389424 imaluunniit hek@tusass.gl aqqutigalugu attaviginissaanut tikilluaqqusaavutit.

Tusarfiginissat qilaanaarput.