Heldagsskolemi inunnik isumaginninnermut siunnersorti

Heldagsskole inunnik isumaginninnermut siunnersortimik tunniusimasumik sulisussarsiorpoq. Suliffik nuannersoq, suliffigiuminartoq neqeroorutigaarput. Atuarfik marlunnik immikkoortortalik, aappaa Atuarfik Samuel Kleinschmidtimut atasoq, aappaalu Heldagsskolemik taaguutilik Nuussuup Atuarfiata ungasinngisaani inissisimasoq.

Allaffik Heldagsskolemi inissisimassaaq, Nuussuup atuarfiata ungasinngisaani. Atuarfimmi marlunnik immikkoortortalimmi, inunnik isumaginninnermut siunnersortitut suleqataalissaatit.

Heldagsskolemi atuartut immikkut pisariaqartitsisuupput, assigiinngitsut peqqutaallutik klassemi nalinginnaasumi atuaqataasinnaanngitsut. Heldagsskole atuartunut tamanut pissarsiffiusumik aalajangersakkamik ataqatigiissaarluakkamik atuarfiuvoq, atuartup pisariaqartitai aallaavigalugit inuttut, ilikkagassatigullu anguniagaanut ineriartorfiusoq.

Atuarfik atuartoqarpoq 80-t missaanni, sulisoqarlunilu 62-t missaanni. Taakkulu atuarfiup immikkoortuini marluusuni avinneqarput.

Inunnik isumaginninnermi siunnersortiutut atorfinittussap atuarfiit immikkoortui marluk sullitissavai.

Atorfiup imaa:

Atuarfimmi Isumaginninnermik siunnersortitut suliassarissavatit isumaginninnermut tunngasunik atuartut sullinnerini ataqatigiissaarineq. Suliassavit ilagissavaat atuartunut, angajoqqaanullu saaffiginnissinnaaneq. Atuartut ilaatigullu angajoqqaat oqaloqatigineqartarlutik.Ilinniartitsisut atuartut pillugit siunnersorneqarsinnaasarput aammalu aqqutissiuunneqarsinnaallutik.

Sulilissagaanni piginnaasassat:

·Isumaginninnermut siunnersortitut ilinniarsimanissaq assingusumilluunniit ilinniagaqarsimanissaq

·Pisariaqartitat naapertorlugit misilittagaqarneq

·Kalaallisut qallunaatullu oqalussinnaaneq

·Suliffimmi nammineersinnaassuseqarneq

·Sullarissuuneq, anguniagaqarsinnaaneq, akisussaaffimmik tigusisinnaaneq

·Atuartunut immikkut pisariaqartitsisunut attaveqallaqqissuuneq

·Periarfissanik nutaanik ujartuisinnaaneq

·Atuarfimmi suleqatinik atuarfiullu avataaneersunik suleqateqallaqqinneq

·Angajoqqaanik immikkut pisariaqartitsisunik atuartuutilinnik oqaloqateqallaqqinneq

·Qarasaasiamik eqaatsumik atuisinnaaneq

Inunnik isumaginninnermi siunnersortip akisussaaffeqarfissai:

·Atuarfik angerlarsimaffillu suleqatigineri

·Atuartumut attaveqaataaneq, isumaginninnermut suliassanut tunngatillugu

·Atuartut pillugit ilinniartitsisunik siunnersuisinnaaneq aqqutissiuussisinnaanerlu

·Ataavartumik atuartunik oqaloqateqarsinnaaneq angajoqqaat suleqatigalugit

·Iliuusissatut pilersaarusioqataaneq, isumaginninnikkut suliassat eqqarsaatigalugit

·Suleqatinik avitseqateqaqatigiinneq

·Pinaveersaartitsinermik siuarsaaqataaneq, aammalu qinngasaaruttarnermik pinaveersaartitsinerit eqqarsaatigalugit

·Avataaneersunik suleqateqarneq, MISI, Peqqik pinaveersaartitsinermilu suliaqartut eqqarsaatigalugit

·Atuarfimmi immikkut atuartitsinermi siunnersorti suleqatigineqarsinnaasassaaq

·Pisortat qanimut suleqatigineqassapput

·Netværksmødenik ingerlatsineq suleqataanerlu

·Upalungaarsimanermut suleqataaneq

Heldagsskolep neqeroorutigai:

·Suliffik pitsaasoq ulapaafiusoq, assigiinngitsunik suliassaqarfiusoq

·Suleqatit pitsaasut suleqatigiuminartut

·Suleqatit aamma aqutsisut akornanni suleqatigiilluarneq

·Suliffik akisussaaffimmik tigusinissamut aamma nammineerluni sulisinnaanissamut pitsaasumik periarfissiisoq

·Suliffik inuttut, suliatigullu ineriartornissamik periarfissalik

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Atuarfiup Pisortaa Randi Jeremiassen-Jakobsen, oqarasuaat +299 36 64 19 imaluunniit e-mail: rajj@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 627-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: juulip 8.-at, 2025

Atorfik una qinnuteqarfigiuk