HR-chef KTI -mi

Atorfiup sumiiffia: Sisimiut

Atorfininneq: 1.februar 2026 imaluunniit isumaqatigiissuteqarnikkut

Teknikimik Ilinniarfik (Tech College Greenland) tunniusimasumik misilittagartuumillu sulisoqarnermut pisortassarsiorpoq ilinniarfiup aaqqissugaanerani sulisunullu nangittumik ineriartortitseqataanermi qitiusumik inissisimasussamik.

KTI inuussutissarsiornermut ilinniarfeqarpoq tassaasut sanaartornermut ilinniarfik, aatsitassalerinermik ilinniarfik, ilinniarnertuunngorniarfik (GUX), oqaatsinik pikkorissaavik kiisalu Nuummi saviminilerinermik ilinniarfik. Tamatuma saniatigut ilinniarfiup Sisimiuni ilinniartut inigisaat aqutarivai Arctic DTU Sisimiut aamma Teknikami maskinmesteritut ilinniarfik qanimut suleqatigalugit.

KTI tamakkiisumik 150-t missaannik sulisoqarpoq - Sisimiuni 115-it Nuummilu 35-t - KTI aamma ukiuni aggersuni pissangartumik ineriartorpoq nutaanillu suliniuteqarluni.

Sulisoqarnermut pisortatut aaqqissugaasumik periuseqarnikkut suliaqarnikkullu ilinniarfiup sulisoqarnermut suliaanut ilusilersueqataassaatit pitsanngorsaaqataallutillu. Suliaqarninni atukkanut, piginnaasatigut ineriartortitsinermi sullisinikkullu pitsaassusilimmi sulisunik aqutsinermi pingaarnertut inissisimalissaatit.

Toqqaannartumik pisortaq qaninnertut aqutsisorissavat, taavalu ilinniarfiup aqutsisui aamma Sisimiuni Nuummilu suliffeqarfiit immikkoortuini aqutsisut qanimut suleqatigissallugit.

Pingaarnertut akisussaaffigisassatit

• Atorfinitsitsinerit, soraarnerit aamma akissarsianut atorfininnermullu tunngasut, tamatumani isumaqatiginninniarnerit kiisalu suliassaqarfiit peqatigiiffiinik attaveqarnerit.

• Ineriartorneq, sulisoqarnermut immikkoortoqarfinnut tunngatillugu politikkinik nutarterinerit atuutsitsilernerillu kiisalu allaffissornikkut periutsit

• Ineriartorneq aamma atorfinitsitsinermi aqutsisutut tapersersuinissamik qitiutitsilluni sulisoqarnermut immikkoortoqarfimmut sakkussanik malinnaatitsineq

• Sulisoqarnermut immikkoortoqarfimmi ukiup ingerlanerani pisussanik suliaqarneq attassinerlu

• Suliffeqarfimmik misissuinernik ingerlatsineq, atukkanik suliffeqarfiullu avatangiisaanik misissuineq kiisalu suliffimmi tarnikkut atukkanik malitseqartitsineq kiisalu sulisuli ilinniartunilu killiffamik qaangiisoqarnissaanik pinaveersaartitsineq

• Sulisut ineriartornissaat aqutsisullu ineriartornissaat pillugit oqaloqatiginninnerit (MUS- & LUS), aqqutissiuussinerit aammalu aqutsisutut akisussaasunik tapersersuineq

• Piginnaasalinnut, ilinniakkanut aqutsisullu ineriartornissaannut pilersaarusiat

• KTI pillugu ilisaritsitsinissamut atugassianik ineriartortitsineq, isumaqatigiissutit atorfinitsitsinermullu tunngasut

• Suliassaqarfiit immikkoortortaqarfii SIK, AK allallu kattuffiit ataatsimeersuaqatigineri

• Center for National Vejledning peqatigalugit ilinniartut inigisaannut aqqutissiuisuinullu tunngatillugu suleqatigiit akornanni oqilisaassilluni oqaloqatiginninnerit

• Suleqatit aamma sulliviup avatangiisaannut allattoqarfittut inissisimaneq

• Employer brandig aamma sulisoqarnermut immikkoortoqarfimmi ingerlaatsinik pitsanngorsaanerit

• Aaqqissugaanerup ineriartornerani sulisoqarnerullu suliassaqarfiani suliassanik takkuttussanik suliaqarneq

Illit pillutit

Sulisoqarnermut suliassaqarfimmi pikkorissusilimmik ujartuivugut sulisoqarnermut tunngatillugu aaqqissukkanik ingerlatsinermullu tunngatillugu misilittagaqarluartumik - aaqqissugaasumi ataatsimoorussameersumik pitsaassaaq.

Naleqquttumik ilinniagaqartutit, soorlu niuernermut tunngasumik imaluunniit assingusumik ilinniagalik, taavalu sulisoqarnermut tunngatillugu ukiup ingerlanerani pisussanik, sulisoqarnermut tunngatillugu suliaqarnermi systemit kiisalu allaffissornikkut ingerlaariaatsinik sungiusimasaqartutit.

Illit:

• Peqqissaartuusutit, suliniuteqallaqqissuusutit suleqatiginnillaqqissuseqarluarlutillu

• Suliassaqarfiit akimorlugit tatiginnilersitsisinnaassuseqartutit ataqqinnilersitsisinnaassuseqartutillu

• Sulisoqarnermut inatsisinik isumaqatigiissutinullu tunngatillugu ilisimasaqarluartutit

• Namminersorsinnaassuseqartutit suliassaqarfimmilu amerlasuunik attaveqarfiusumi sulisinnaassuseqartutit

• Kalaallisut danskisullu oqalussinnaasutit

Atorfik eqaatsumik sulisinnaaffiunissaanik piumasaqaateqarpoq, Nuummi Sisimiunilu ilaanni ataatsimiittartussaagavit.

Paasissutissat sukumiinerusut

Atorfimmut tunngatillugu apeqqutissaqaruit pisortaq Qupanuk Olsen oqarasuaatikkut +299 588898-mut sianerfigineqarluni attavigineqarsinnaavoq.

Qinnuteqarneq:

Qinnuteqaatit ingerlaavartumik suliarineqartarput.

Ilinniarfik pillugu nittartakkami www.kti.gl-imi aamma illoqarfik pillugu www.qeqqata.gl-imi skumiinerusumik atuarsinnaavutit.

Akissarsiat atorfeqartitaanermilu atugassarititaasut:

Atorfik akissaateqarfimmi LR 36-mi maanna inissisimavoq. 1. april 2025 LR 36-mi tunngaviusumik akissarsiaq tapiillu aalajangersimasut soraarnerusutissianullu illuartittagaq ilanngullu antterussuseqarput qaamammut Kr. 57.102 ukiumullu Kr. 685.224.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk