Fakta
Atorfiup suussusaa: Elektronikfagteknikeritut ilinniartoq
Suliffeqarfik: Tusass A/S
Qinnuteqarfissamut killigititaq: Ingerlaavartumik
Eletronikkimik soqutigisaqarluinnartuuit? Elektronikkimillu qanorluunniit ittumik ineriartortitsinermik, qanoq sananeqarnissaanik, uuttortaanermik, nakkutilliinermik, aqutsinermik nalunaarsuinermilluunniit qanoq suliaqarsinnaanerpit ilinniarnissaa soqutigaajuk? Attaveqaqatigiinnermut atortunik signalimillu sakkortusisitsinermut atortunik qanoq ikkussuisoqartarnera aserfallatsaaliuisoqartarneralu ilinniassallugu sapiuffiginngiliuk aammalu maskiinanik ikkussuineq, nakkutilliineq, ajoqutaannik ujaasineq aaqqissuunnissaallu ilinniarusuppigit?
Taamaappat Tusassimi Elektronikfagteknikerinngorniarluni ilinniartutut suliffimmik misiliinissamut periarfissaqarputit.
Illoqarfiit uku ilinniartussarsiuuppagut:
Nuummi Aallakaatitsivik (Transmission)
Qaqortumi Aallakaatitsivik (Transmission)
Aasianni Aallakaatitsivik (Transmission)
Sunik neqerooruteqarpugut?
Avatangiisimi uummaarissumi pissanganartumilu sulilissaatit, immikkoortortaqarfimmilu sorlermilunniit suligaluaruit sullitanik qitiutitsineq, sullissineq eqaatsumillu suleriaaseqarneq pingaartinneqarpoq.
Immikkoortortaqarfitsinni tamani suleqatinit pikkorissunit ilinniartinneqarnissat annertuumik periarfissaqarfigaat, tamannalu uatsinni siamasissumik assigiinngisitaartumillu ilinniarnermik tunisissaaq suliffeqaleruit iluaqutigisassannik.
Ilinniarnerpit nalaa tamaat ilinniartutut akissarsiaqartinneqarneq neqeroorutigaarput.
Tusassimi ilinniartut ilinnit makku naatsorsuutigaagut:
Angusaqarusussuseqarlutit suniarnerillu ilisimavat
Pitsaasunik karaktereqartutit sulinngitsuukulasuunngitsutillu
Nammineq ilinniarninnut ineriartorninnullu pimoorussisuusutit akisussaaffiginnittutillu
Annertuumik akisussaaffeqarneq eqaatsumillu suleriaaseqarneq nuannarigit
Pikkoriffeqalernissat annertuumik soqutigisarigit
Elektronikfagteknikerimut ilinniarnissamut akuerisaasimassaatit
Qallunaatut oqalussinaanneq allassinnaanerlu piumasaqaataarput, atuagarsorneq Danmarkimi inissisimagami
Soqutigaajuk?
Qinnuteqaativit, CV allagartavillu allat pisariaqartinneqarsinnaasut ugguuna nassiutikkit.
Tusassip qinnuteqaatit tigusani ataavartumik suliarisarpai aammalu imminut piginnaatilluni qinnuteqarnissamut killissarititaasup naannginnerani piukkunnarsinnaasunik aggersaanissamut.
Tusass
Paaisaqarnerorusukkuit nittartagarput www.tusass.gl alakkaruk
