Fakta
Atorfiup suussusaa: Generalsekretæri / generalsekretærimik
Suliffeqarfik: Grønlandske Børn - Kalaallit Meerartaat
Qinnuteqarfissamut killigititaq: 1. novemberi
Attavissaq: Genitorimi suleqat Andreas Gylling Æbelø
+45 5339 0716 / agae@genitor.dk
imaluunniit generalsekretæritut tunuartoq Puk Draiby
+45 4290 9189 / pd@fgb.dk.
Suliniaqatigiiffik kalaallit meerartaannut inuusuttaannullu allanngueqataasoq siuttuuffigerusuppiuk, peqatigisaanillu Kalaallit Nunaata Danmarkillu atassuteqarneranni pingaarutilimmik inissisimaffeqarlutit?
Grønlandske Børn – Kalaallit Meerartaat generalsekretærimik nutaamik pissarsiorpoq, suliniaqatigiiffiup ataatsimut sammivissaanik pilersitsisinnaasumik aammalu Kalaallit Nunaanni Danmarkimilu kalaallit meerartaat, inuusuttaat ilaqutaallu pillugit sullissinermi suliniaqatigiiffiup pingaarutilimmik inissisimaneranik nukittorsaasinnaasumik.
Suliniaqatigiiffiup inuiaqatigiinni pingaarutilimmik siunertaqarfiusup, sulisut tunniusimalluartut aammalu aningaasaqarnikkut patajaatsumik tunngaveqartup siuttuuffiginissaanut periarfissaqassaatit. Peqatigisaanillu Kalaallit Nunaata Danmarkillu akornanni pissutsit immikkut ittumik sammineqartut nalaanni, saqqumisumik katersuutsitsisumillu atuuffeqassaatit.
Generalsekretæritut suliniaqatigiiffimmi aqutsisuussaatit ataatsimoortitsisoq aammalu kalaallit-danskit suliniaqatigiiffiannut naalagaaffeqatigiit akimorlugit meeqqanut, inuusuttunut ilaqutariinnullu pingaaruteqarluartumut sinniisuussallutit.
Illit piginnaasatit
Kalaallit Nunaanni inuiaqatigiinni pissutsit, kulturi oqaluttuarisaanerlu annertuumik ilisimasaqarfigivatit taakkulu pillugit isumannaatsumik suleriaaseqarsinnaallutit. Soqutigisaqaqatigiit assigiinngitsunik amerlasuunik katitigaasut misilittagaqarfigivatit avatangiisillu politikkikkut sunniuteqarfigineqartut suliffiginissaat paasisimasaqarfigalugu. Peqatigisaanillu aqutsisutut ataatsimoortitsisuuvutit, sulisut, kajumissutsiminnik suliaqartut suleqatigisallu aqqutigalugit tatiginnilersitsisinnaasoq, ingerlaqatigiissitsisinnaasoq angusaqartitsisinnaasorlu.
Atorfiup imarisaa akisussaaffeqarfiillu atorfimmut aamma inuttut piginnaasanut paasissutissani (pdf) atuarneqarsinnaapput.
Qinnuteqarneq attaveqarfissallu
Toortagaq atorlugu atorfimmut qinnuteqassaatit.
Qinnuteqarnissamut killigitinneqartoq tassaavoq 1. novembari 2026.
Atorfik pillugu apeqqutissaqaruit Genitorimi partneri Andreas Gylling Æbelø saaffigisinnaavat uunga +45 5339 0716 / agae@genitor.dk imaluunniit generalsekretæritut tunuartoq Puk Draiby uunga +45 4290 9189 / pd@fgb.dk.
Tusarfiginissat qilanaarivarput.
