Fritidsklub Qinngorput inunnik marlunnik aqutsisussarsiorpoq

Fritidsklub Qinngorput-mi aqutsinissamut piareersimavit, tassani meeqqanut inuusuttunullu ammasumik ersarissumillu aqutsinermik allanngortitsisinnaallutit - aammalu pissanganartumik ineriartortitsinermi fritidsklubbimik pilersitsinermut ikiuussinnaallutit? Fritidsklubbimi sammisassat assigiinngitsorpassuusinnaagaluartut E-sport-ernermik pingaarnertut sammisassaqartitsiffiuvoq.

Fritidsklubbip fritidshjemme-mik inissamik avitseqatigiissutigaa.

Aqutsisutut klubbip iluani ilusilersuinermut, kulturimut ilitsoqqussanullu tunngasunut sammisassaqartitsiniarnermi ikiuussinnaavutit.

Klubbi ullumikkut ulluinnarni 85 - 105-it tikillugit atuisunik ornigarneqartarpoq, meeqqanut inuusuttuaqqanullu 9–21-nik ukiulinnut sunngiffimmi inooqataanissamut sammisassaqartitsinermut tunngaviusumik neqerooruteqarluni.

Ammasarfiit:

Suliffissat ulluinnarni nal. 17:00 - 00:00 aamma sapaatip-akunnerisa naanerini nal. 01:00 tungaanut. Sapaatikkut ataasinngornermilu matoqqasarpoq.

Sulisussaq ujartugarput:

Aqutsisumik ujaasivugut:

• Perorsaaqataanermik attuumassuteqartumik ilinniagaqarsimasoq (assersuutigalugu pædagog, ilinniartitsisoq imaluunniit pædagogiskimik ikiorti il.il.).

• Aqutsinermik misilittagaqartoq.

• Ersarissumik, toqqissisimasumik

• Meeqqat inuusuttullu peqqissusaannik ineriartornissaannillu pædagogiskimik aammalu strategiskimik suliniuteqarnissaq kissaatigineqarpoq.

• Sulisut aamma klubbimi siulersuisut aqutsisullu suleqatigalugit ilinniartitsinermik suliassanik ineriartortitsisinnaasoq aaqqissuusseqqissinnaasorlu.

• Meeqqat pisinnaatitaaffii, paasissutissiinissamut pisussaaffik aammalu suliamik killiliussanik ilisimasalik.

• Eqqarsartaatsikkut nukittooq, aammalu unammilligassaqarfiusuni inissisimasinnaalluni.

• IT-p allaffissornerullu iluani piginnaaneqarluartoq – aammalu aningaasaqarnermik aqutsinermi pilersaarusiornermilu peqataasinnaasoq.

•Iluaqutaassaaq marluinnik oqaaseqartoq, kalaallisut qallunaatullu imaluunniit kalaallisut tuluttullu, piumasaqaataanngilarli

Akisussaaffigissavatit ilaatigut:

• Klubbimut nutaamik aaqqissuussamik takorluukkamillu ineriartortitsineq atuutilersitsinerlu

• Fritidsklub Qinngorput-mi ulluinnarni aamma periusissiamik aqqutissiueqataassaatit aqutsisullu suleqatigissallugit.

• Ukiumoortumik pilersaarusiortarneq, professionel-imik sparring-eqartitsisarneq aammalu klubbit akornanni suleqatigiinneq ammaffigissassanut ilaavoq.

• Team-imi suleqatigiinnerup nukittorsarneqarnissaa aammalu pædagogiskimik sulinermi periutsit nutaat saqqummiunneqarnissaat.

• Meeqqanut, angajoqqaanut sulisunullu isumannaatsumik ataatsimoortitsisumillu isikkoqarnissaq.

Neqeroorutigaarput:

• Atorfik, tassani periarfissaqassaaq klubbip ineriartortup siunissaanik aalajangersaanissamut aammalu ilusilersuinissamut.

• Sulisut assigiinngisitaartunik piginnaasallik aammalu tunniusimasut suliaminnut annertuumik uummatillit.

• Avatangiisit ammasumik, suleqatigiinnermik, humorimik aamma inuiaqatigiinnik ilisarnaatilimmik.

• Ingerlaavartumik tapersersuineq aammalu attuumassuteqartunik ilinniartitsineq aqutsineq aqqutigalugu.

• Ulluinnarni ingerlatsineq unammilligassaqartoq, assigiinngisitaartoq aammalu ilumut allanngortitsinissamut periarfissaqartoq.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Atorfiniffissamut angalanissaq:

Atorfinitsinneqarnermilu, atorfeqarfissamut angalatinneqarnermut atasumik, pequtinik atorfeqarfissamut nutserinermi, atorfinittoq akiliunneqassaaq. Aammalu atorfimmiit tunuarnermi, angalanissamut/nutsernissamut akiliunneqarneq aatsaat pisinnaavoq, ukiuni pingasuni imaluunniit amerlanerusuni atorfeqareersimanerup kingorna.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Autsisoq Gustav Olsen Brandt, oqarasuaat +299 36 63 02 imaluunniit e-mail: gumb@sermersooq.gl imaluunniit

Fagchef Pipaluk Lynge Berthelsen, oqarasuaat +299 36 81 66 imaluunniit e-mail: plbe@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 959-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: oktobarip 2.-at, 2025

Atorfik una qinnuteqarfigiuk