Heldagsskolen ataatsimik ilinniartitsisussarsiorpoq

Heldagsskolen ataatsimik ilinniartitsisussarsiorpoq, atuarfimmi atuartunut Autisme Spektrum Forstyrrelseqartunut tulluussakkamik atuartitsisussamik aammalu atuartunut immikkut pisariaqartitsisunut atuartitsisussamik

Heldagsskole ilinniartitsisumik tunniusimasumik, atuartunullu Autisme Spektrum Forstyrrelseqartunut atuartitsisinnaasumik pissarsiorpoq, taamatullu atuartunut immikkut pisariaqartitsisunut assigiinngitsut peqqutigalugit immikkut atuartinneqartariaqartunut pissarsiorpoq.

Suliffik pissanganartoq, siunertaqarluartoq, toqqissisimasumik ineriartorfiusimillu ilikkarsarfiusoq neqeroorutigaarput, atuartut ataasiakkaat pisariaqartitai ilorrisimaarnissaallu qitiutillugit suliffiusoq. Suleqatiginitsigut periarfissinneqassaatit suleqatit ilisimasallillu allat peqatigalugit atuartunut pitsaanerpaamik sinaakkusiillutit ilikkariartortitsinissannut. Pamersaanermik nukittuffeqaruit, akuersaartumik pitsaasumillu meeqqanut isiginnittaaseqaruit meeqqallu pillugit allanngueqataarusukkuit immaqa illiuvoq suleqatissarput.

Heldagsskolen pillugu:

Kommuneqarfik Sermersooq aalajangiussaqarnikuuvoq aggusti 2025 aallarnerfigalugu, Heldagsskolen allilerneqarlunilu atuarfinngussasoq immikkut nammineq ingerlasoq. Heldagsskolep ingerlariusissaa nutaaq tassaassaaq atuartunik immikkuullarittumik ikorfartortarialinnik ineriartortitsivik, atuartut piginnaasatik pisariaqatitatillu aallaavigalugit ineriartornissaat qitiutillugu atuarfik ingerlariuseqassaaq.

Atuarfimmi meeqqat ataasiakkaat pisariaqartitaat aallaavigalugit atuartitsineq aaqqissuunneqassaaq, peqataatitsineq, inuiaqatigiinni inooqataasinnaaneq, atugarissaarneq aammalu inuttut ineriartorneq annermik ineriartortinneqassallutik.

Heldagsskolen illorsuarnut marlunnut avitaavoq, immikkoortoq siulleq meeqqanut autimeqartunut immikkoortortaasoq, immikkoortullu aappaat tassaavoq massakkut Heldagsskoleoreersoq atuartunut immikkut pisariaqartitsisunut atuarfik assigiinngitsut peqqutigalugit immikkut atuartinneqartariaqartut atuarfiat, Nuussuup Atuarfiata eqqaani inissisimasoq.

Sulilissaagaanni piginnaasassat:

·Ilinniartitsisutut ilinniagaqarneq immikkullu atuartitsinermik misilittagaqarneq

·Silaannarmik atuarusulersitsisumik toqqisimanartumillu pilersitseqataasinnaaneq

·Atuartut toqqissisimallutik ilorrisimaarlutillu ineriartortinnissaannut sullisserusussuseqarneq

Sulisut akisussussaaffeqarfissai:

·Atuartitsinissamut pilersaarusiorneq aamma atuartitsineq meeqqat ataasiakkaat pisariaqatitaannik aallaavilik

·Atuarfiup ingerlariusissaannut atuarfiullu atuartunut qanoq periuseqarnissaanut ineriartortitseqataanermik ingerlatsinissaq

·Suleqatinik, avataanillu sullissisunik suleqateqarluarsinnaaneq

Sulisunut neqeroorutigaagut:

·Suliffik ineriartorfiusoq pissanganartorlu

·Suliffik soqutiginartoq, inoqatinullu attaveqarnermik aallaavilik

·Atuartut Autisme Spektrum Forstyrrelsellit ulluinnaannik oqilisaaqataanermut peqataaneq

·Atuartut immikkut pisariaqartitsisut, assigiinngitsut peqqutigalugit immikkut atuartinneqartunut ulluinnaannik ineriartortitsqataallunilu oqilisaaqataanermut peqataaneq

·Suliffik sulisutut, inuttut sutigullu tamatigut ineriartorfiusoq

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Atuarfiup pisortaa Randi Jeremiassen-Jakobsen, oqarasuaat +299 36 64 19 imaluunniit e-mail: rajj@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 15-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: januaarip 27.-at, 2026

Atorfik una qinnuteqarfigiuk