Fakta
Atorfiup suussusaa: DIH-mi Angalanernik ataqatigiissaarivimmi Angalanermut siunnersorti
Suliffeqarfik: Kalaallit Nunaanni Peqqinnissaqarfik
Qinnuteqarfissamut killigititaq: 26. maj
Attavissaq: Dorthe Møllerimi pissarsiarineqarsinnaapput, ukunatigut: oq. (+299) 34 48 80 imaluunniit e-mail: DOMJ@PEQQIK.GL
Angalanernik aaqqissuussineq nuannariviuk, aamma inniminniisarfik Amadeus ilisimaviuk? Suleqat arlalinnik ”timmisartuleraluni” suliamik nuannarinnittoq amigaatigaarput.
Pisoqarfinni artukkersimaffinni sungiussisimallutillu suleqatigiinni ingerlatsisartuuguit qinnuteqaatit nassiuguk.
Immikkoortoq sisamanut agguataagaavoq, Pilattaavimmi, Nakorsiartitsivimmi Napparsimasunik ataqatigiissaariviit, Masterplanimik ataqatigiissaarivik, aamma Angalanernut ataqatigiissaarivik. Immikkoortoqarfimmiipput napparsimasunik ataqatigiissaarisartut qulit, masterplaninik ataqatigiissaarisartut marluk, angalanernik ataqatigiissaarisartut arfinillit, immikkoortoqarfimmilu pisortaq.
Angalanernik inniminniisarnerit misilittagaqarfigigukkit, iluarinartuutillugulu maannakkut SULEQATIGIITSIALANNI peqataanissamut periarfissaqalerputit.
Napparsimasunik ataqatigiissaarisartoq suleqatigalugu napparsimasut taakku misissugarinissaannut, imaluunniit pilattaaviginissaannut angalanernik inniminniisarnerit isumagissavatit.
Sulinngiffeqarfiup nalaani, imaluunniit nappaateqarnerni angalagasuartitassanik pigaartunik pisariaqartitsisoqaraangat sulisinnaalersartumik ujagaqarpugut.
Angalagasuartitassanut pigaartutut napparsimasut angalanissaannik assigiinngitsunik aaqqissuussaqartassaatit, suut arlaliusut naggataagut imminnut naapittussat isumaginiagassartaanni qitiusutut inissisimassallutit. Piffissaq aalajangiisutut atuuffiusinnaavoq, taamaattumik pisoqarfinnit assingusunik misilittagaqassaguit tamanna assorsuaq iluaqutaassaaq.
Makku neqeroorutigaagut:
- Napparsimasunut angalanissanik pilersaarusiornerit angalanissanillu inniminniinerit
- Napparsimasunik angalagasuartitsinermik imaluunniit nuussinermik pilersaarusiornermut ilinniartitaanissat
Ima ittutit ujarpatsigit:
- Suliaqarfimmit misilittagalik, sivikinnerpaatullu ukiumi ataatsimi Amadeusimik misilittagalik
- Kalaallit Nunaanni attaveqaasersuutinik ilisimasalik
- Kiffartuusserusuttoq, suliassanillu iluarsiisarninni sungiussiasoq
- SULEQATIGIINNI INGERLATSILLAQQIVISSOQ
- Angallassanik aqutsinermik piginnaaneqarluartoq, imminillu najoqqutassaqartitsisoq
- Allaassummik piliaqarusuttoq, aammalu napparsimasut pikkoriffigisatut ingerlatarinissaasa qularnaarnissaannik pimoorussalik
- Qarasaasialerillaqqissoq
- Allanik isumaginnilernissamut piareersimasoq, arlalinnillu ataatsikkoortitsisinnaasoq
Uagut pilluta:
- Immikkoortoqarfik allanngoriartorfimmiittoq, tamaani sunneeqataasinnaallutit
- Ulluunerani nal. 08:00-16:00-imi suliffik, pisariaqartitsinermilu angalagasuartitassanik pigaartuusinnaasoq
- Suleqatit pimoorussallit piginnaasaqartullu
Qinnuteqaat
Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.
Sulilerfissaq: Ull. 1. juli 2026 imaluunniit isumaqatigiissutigisaq malillugu
Qinnuteqarfissaq kingulleq: Ull. 26. maj 2026
Qinnuteqartunik oqaloqateqarnerit ataavartumik ingerlanneqassapput
Attavissaq/at: Atorfik/iit pillugu/it paasissutissat: Dorthe Møllerimi pissarsiarineqarsinnaapput, ukunatigut: oq. (+299) 34 48 80 imaluunniit e-mail: DOMJ@PEQQIK.GL
Ineqarneq
Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.
Innuttaassuseq
Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.
Akissarsiat atorfininnermilu atugassarititaasut
Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut
pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.
Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq
Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.
Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.
Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit.
Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen
Kalaallit Nunaanni Peqqinnissaqarfik suliffittut pujortarfiunngilaq.
Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.
Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.
