FAKTA
Atorfiup suussusaa: Seniorkonsulent
Suliffeqarfik: Royal Arctic Line
Qinnuteqarfissamut killigititaq: 11. aggusti 2025
Attavissaq: Hans Peter Poulsen oqarasuaatikkut +299 34 91 80 imaluunniit e-mailikkut hap@ral.gl
Imarsiornerup iluani suliffeqarnermi pitsaassutsimik qulakkeerinneqataarusuppit, taassumalu saniatigut suliffeqarfiup iluani HR-imi ineriartortitseqataallutit?HR-ip iluani misilittagaqarluartuuit namminersuussillaqqissuullutit sulianillu aaqqissuussaalluartumik suleriuseqartarlutit? Taamaappat immaqa illiusinnaavoq Royal Arctic Linep Sulisoqarnermut Immikkoortortaqarfiani Nuummi allaffeqarfitsinni suleqatitaarisassarput.
Uagut pilluta
Royal Arctic Linep HR-itaani sulianik paasisimasaqarluarneq pimoorussinerlu aallaavigalugit sulisarpugut. Taamaasiornikkut suliffeqarfissuarmi ulluinnarni ingerlatsineq suliffeqarfiullu siumukarnissaa tapersersimasarparput.
Tamatuma saniatigut sulinermi nuannaarneq ataatsimoornerlu pingaartitaraavut – tamannalu inuttut aamma sulisutut sulianik ineriartortitsinermut tunngaviliisutut isigisarlutigu.Suleqatitaarigutsigut suleqatigiit ingerlalluartut akuuffigilissavatit, ikioqatigiittarpugut, ilisimasanik paarlaasseqatigiittarluta ataatsimullu kivitseqatigiittarluta. Sulinermi avitseqatigiissinnaaneq, nutaamik eqqarsarneq ineriartortitsinerlu inissaqartinneqarput, suliani aammali atorfimmi inissisimaffigisami.
Atorfik pillugu
Imarsiortunut HR-imi siunnersortaanertut imarsiornermut tunngasuni suliatakisussaaffigissavatit. Tamanna immikkoortortaqarfimmi HR-imi siunnersortit allat peqatigalugit pisassaaq. Umiarsuarni aqqaniliusuni imarsiortutut sulisunut ataqatigiissaarinerit, pilersaarusiornerit assigisaallu qitiusumik inissisimaffigisassavatit.Umiarsuarni sulisut tamarmik oqartussat suliffeqarfiullu piumasaqaataannik malitsitsineri qulakkeerinneqataaffigisassavatit, taamatuttaarlu nunamiittut imarsiortullu akornanni pingaarutilimmik attaviliisuusassallutit.Atorfik siumut pilersaarusiornermik ulluinnarnilu tigussaasunik suliaqarnermik imaqarpoq suliassarisartagassatillu misilittakkannut soqutigisaqarfigisannullu naapertuuttumik naleqqussarneqartarumaarlutik.
Suliassaqarfigisassatit makkuussapput:
• Qulakkeertassallugu umiarsuit suliffeqarfiup oqartussallu piumasaqaataannut naapertuuttumik inuttaqartuaannarnissaat
• Ulluinnarni imarsiornermut tunngatillugu suliassat aqunnissaannik qanorlu pingaarnersiorneqarnissaannik qulakkeerinnittarnerit
• Umiarsuarni sulliviup toqqissisimanarlunilu pitsaasuunissaanik pilersitseqataaneq
• Malittarisassat periutsillu ineriartortinnissaannik pitsanngorsaataasussanillu pilersitseqataanerit
Naatsorsuutigaarput:
• HR-ip iluani assingusumilluunniit imalt. imarsiornerup iluani ilinniagaqassasutit
• Ammasumik aaqqiissuteqarsinnaassuseqartumillu eqqarsariuseqassasutit suleqatiginnissinnaassuseqartuullutillu
• Siumut eqqarsartumik iliuuseqartartuussasutit, aaqqissuussaalluartumik suleriusilik,namminersuussillaqqissoq kiisalu nammineq suliffeqarfiullu anguniagaanut suliassaanullu pitsaasumik periuseqarfiginnittoq
• Pitsaassuseq piffissarlu eqqortoq naapertorlugu iliuuseqartarnissaq pingaartissavat tamakkiisumillu takunnissinnaassuseqartuussallutit. Ullut ulapaarnarsigaangata ajornartorsiutiginagit anigorsinnaasassallugit
• Akisussaaffimmik tigusisartoq, aallartitsisartoq, ataqatigiissaarisartoq, malitsitsisartoq naammassinnittartorlu – taakkua tamaasa pigalugit sulilu pitsanngorsartuarnissamik ukkatalik
• Namminersuussilluni sulisinnaasoq, aammali peqateqarluarsinnaasoq
• Suliaqarfiit kultoorillu assigiinngitsut akornanni suleqateqarsinnaasoq
• IT-mik piginnaasalik, pingaartumik Excelimik aamma HR-ip iluani digitalikkut systeminik
Neqeroorutigaavut:
• Sulinerup nalaani piffissamik nammineq aqutsisinnaaneq, suliffimmi inuttullu atukkat oqimaaqatigiissitsisut
• HR-imi suleqatigiinnut pikkorissunut, tunniusimalluartunut suleqatigiittullu ataqatigiilluartunut kiisalu ingerlatsivimmut HR-imullu tunngasunik ilisimaarinnilluartunut akuulernissat
• Imarsiornerup iluani misilittakkanik annertusaanissamut periarfissat
• Suliffeqarfik ineriartornissamik ukkatalik – sulisuminut aammali niuernikkut ingerlatsinikkut
• Suliffeqarfimmi avatangiisit atukkallu pitsaasut pissutsinut nutaaliaasunut naapertuuttut
Paasisaqarnerorusuppit?
Atorfik pillugu apeqqutissaqaruit General Manager CREW & HR Hans Peter Poulsen uunga oqarasuaammut +299 34 91 80 sianerfigisinnaavat imalt. e-mailimut uunga allallutit hap@ral.gl
Qinnuteqaatit e-mailikkut nassiussat suliarineq ajorpagut
Qinnuteqarfissamut killigititaq: 11. August 2025
Atorfininnissaq: Sapinngisamik piaartumik – eqqortumilli nassaarnissarput salliupparput
Oqaloqatiginninnerit ataavartumik ingerlanneqassapput
Qinnuteqarnissamut killissarititaasoq: aggustip 11.-at, 2025
Atorfik una qinnuteqarfigiuk
