HR-mik ineriartortitsinermut allaffia Allaffimmi aqutsisumik pissarsiorpoq

Allaffimmi assigiinngitsunik suliaqarfiusumi ineriartortitsiffiusumilu aqutsinissat tapersersuinissallu soqutigisaraajuk?

Taava qinnuteqaativit tigunissaa qilanaaraarput.

Ineriartortitsinermi Allaffimmi (HRU) suliassanut assigiinngitsunut akisussaaffimmik tiguserusuttumik, Naalakkersuisut Siulittaasuata Naalakkersuisoqarfia ineriartortitserusuttumik allaffimmi pisortassarsiorpoq.

HRU immikkoortortaqarfiuvoq naalakkersuisoqarfiit qitiusumik allaffeqarfiani tamani periusissianik, politikinik, piginnaanngorsaanermik aamma aaqqissuussaanikkut ineriartortitsinermi ineriartortitsiffiullunilu piviusunngortitsisartoq.

Allaffimmi pisortatut HRU-mi atorfillit arfinillit akisussaaffigissavatit. Atorfillit suliatik pitsaanerpaamik suliarisinnaanissaanut atugassarititaliorneq sinaakkusiornerlu atuuffigissavatit. Politikikkut akuersissutigineqarnikut aaqqissuunnissaat atuutilernissaallu aamma suliassat nassuiarneqarsimasut timitalerneqarnissaat isumagissavatit. HRU-p suliassarivaa aaqqissuusaalluartumik sulisussarsiortarnissaq – aamma Naalakkersuisoqarfiit Qitiusumik allaffeqarfianut sulisut atassuseqalersinnissaat, kiisalu suliffeqarfimmut ineriartortitseqataaneq. Tassani suliffeqarfiup avatangiisaanik, ilinniartuuteqarnermi, piginnaanngorsaanermi, aaqqissuussaanikkut ineriartortitsinissamut kiisalu APV ingerlannissaanut aamma aqutsinermik nalilersuinermi aqutsisuuneq ilaapput. Aqutsinermi aaqqissuussaanikkullu ineriartortitsinermi ineriartornermut sammiviusut atuuttut malissavatit, aamma Kalaallit Nunaanni Namminersorlutik Oqartussat Qitiusumik Allaffeqarfianut sunniutaat nalilersussavatit.

Pingaarnertut suliassatit:

• Namminersorlutik Oqartussat sulisuinik ineriartortitsinissap qulakkeerissutigineqarnissaa, pilersaarusiorneq, ataqatigiissaarineq suliniuteqarnermilu ingerlatsisuuneq.
• Namminersorlutik Oqartussani naalakkersuisoqarfinni aqutsisoqarfinnilu allani HR-imi ineriartortitsinermi suleqatigisatut sulineq
• Sulisoqarnermut najoqqutassianik suliniutinillu ineriartortitsisarnerit, taakkununnga ilaallutik suliassaqarfiit assigiinngitsut aqqutigalugit aqutsineq aamma siunnerfilimmik politikeqarneq
• HRU-p suliassaanut assigiinngitsunut, soorlu nittarsaassinermi sulisussarsiornermilu aqutsinikkut ikiuunneq.
• Akisussaaffeqarfinni suleriaatsinik ineriartortitsineq
• Naalakkersuisoqarfiit Qitiusumik allaffeqarfiani aaqqissuussaanikkut ineriartortitsinermi aqutsineq

Naalakkersuisoqarfiit Qitiusumik allaffeqarfiani aaqqissugaanertut HRU-p inissisimaneranik sulineranillu nakkutiginnissinnaassuseqartoq paatsiveerutianngitsorlu ujartugaraarput. Taakku saniatigut naatsorsuutigaarput illit:

• Tatiginnilersitsisinnaasuusutit, tusarnaarsinnaassuseqarlutillu aalajangiisinnaassuseqarputit.
• Immikkoortortaqarfiit assigiinngitsut akimorlugit suleqatigiinnermik pilersitsisinnaaneq piginnaasaqarfigaat.
• Angusaqarusuttuuvutit, aammali anguniakkap anguniarnerani iluarisimaarsinnaallutillu kikkut tamarmik ataatsimut anguniagaqaqataanissaannik qulakkeerinnissinnaavutit.
• Tamatigoortuuvutit, uteriitsuullutit aammalu ajornakusoortunut atatillugu tamatigoortumik akuliussinnaassuseqartumik aalajangiisinnaassuseqartuuvutit.
• Peqataaffigissuatit aqutsisoqatigiit arfiniit Naalakkersuisut Siulittaasoqarfiani.
• Naalakkersuisoqarfimmi pisortat sapaatip akunneranoortumik ataatsimiinnerinut peqataasassuutit

Illit piginnaasatit

• Assingusumik ilinniagaqarneq
• Ineriartortitsinissamut suliassanut siunnerfeqartumik aaqqissuussaasumillu sulisinnaasoq
• Sulisussarsiortarnermi attaveqatigiittarnermilu misilittagaqarneq
• Allatatigut oqaatsitigullu pitsaasumik ingerlatitseqqittarnernik piginnaasaqarluartoq
• Sulisunik aqutsinermik misilittagaqarneq
• Suliffeqarfimmik politikkikkut aqunneqartumik misilittagaqarneq

Inuttut piginnaasat

• Attaveqaqatigiilersitsisinnaassuseqarneq
• Saaffigiuminartoq
• Akisussaassuseqartoq
• Aallarneerusussusilik
• Sunniuteqarluartumik suleqateqallaqqissoq
• Peqqissaartuuneq

Aqutsisutut sulinermik misilittagaqaruit kalaallisullu allattariarsornikkut oqaluinnarnikkullu piginnaasaqaruit iluaqutaassaaq.

Atorfik suliassanik assigiinngitsunik unamminartorpassualik, inussiarnersumik suleqatigiiffiusoq aamma assigiinngitsunik suliassarpassualik akissussaaffeqatigiinnertalillu ilinnut neqeroorutigisinnaavarput.

Allaffimmi pisortaq Naalakkersuisoqarfimmi pisortap ataani inissisimavoq.

Akissarsiat atorfeqartitaanermilu atugassarititaasut:

Atorfik akissarsiat sinaakkutaannut 36-mut massakkut akissaateqartinneqarpoq/ aalajangersimasumik akissaateqartinneqarpoq. Akissarsiat sinaakkutaannut 36-mi akissaatit immikkoortui aalajangersimasut ilanngullugit akissarsititsisoqartassaaq, 1. april 2025-mi qaammammut Kr. 57.102,45 Kr.-upput ukiumullu 685.229,40. Saniatigut sulisitsisoq 10%-mik utoqqalinersianut ilisisassooq.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk