Erninermut atatillugu Najugaqatigiiffik Pakkutami tullersortissarsi

Inunnut innarluutilinnut tarnimikkullu nappaatilinnut immikkoortortaqarfik erninermut atatillugu Najugaqatigiiffik Pakkutami tullersortissarsiorpoq

Inunnut innarluutilinnut tarnimikkullu nappaatilinnut immikkoortortaqarfik pikkorissumik tunniusimasumillu erninermut atatillugu Najugaqatigiiffik Pakkutamut tullersortissarsiorpoq. Aqutsineq misilikkusuppiuk sullitatsinnullu allanngueqataarusussuseqarpit, taamaappat illiuvoq suleqatitut amigaaterput.

Atorfik piffissaq tamakkerlugu sapaatip akunneranut 40 tiimit nal. 8.00-miit 16.00 tungaanut ullukkut suliffiuvoq. Aqutsisoq qanimut suleqatigissavat taassumalu peqannginnerani illit aqutsisumut paarlattaasassaatit immikkoortoqarfimmi aqutsisut allat tapersersortigalugit. Eqqumaffigissavat ulluinnarni naliginnaasumik suliffiup avataatigut aqutsisuni inissisimanerni sulinermut tunngasunik sianerfigitittarsinnaagavit. Tullersorti aqutsisup sulisullu akornanni ataqatigiissaarisuuvoq. Tullersortitut naatsorsuutigissavat ulluinnarni sulinerup nalaani allaffissorneq illorsuullu ingerlanerani suleqataasarnissat.

Pakkutami najugaqartut piginnaasai, pisanngorsarniarutsigit ineriartor-tinniarutsigillu aammalu timikkut piginnaasai inuiaqatigiinnilu ataatsimoorsinnaassusaat paariinnarniarutsigit annertuumik tapersersorneqarnissaminnik, ikiorneqarnissaminnik tungiorneqarnis-saminnillu pisariaqartit-sisuupput. Souschefitut anguniagassat ineriartortinneqarnerinut sulisut tunniusimasut ilimasallillu kajungissaarneritigut suliarinnittussaavutit. Najugaqartut 18-66 akornanni ukioqartuupput.

Uagut upperaarput ilisimatussuseq, assigiinngisuuseq ataatsimoornerlu siunissaq ungasinnerusoq isigalugu sulinitsinnit qulaani taaneqartut atornerini iluatsilluarsinnaalluta. Taamaammat nutaaliornerit qaqilertarnissai ingerlappagut taakkummata suliatsinnut tunngatillugu qaninnerulersitsisussat. Uagullu isumaqarluinnarpugut pikkorissorsuarnik aqutsisoqassagullu aqutsisuuneq ullormut oqaluuserisassanngorlugu qaqinneqartarnissaa!

Suliassatit:

∙Ulluinnarni sulisunut attaveqarneq sulisut suliffissai aammalu napparsimalluni nalunaarnerit aallaavigalugit.

∙Suliassanut assigiinngitsunut qaninnertut aqutsisoq peqatigalugu pilersaarusiorneq, aaqqissuussineq ataqatigiissaarinerlu

∙Najugaqatigiimmi najugaqartunut neqeroorutinut assigiinngitsunut qaninnertut aqutsisoq sulisullu peqatigalugit ineriartortitsineq

∙Aqutsisup sulinngiffeqarnerani aqutsinerup ingerlatsinermilu susassaqarfinnit akisussaassuseqarneq.

∙Aqutsisorlu pingaartuuneq avillugu.

Pingaarnertut suliassatit:

∙Ulluinnarni nalunaarsuisarnerup pitsaassusaanik qulakkeerinninneq malinnaaviginninnerlu

∙Sulisut suliffissaanik piareersaanermi akisussaasoq

∙Ingerlatsinermut ineriartortitsinermullu qaninnertut aqutsisoq peqatigalugu suleriuseqarneq

Naatsorsuutigaarput:

∙Ilinniakkamik sammineqartumut ilinniagaqartuusutit, inunnik innarluutilinnut tarnimikkullu nappaatilinnut misigittagalik

∙Aqutsinermik suliaqarnissamut sapiissuseqartutit aqutsinerullu tungaatigut misilittagaqartutit

∙Qaninnertut aqutsisoq peqatigalugu sulisunut ersarissumik siunniusseqataasinnaasutit

∙Aalajaattuusutit, nukittooq inunnullu allanut ataqqinnillutit akuersaartuusutit

∙Attaveqarnikkut ersarittuusutit killiliisinnaasorlu

∙Sulisutsialaasutit tatiginartorlu

∙Iluarsiissuteqarusussusilik suliffiusinnaasunullu eqinnaattuusutit

∙Kalaallisut qallunaarullu oqaaseqartuunissat iluaqutaassaaq, piumasaqaataanngilarli

Uagut:

Uani atorfimmi annertuumik ataatsimoorfiusumut peqataalissuutit: Immikkoortortaavugut najugaqatigiiffiit arfineq-pingasuutut, tallimat najugaqatigiiffik ataatsimoorussat, sammisassaqartitsiviit marluk aammalu ikorfartortitut sulissiit pingasut taakkualu Nuummi, Tasiilami Paamiunilu agguataarneqarput. Immikkoortortami ineriartortumi atorfik pissaganartoq neqeroorutigaarput. Ineriartorneq annertooq ingerlatileruttorparput ilisimatussuseq, assigiinngissuseq aammalu ataatsimoorneq ilisarnaatitut tunngaviusumik sunitsinni sinaakkutaralugit. Ineriartortitsinerup ilagiinnagaasa ilagisaat tassaavoq pitsaasumik illit sulisutut nutaatut suliffimmut isertinneqariartuaarnissat, oqaloqatigiinnerit ilinniarsimassutsinilu assigiinngitsuusuni ataatsimoorfeqarneq.

Atorfinitsitsinissamut oqaloqatiginninnerit ingerlanneqassapput sapaatip akunnera 34-mi

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq Sikkersoq Karlson +299 58 19 19 imaluunniit e-mail: skar@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 804-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: aggustip 25.-at, 2025

Atorfik una qinnuteqarfigiuk