STARK Qaqortoq immikkoortortaqarfimmi aqutsisussamik ujaarlerpoq

Inuttut professionaliusumillu ineriartornissamut periarfissiisumik aqutsisutut atorfeqarnissamik soqutiginnippit? STARK Qaqortoq immikikoortortaqarfiani pisortamik ujaarlerpugut, angusassanik nutaanik peqataarusuttoq aammalu STARK siunissami Kalaallit Nunaanni sanaartornikkut atortussanik nioqquteqarnikkut siuttuunissaanut imminullu ilusilersueqataaffiginissaanut.

STARK Qaqortoq immikkoortortaqarfiani pisortatut atuuffissatit 

STARK Qaqortoq aqutsisuuffigissavat, sulisut pingasut akisussaaffigalugit taamatuttaarlu piffimmi immikkoortortami pisortaq toqqaannartumik attaveqarfigissallugu. STARK Qaqortoq pisortaaffigilernerasigut akiginiaaneq, ingerlatsineq, ineriartortitsineq aammalu niuertarfiup angusai akisussaaffigissavatit. Taamaasilluni isumaqarpoq illit:

· Piffimmi STARK aallartitarissavaatit, pisisartut, sulisut aammalu STARK Kalaallit Nunaat Aalborg Ø-miittoq peqatigalugit ineriartortitseqataaffiginissaanut aqutsinikkut piginnaatitaaffiit atorsinnaassallugit.

· Sulisussarsiorneq, ineriartortitsineq, sulisunik attassiinnarneq aammalu niuernikkut sammivimmut pingaartitatsinnullu ilitsersuisoq.

· Sulisorisanut akisussaasutut aqutsinikkut misilittakkatit aammalu niuernikkut ilisimasatit atornissai, akiginiaanikkut aammalu aningaasartuutinik pitsanngorsaanerit taamatuttaarlu periusissiornikkut suliniutit malitseqartitsiffigineri atuutilersinnerilu.

· Pilersaarusiorneq, siulersuineq aammalu Kalaallit Nunaanni aqutsisooqatigiit suleqatiginerisigut akigisaqarnerunissamut alloriartitsinernik suliaqassaatit.

· Siuariartornissamut periarfissat aammalu akilersinnaasumik ineriartortitsinissaq qulakkeerniarlugu niuernikkut paasissutissanik misissuinerit.

· Missingersuusiornikkut aqutsineq aammalu KPI malitseqartitsiffigineri.

· Pisisartorisanut akigisaqarnernik pilersitsineq taamatuttaarlu akigisaqartarnikkut attaveqaatit aammalu piniarfigisartakkanut, pisisartunut soqutigisalinnullu attaveqarnermut nukittorsaaneq attassinerlu.

STARK Qaqortoq immikkoortortaqarfiani pisortarput nutaaq 

Pingaartitagut attatiinnarnissaannut qulakkeerinninnissamut peqataassaatit. Taamaattumik pissuserissaarnermik, piumassusermik aammalu tanngassimaaruteqarnermik pisisartutsinnut, suleqatigisartakkatsinnut aammalu ulluinnarni suleqatitsinnut takutitsisassaatit.

Atorfissanni iluarisimaarnissannut suliassanik tigumminnissinnaaneq aammalu suleqatigiinneq pitsaasoq pingaartinnissaa pingaaruteqarpoq. Angusaqarusullutit, attaveqarneq ersarissoq aammalu malugineqarluarsinnaasumik aqutsillutit sulissaatit. Suliniutit isumaqatigiissutigineqarsimasunut malitseqartinnissaanut qulakkeerinnittassaatit aammalu torersumik siunertalimmillu sulinermik pilersitsissaatit.

Atorfinittussaq uatsinnut tulluartoq tassaavoq ukiuni arlalinni sulisoqarnikkut aqutsisimasoq, B2B aamma B2C akiginiaasoq imaluunniit akiginiaanikkut aqutsisimasoq aammalu niuernikkut paasisimasaqarluartoq. Branche ilisimaariguniuk pitsaaqutaassaaq kisianni atorfigiligassamut aaliangiisuunavianngilaq. STARK suleqatigiivinut allannguinissamut soqutiginninnerit aammalu piumassuseqarnerit pingaarnerpaatut inissisimassaaq.

Marlunnik oqaaseqartuuguit (kal/da) pitsaasuussaaq, piumasaqaataanngilarli. Kalaallit Nunaanni maleruagassat atuuttut aallaavigalugit atorfimmut atatillugu ineqarneq neqeroorutigineqarpoq.

Qulaani allassimasut tarrarsorfigisinnaagukkit atorfigiligassanni angusassat pitsaasut angunissaanut niuertarfitsinni ilisimasassamut piareersimanissat pillugu pingaartitsilluta aallartinnermi ilitsersuussissaagut.

Qaqortoq illoqarfik 

Qaqortoq Kalaallit Nunaanni illoqarfiit anginersaat sisamaattut inissisimalluni 3.000-nik inoqarpoq. Narsarsuaq aqqutigalugu Qaqortumut qulimiguulimmik timmisoqarsinnaavoq, kisianni 2026 ukiaanerani mittarfissaq nutaaq ammassaaq. Illoqarfik Kalaallit Nunaata kujataani inissisimavoq sineriallu sinneranut sanilliullugu silaannaq kialaarneraluni.

STARK suleqatigiit akornanni 

STARK-mi assigiinngisitaarneq nalilittut isigaarput aammalu suliffeqarfiup ineriartortuarnissaanut sulisup ataasiakkaap tunniussai pingaaruteqarluinnartutut isigalutigu. Taamaattumik suleqatigiit akunnerminni iluarisimaarinninneq aammalu atassuteqarnerup pitsaasumik inissisimanera uuttortarsinnaanera nuannaarutigaarput, neriuutigalugulu STARK Qaqortoq immikkoortortaqarfiani pisortatut nutaatut tamanna misigiumaarit. Sullivimmi avatangiisit pitsaasut avataasigut sullivimmi politikki aammalu atugassarititat sulisutut sinaakkutigissaarnissat neqeroorutigaagut, pissuserissaarnissamut STARK pingaartitaanut maleruuttut.

STARK suleqatigiinnut ilanngukkusuppit? 

Taava sooq STARK Qaqortoq immikkoortortaqarfiani pisortatut, suleqatigiinnut ilanngukkusunnerlutit naatsukullammik allagaqaasiorit, taamatuttaarlu CV ilanngullugu kingusinnerpaamik 31. august 2025. Ataavartumik oqaloqatiginninnissanut aggersaasassaagut aammalu atorfinittussaq eqqortoq nassaareriarutsigu atorfinitsitsinissamut ingerlatsineq naammassiumaarlutigu.

Neriuppugut sukkanerpaamik imaluunniit kingusinnerpaamik 1. november 2025 aallartissinnaassasutit. Atorfik pillugu apeqqutissaqarpit, imaluunniit Stark Qaqortoq atorfigiligassatut paasisaqarfiginerusullugu, taava piffimmi immikkoortortami pisortaq Glenn S. Bojer attavigiuk oqarasuaat +45 30509710

Qinnuteqaat tigunissaanut qilanaarpugut.

____________________________________________________________________

Om STARK

STARK Danmarkimi sanaartornikkut atortussanik niuertarfiit aammalu akigisaqartartut annersaraat, Danmarkimi Kalaallit Nunaannilu 80-nit amerlanerusunik pisiniarfeqarlutik. STARK ilisimasalittut siunnersuiarpoq taamatuttaarlu sanaartornermut sulialinnut aammalu sanasut professionaliusunut arlalitsigut siunnersuisartuulluni. Suliffeqarfik 2.500 sinnerlugit sulisoqarpoq, STARK Group ataaniilluni, 19.000 sinnerlugit sulisulik aammalu Avannarlerni, Tuluit Nunaanni, Tyskland-mi Østrig-milu 1.100-nik pisiniarfiuteqartumi, Europamilu sanaartornikkut atortussanik niuerfik annersaattut inissisimasumi.

STARK FN Global Compact Princip-niinut ilanngunnikuuvoq, suliffeqarfittut akisussaassuseqartumik ingerlatsinissamut aammalu ilisimatuussutsikkut nunarsuup kissatsikkiartornerata 1,5°C ataallugu inissisimanissaanut anguniagaqartumik suliaqartussaalluni. 2050 tikitsinnagu mingutsitsinngitsumik killiffeqarnissaq anguniagaavoq.

Allat sanaartornerisa ikiornerisigut siunissaq sanaartorfigeqataavarput.