FAKTA
Atorfiup suussusaa: Hjemmesygeplejerske eller sundhedsassistent søges til Distriktspsykiatrien Ikaarsaarfik, DIH
Suliffeqarfik: Kalaallit Nunaanni Peqqinnissaqarfik
Qinnuteqarfissamut killigititaq: 31. august
Attavissaq: Pia Rasmussen oqarasuaatikkut 34 41 20 / pira@peqqik.gl imaluunniit Helle Mougaard oqarasuaatikkut (+299) 34 41 20 imaluunniit e-mailikkut: hemf@peqqik.gl
Nuummi tarnikkut nappaatilinnut najukkaminniittunut sullissivik Ikaarsaarfik peqqissaasumik imal. sundhedsassistentimik pissarsiorpoq
Peqqissaasuuit imal. sundhedsassistentiuit, tarnikkut nappaatilinnik annertuumik soqutigisalik?
Attaveqallaqqisuuit ulluinnarnilu assigiinngitsuni namminersorneq suleqatigiinnilu peqataaneq iluaraagit? Taamaassappat tassaasinnaavutit pissarsiariniagarput.
Nuummi innuttaasunik tarnikkut nappaatilinnik, ataatsimik arlalinnilluunniit nappaateqartunut najukkaminniittunut sullissiviuvugut. Attaveqarfeqarneq suleqatigiinnerlu qitiutillugit tarnikkut nappaammit/ajornartorsiummit aniguinissamik siunnerfilimmik periuseqarneq tunngavigalugu sulivugut.
Tarnikkut nappaatilinnut najukkaminiittunut sullissivik, aaqqissuussaanikkut Nuummi Dronning Ingridip Napparsimmavissuani tarnikkut nappatilinnut qitiusumik immikkoortup ataani inissisimavoq. Suliffiusartut tunngaviusumik tassaapput ulluinnarni nal. 8-16, sapaatillu ak. naanerisa arfinilissaanni immikkoortortami A1-imi pigaartuusarneq.
Neqeroorutigaagut:
- Suleqatitsialaat pimoorussisut misilittagallillu
- Sukumiisimik paasissutissinneqarneq ulluinnaallu allanngorartut.
- Illit nammineq sullitassannik napparsimasuuteqarnissat.
- Ilinniagaqassutsikkut neqeroorummik inerisaanissamut periarfissaqarneq.
- Ikaarsaarfiup inerisarnissaanut sunniuteqaqataaneq
- Atorfik ilinniagaqassutsimik, nammineersinnaasutsimik suliassanillu pilersaarusiornermut ingerlatsinermullu akisussaassuseqarnermik piumasaqaatitalik
Pissarsiariniagarput:
- Tarnikkut nappaatilinnut tunngasunik misilittagaqarpoq
- Ajornanngippat tarnikkut nappaatinut tunngasunik ilinniaqqissimavoq
- Akisussaassuseqarpoq, ilinniagaqassutsikkut piginnaaneqarluarpoq aalajaatsuullunilu
- Namminersorluni sulisinnaavoq suleqatigiinnilu peqataasinnaalluni
- Napparsimasut suleqatigalugit attaveqarfinnik pitsaasunik pilersitsisinnaavoq
- Pinartoqartillugu ataatsimut isiginnissinnaavoq
Uagut:
- Ikaarsaarfik Nuummi innuttaasunut tarnikkut nappaatilinnut najukkaminniittunut neqeroorutaavoq
- Ilinniakkat akimorlugit tarnikkut nappaatilinnut immikkoortortaq uninngavik A1, kommuni pinerlussimasunillu isumaginnittoqarfik suleqatigaagut
- Sullivimmi avatangiisit ilinniagaqassutsimik akuersaartut ukkataraarput
- Ikaarsaarfik, immikkoortortami aqutsisumit tarnikkut nappaatilinnut qitiusumik immikkoortumi pisortanik qanimut suleqateqartumit, aqunneqarpoq.
Qinnuteqaat
Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.
Sulilerfissaq: 1. september 2025 immikkulluunnit isumaqatigiissuteqarnikkut
Qinnuteqarfissaq kingulleq: 31. august 2025
Qinnuteqartunik oqaloqateqarnerit ataavartumik ingerlanneqassapput
Attavissaq/at: Atorfik/iit pillugu/it paasissutissat: Immikkoortortami aqutsisoq Pia Rasmussen oqarasuaatikkut: 34 41 20 / pira@peqqik.gl imal. peqqissaasuunertut pisortaq Helle Mougaard oqarasuaatikkut: (+299) 34 41 20 imal. mailikkut: hemf@peqqik.gl attavigalugit pissarsiarineqarsinnaapput
Ineqarneq
Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.
Innuttaassuseq
Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.
Akissarsiat atorfininnermilu atugassarititaasut
Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut
pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.
Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq
Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.
Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.
Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit.
Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen
Kalaallit Nunaanni Peqqinnissaqarfik suliffittut pujortarfiunngilaq.
Qinnuteqaatit PDF-inngorlugit allakkiat Gjob.dk aqqutigalugu nassiussat kisiisa tigusinnaavagut.
Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.
Atorfik una qinnuteqarfigiuk
