Digitalimik ingerlatsinermut siunnersorti

Kalaallit Nunaanni Aalisarnermut Piniarnermullu Nakkutilliisoqarfimmi IT-mut Nunallu Tamalaat Akornanni Suleqatigiinnermut immikkoortortaqarfimmi Digitalimik ingerlatsinermut siunnersortimik pissarsiorpoq

Kalaallit Nunaanni Aalisarnermut Piniarnermullu Nakkutilliisoqarfimmi (KANUAPNA) IT-mut Nunallu Tamalaat Akornanni Suleqatigiinnermut immikkoortortaqarfimmi namminerisamik suliniuteqartumik, aaqqissuussamik aamma misissueqqissaarluni sulisinnaasumik suleqatissamik pissarsiorpoq, taanna Kalaallit Nunaanni inuussutissarsiutit pingaarnersaanni aalisarnikkut nakkutilliinermi suliassanik ingerlatsillunilu ineriartortitseqataarusussusermik kissaateqartuusumik. 

Atorfik pillugu

KANUAPNA-mi digitalimik ingerlatsinerup ingerlanneqarneranut ineriartortinneqarneranullu Digitalimik ingerlatsinermi siunnersortitut peqataassaatit. Atorfik teknikkikkut pitsaasunik piginnaasaqarnermik piumasaqaateqarpoq aamma suleriaatsinik aamma ingerlaatsinik nutartererusussuseqartuusumik.

Atorfik tulliuttuni ukunani pingaarnertut suliassaqarfiuvoq:

• Suleriaatsit pitsanngorsarlugillu nutarterlugit. 

• Suliani ingerlaatsinik namminerisamik ingerlasussanngortitsinerit.

• Sapaatip akunnikkaartumik nalunaarutit aamma pisassiissutit killiffissiornerinik malitseqartitsinerit (pisassanit pisarisat/pisassiissutit tuniniarneqartut allattorsimaffiat).

• Suliat piaartumik suliassat aamma suliffeqarfimmi suliassanut allanut ikiuussinnaaneq.

Piginnaasat

• Inuussutissarsiummut tunngasumik ilinniagaq imaluunniit uppernarsakkamik inuussutissarsiuteqarsimanermik misilittagalik.

• Paasisssutissanik suliaqarnermi atortunik ilisimaqarluartuuneq, pingaartumik Excel, kisianni aamma paasissutissat toqqortuiviinik misilittagaqarneq, SQL aamma GIS pitsaasutut ilisimaqarfigigaanni pitsaaqutaassaaq.

• Power Automate-mik atuisinnaalluni ingerlaatsinik namminerisamik ingerlatsisinnaanermik atortunik ilisimasalik. 

• Tamakkiisumik isiginnissinnaanermik piginnaasalik aamma aaqqissuussamik suleriaaseqarsinnaasoq.

• Namminerisamik ingerlaaseqarneq aamma suliat ingerlanneqarnerinut qulakkeerinnissinnaasoq. 

• Sulianut suleqatigisanullu nikeriarsinnaasumik aamma qanilaassusermik sammisumik isumalik. 

• Pisortat allaffeqarfiini suliffeqarfinniluunniit namminersortuni allaffissornermik misilittagaqarneq, tassunga ilanngullugu pitsaaqutaassaaq suliat nalunaarsorneqartarnerinut ingerlatsinerni atortunik ilisimasaqarneq.

• Misissueqqissaarnerni suleriaatsit pitsaasut aamma pilersaarusiorsinnaanermik piginnaasaqarneq.

• Danskisut tuluttullu oqaluttariarsornikkut allattariarsornikkullu oqaasissanik iluarsartuussisinnaassuseqarneq.

• Kalaallit oqaasiinut ilisimasaqarneq pitsaaqutaassaaq.

• Aalisarnermi naliginnaasumik ingerlatsinermik aamma atortut teknikkikkut piginnaasaannik ilisimasaqarneq il.il. pitsaaqutaassaaq.

Naatsorsuutigivarput illit, uku:

• IT-mik pitsaasumik piginnaasaqartutit 

• Peqqissaartuusutit aamma suut tamaasa ilanngullugit maluginiartuusutit 

• Ingerlaatsinik pitsanngorsaarusussusermik kissaammik pigisaqartuusutit 

• Aalisarneq ilisimasaqarfigigit

• Attaveqaqatigiinnermut- aamma suleqatigiissinnaanermut pitsaasumik piginnaasaqartutit.

• (Pitsaaqutaassaaq) pisortat allaffeqarfianit allaffissornermik ilisimasaqaruit.

Neqeroorutigivarput:

• Atorfik ineriartorfiusinnaasumik periarfissaqartoq.

• Pisariaqartitsineq aamma kissaatit apeqqutaatillugit suliat nikerartut

• Suleqatit tunniusimallutillu piumassuseqartut.

• Suliffeqarfimmi aqutsisut sulisullu akorngini pitsaasumik ammasumillu attaveqaqatigiiffiusoq.

• Ineriartorneq aamma suleqatigiinneq ukkataralugit pitsaasumik peqataatitsisumik sulisoqarnermi atugassarititaqarfiusoq.

Illit pillutit

• Sulininni misissueqqissaartuusutit aamma namminerisamik suliannik ingerlatsigasuarsinnaanerit nalilersuutigissavavut. 

• Qiimallutit nuannaarlutit ulluinnatit periuseqarfigigitit.

• Sulininni aaqqissukkamik periuseqartuusutit suliannillu tunniussillutillu naammassinnittartutit pitsaasumik aamma piffissaq eqqorlugu.

• Taakkua saniatigut pisariaqarfiini immikkut pilliuteqarsinnaanissannut soqutiginnissinnaassasutit nalilersuutigissavarput.

• Aamma takorusunnarpoq kalaallit inuiaqatigiit ilisimasaqarfigissagitit aamma inuiattut pissutsit pillugit paasinnissimasuunissat.

Atassuteqarfissaq:

Atorfik pillugu paasisaqarnerorusukkuit tikilluaqqusaavutit IT-mut Nunallu Tamalaat Akornanni Suleqatigiinnermut immikkoortortami allaffimmi pisortaq Jacqui Schandorf saaffigissallugu, oqarasuaat. +299 34 53 73 imaluunniit e-mail: jacs@nanoq.gl 

Namminersorlutik Oqartussat pillugit itinerusumik paasisaqassallutit kissaateqaruit, tamanna www.nanoq.gl atorfiit ataanni pisinnaavoq.

Qinnuteqaat

Qinnuteqarnissamut killissarititaq aggustusip 9-at 2026 killeqarpoq. Atorfeqalerneq piaartumik pisinnaappat imaluunniit isumaqatigiissuteqarnikkut.

Pinerluuteqarsimannginnermut uppernarsaat

Atorfinitsitaaneq pinerluuteqarsimannginnermut takutitsisinnaanermik piumasaqaateqarpoq.

Pinerluuteqarsimannginnermut uppernarsaat atorfinitsitsiniarnermut atatillugu aaniarneqassaaq.

KANUAPNA pillugu

Kalaallit Nunaanni Aalisarneq, Piniarneq aamma Pinialunneq pillugit Kalaallit Nunaanni Aalisarnermi- aamma Piniarnermi Nakkutilliisut (KANUAPNA) aqutsillutillu, alapernaallutillu aamma nakkutilliisuupput. KANUAPNA pingaarnertut anguniagarivaa Kalaallit Nunaanni Namminersorlutik Oqartussat aalisarneq- aamma piniarneq pillugit inatsisaat malitsinneqarnissaat qulakkiissallugu; tassunga ilanngullugit maleruagassat nunat illugiillutik aalisarneq pillugu isumaqatigiissutaasa imaluunniit Kalaallit Nunaata nunat tamalaat aalisarnikkut suleqatigiiffigisaanni peqataatillugu atuutsitani malitsitsinissaq. Suliaqarneq Aalisarnermut aamma Piniarnermut Naalakkersuisoqarfik qanimut suleqatigalugu ingerlavoq.

KANUAPNA Nuummi qitiusumik allaffeqarfeqarpoq kiisalu nunap immikkoortuani allaffeqarfiit pingasut, Sisimiuni, Ilulissani aamma Nuummi inissisimasut. Qitiusumi allaffeqarfimmi sulisut 17-iupput taakkua aaqqissugaanerat immikkoortortaqarfinnut sisamanut aggulunneqarsimasuupput: IT-mut Nunallu Tamalaat Akornanni Suleqatigiinnermut, Nakkutilliineq, Aningaasaqarneq aamma HR. Nakkutilliinermut immikkoortortaqarfimmi nakkutilliinermi sulisut aalisarneq pillugu nakkutilliillutik alapernaarsuisut 11-iupput, kiisalu nunap immikkoortuani allaffinni katillugit 17-it aalisarnermi aamma piniarnermi nakkutilliisuusut.

Takuuk aamma www.kanuapna.gl.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Ineqarneq

Atorfimmut atatillugu inissaqartitsisoqanngilaq. Imaappat qinnuteqaateqartoq qinnuteqaateqarnermi nalaani Namminersorlutik Oqartussat ataanni atorfeqarnermini ineqareersoq, taava atorfimmut atasumik inissaqartitsisoqarnera attatiinnarneqarsinnaavoq. Atorfeqarnermi inissaqartitaaneq sulinermut atatillugu inissiaavoq tassungalu atatinneqassalluni aamma tamanna atorfeqarunnaarnermi qimanneqartussaalluni. 

Qinnuteqaatit nassiuguk, CV, ilinniarsimanermut uppernarsaat- aamma pikkorissarsimanernut uppernarsaatit, kiisalu uppernarsaatit attuumassuteqarsinnaasut allat ilannguteriarlugit ”qinnuteqaat nassiuguk” toorneratigut. Qinnuteqaatinik e-mailikkut nassiussanik tigusisanngilavut.