Fakta
Atorfiup suussusaa: Rejsekonsulent
Suliffeqarfik: Det grønlandske sundhedsvæsen
Qinnuteqarfissamut killigititaq: 26 novembari 2025
Attavissaq: Dorthe Møller oqarasuaatikkut (+299) 34 48 80 imaluunniit e-mailikkut: DOMJ@PEQQIK.GL
Angalanissanik aaqqissuussinissaq nuannarisaraajuk inniminniinermilu sullississut Amadeus atorsinnaaviuk? – ulapaarnermik nuannarisalimmik suleqatissarsiorpugut.
Ulapaarneq sungiusimagukku suleqatitsialaallutillu qinnuteqaammik nassitsigit.
Suliffik sisamanik immikkoortortaqarpoq; pilatsittunut -, nakorsaatit atorlugit nakorsartittunut ataqatigiissaarivik, najoqqutassatut pilersaarummik ataqatigiissaarivik angalanissanillu ataqatigiissaarivik. Immikkoortortami sulisut tassaapput napparsimasut angalanissaannik ataqatigiissaarisut qulaaluat, najoqqutassatut pilersaarummik ataqatigiissaarisut marluk, angalanissanik ataqatigiissaarisut arfinillit, immikkoortortamilu aqutsisoq.
Angalanissanik inniminniineq misilittagaqarfigalugulu iluarigukku, suleqatigiitsialannut peqataalernissamut periarfissaqarputit.
Napparsimasut angalanissaannik ataqatigiissaarisoq suleqatigalugu napparsimaasut misissortikkiartortut imal. suliaritikkiartortut angalanissaannut inniminniisartussanngussaatit.
Pinasuartumik angallassinissanut pigaartutut, napparsimasunik angallassinernik assigiinngitsunik aaqqissuussisartussaassaatit aaqqinniagassarpassuarnilu qitiussallutit. Piffissaq aalajangiisuusinnaammat taamaaqataanik misilittagaqarneq annertuumik iluaqutaassaaq.
Neqeroorutigaagut:
- Napparsimasut sulisullu angalanissaannik pilersaarusiorneq inniminniinerlu
- Napparsimasunik pinasuartumik angallassinissanik imal. allamut nuussinissamik pilersaarusiornermut ilinniartinneqarneq. Qaammaammut pigaartuuffiusartut arfineq marluk missigaat.
Pissarsiariniagarput:
- Angalatitsivimmit misilittagaqarpoq Amadeus-imillu atuineq sivikinnerpaamik ukioq ataaseq misilittagaqarfigalugu
- Nunatsinni angallannikkut pissutsinik ilisimaarinnippoq
- Sulianik ingerlatsinermini kiffartuussiumatuujuvoq eqaatsumillu periuseqarluni
- SULEQATITSIALAAVOQ
- Ataqatigiissarillaqqissuuvoq aaqqissuussamillu periuseqarluni
- Sunniuteqarnissi kajungeraa napparsimasullu qaffasissumik pitsaassusilinnik aqqusaartugassaqarnissaannik qulakkeerinnikkusoqaluni
- Qarasaasiarsornermut pikkorissuuvoq
- Allannguinissanut piareersimavoq suliallu arlallit ataatsikkut suliarisinnaallugit
Uagut:
- Immikkoortortaq ineriartortoq sunniuteqarfigisinnaasat
- Ullukkut nal. 08:00 - 16:00 sulisarneq, qaammammullu arfineq marluk missaannik pigaartuuffeqarneq
- Suleqatit pimoorussisut piginnaanillillu
Qinnuteqaat
Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.
Sulilerfissaq: 1. januar 2026 immikkulluunniit isumaqatigiissuteqarnikkut
Qinnuteqarfissaq kingulleq: 26 november 2025
Qinnuteqartunik oqaloqateqarnerit ataavartumik ingerlanneqassapput
Attavissaq/at: Atorfik/iit pillugu/it paasissutissat: Dorthe Møller oqarasuaatikkut: (+299) 34 48 80 imal. mailikkut: DOMJ@PEQQIK.GL attavigalugu pissarsiarineqarsinnaapput.
Paasissutissat akissarsianut atorfininnermilu atugassarititaasunut tunngasut nalinginnaasut e-mailikkut: PERSONALE@PEQQIK.GL saaffiginninnikkut pissarsiarineqarsinnaapputtaaq.
Ineqarneq
Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.
Innuttaassuseq
Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.
Akissarsiat atorfininnermilu atugassarititaasut
Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut
pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.
Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq
Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.
Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.
Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit.
Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen
Kalaallit Nunaanni Peqqinnissaqarfik suliffittut pujortarfiunngilaq.
Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.
Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.
Atorfik una qinnuteqarfigiuk
