Heldagsskolen pedelimik sulisussarsiorpoq

Heldagsskole pedelimik tunniusimasumik sulisussarsiorpoq. Suliffik nuannersoq, suliffigiuminartoq neqeroorutigaarput. Atuarfik marlunnik immikkoortortalik, aappaa Atuarfik Samuel Kleinschmidtimut atasoq, aappaalu Heldagsskolemik taaguutilik Nuussuup Atuarfiata ungasinngisaani inissisimasoq.

Heldagsskolemi atuartut immikkut pisariaqartitsisuupput, assigiinngitsut peqqutaallutik klassemi nalinginnaasumi atuaqataasinnaanngitsut. Heldagsskole atuartunut tamanut pissarsiffiusumik aalajangersakkamik ataqatigiissaarluakkamik atuarfiuvoq, atuartup pisariaqartitai aallaavigalugit inuttut, ilikkagassatigullu anguniagaanut ineriartorfiusoq.

Pedeli tamatigoortumik inissisimassaaq. Atuarfimmi marlunnik immikkoortortalimmi, atuareernerullu kingorna sammisaqartitsivittaani pedeliussalluni.

Atuarfik atuartoqarpoq 80-t missaanni, sulisoqarlunilu 62-t missaanni. Taakkulu atuarfiup immikkoortuini marluusuni avinneqarput.

Pedel-itut atorfinittussap atuarfiit immikkoortui marluk sullitissavai.

Sulilissagaanni piginnaasassat:

·Piffissaq eqqorlugu takkuttarnissaq

·Tunniusimasuuneq, akisussaassuseqarneq

·Oqimaatsulerisinnaaneq

·Aporfiit salliutinnagit periarfissanik takunnissinnaaneq

·Suliassanut assigiinngitsunut tamatigoortuuneq

·Suliakkiutinut pilertortumik naammassinnissinnaaneq, allatullu eqqarsariallaqqissuseq atorlugu suliassat naammssinissaannik pingaartitsineq

·Biilernermut allagartaqarneq

·Suleqatinut, aqutsisunullu pitsaasumik suleqateqarsinnaaneq

·Meeqqanut immikkut pisariaqartitsisunut paasinninneq, inissaqartitsineq

·Inuppalaartuuneq

Pedellip akisussaaffeqarfissai:

·Atuarfiup illutai, pigisai, teknikkillu ivertitat eqqiaanerlu nakkutigissallugit

·Eqqagassat atuarfiullu eqqaata eqqiluitsuunissaa

·Allakkanik aatsineq agguaassinerlu

·Aserfallassimasunik mailikkut nalunaarutiginninnerit

·Tammaarsimaartoqassatillugu ikiuunnerit

·Atuarfimmiit pisiniartoqartillugu angallassinerit, ikiuunnerillu

·Klasseniit klassenut nutsertoqartillugu ikiuunnerit

·Aserfallassimasut, aserorsimasulluunniit annikitsut suliarineri

·Pisattat nutaat eqqussuunneri

·Isumaqatigissuutit malillugit biiliussinerit

·Ilinniartitsisut suliakkiutaat naammassinissaat

·Ullaakkut suliartorfiit 7:00-miit aallartittassapput

Heldagsskolep neqeroorutigai:

·Suliffik pitsaasoq ulapaafiusoq, assigiinngitsunik suliassaqarfiusoq

·Suleqatit pitsaasut suleqatigiuminartut

·Suleqatit aamma aqutsisut akornanni suleqatigiilluarneq

·Suliffik akisussaaffimmik tigusinissamut aamma nammineerluni sulisinnaanissamut pitsaasumik periarfissiisoq

·Suliffik inuttut, suliatigullu ineriartornissamik periarfissalik

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Atuarfiup Pisortaa Randi Jeremiassen-Jakobsen, oqarasuaat +299 36 64 19 imaluunniit e-mail: rajj@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 629-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: juulip 8.-at, 2025

Atorfik una qinnuteqarfigiuk