GUX Nuuk naatsorsuuserisumik suleqatissarsiorpoq

GUX Nuup allaffeqarfiani 1. juuni 2026 aallarnerfigalugu imaluunniit ullup taassuma kinguninnguatigut naatsorsuuserisutut atorfik inuttassarsiuunneqarpoq. Atorfik piffissaq suliffiusoq tamakkerlugu atorfiuvoq sapaatit akunneranut nal. akunneri 40-t.

GUX Nuuk Kalaallit Nunaanni ilinniarnertuunngorniarfiit annersaraat ukiumi atuarfiusumi nutaami 500-t miss. ilinniartoqarluni ingerlatsivinni arfineq-marluusuni ukiuni pingasuni atuarfiusuni. Taakku ilinniartitsisunit 50-it miss. atuartinneqartarput. Atuarfimmi aammattaaq PAM-inik 15-it miss. atorfeqartitsisoqarpoq. Atuartuutivut ilinniakkatigut aamma inuttut atugarisatigut assigiinngitsorpassuarnik atugaqarput, kisianni ataatsimut takorluugaqarlutik; tassalu ilinniarnertuunngornissaminnik. 

Kollegiat arlallit atuarfimmut atapput, atuartussarsiortarnerlu kangiani Tasiilamit kitaani kujammut Paamiunut pisarpoq, atuartulli amerlanerpaartaat Nuummeersuullutik. Atuarfimmi oqaatsit marluk atorlugit pædagogik ingerlapparput aamma kulturi tunngavigalugu atuartitsisarluta atuartullu atuarfiup atuartitsinerani qitiutittarlutigik.

Aalajaatsumik aamma isumagissartumik suleqatissarsiorpugut, ilaannikkut ulluinnarni ulapaarfiusumi tamanik malinnaaffiginnittarsinnaasumik. Suleqatissaq suleqatinut ikiuukkumatuujussaaq aamma aaqqissuussaasumik sulisinnaassalluni, kiisalu nammineersinnaasuulluni suleqataasut sinneri qanimut suleqatigalugit.

Suleqatissarput attaveqaatissaqarluassaaq assigiinngitsorpassuarnillu suliaqartassalluni, taamaattumik pingaartuuvoq illit allanngortitsisarnernut malinnaasinnaassaatit piffissarlu sulinermut atukkat aaqqissuulluarsinnaassavat suliassat aallartinneranniit naammassinissaasa tungaannut suliarisassallugit.

Allaffimmi sulisut allat suleqatigalugit suliassatit pingaarnerit tassaassapput:

• Akiligassiissutinik akuersisarneq aamma suliffimmi nalunaarsugassat IRIS Suite atorlugu isumagisarlugit

• Aningaasartuutinik aalajangersimasunik nalunaarsuineq aamma malinnaaffiginninneq

• Sulisunut akiliussigallarneq

• Angalanerni naatsorsuutit

• Pequtit allattorsimaffiannik nutarterineq aamma naatsorsuuserinermi ilitsersuineq

• Aqutsisut suleqatigalugit missingersuusiortarneq

• Ingerlaavartumik missingersuutinik malinnaaneq (qaammatikkaartumik aamma kvartalinut)

• Kollegiami aappaluttumik nerisassanik atuinermut malinnaaneq.

Naatsorsuutigaarput illit:

• Akademikeritut ilinniagaqartutit (aningaasaqarnermi isumalluutinillu aqutsinermi)

• Allaffissornermi assingusunik suliaqartarnermi misilittagaqartutit

• Excel, Word atorsinnaalluarlugit aamma tamakku saniatigut ulluinnarni IT-mik atortunik assigiinngitsunik passussisinnaasoq, pisariaqarpat uagut ilinniartitsineq isumagiumaarparput.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Periuseq

Paasissutissat sukumiinerusut pissarsiarineqarsinnaapput Atuartitaanermut Aqutsisumut Maureen Hendrikx-imut telefon +299 256102-mut imaluunniit rektorimut Hanne Larsenimut telefon +299 363396-mut saaffiginninnikkut pissarsiarineqarsinnaapput

Kingusinnerpaamik qinnuteqaammik nassiussiffissaq tallimanngorneq 29. maj. 2026

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.