Ilinniagartooq tamatigoortoq Akileraartarnermut Aqutsisoqarfimmut

Pilersaarutini pissanganartuaannartuni ulluinnaat nikerartut aamma suleqatit nuannersut suliffigissallugit takorloorsinnaaviuk. Taamaassappat atorfissaqartitarput illiusinnavoq. Pisortaqatigiinni peqataarusuttumik ulluinnarnilu ulapaarfiusuni nikerartunilu Aqutsisoqarfimmi pisortamut qaninnertut suleqataasinnaasumik tamatigoortumik ilinniagartuumik ujaasivugut. Uani periarfissaqarputit suliassat amerlasuut suliarissallugit aammalu inuit assigiinngitsorpassuit suleqatigalugut sulissallutit. 

Uagut pilluta

Akileraartarnermut Aqutsisoqarfimmi sulisut 120-put, illoqarfinni Nuummi, Qaqortumi, Maniitsumi, Sisimiuni, Ilulissani aamma Kangerlussuarmi allaffinni agguataarsimallutik. Nuuk suliffigissavat, tassani aqutsisoqarfimmi pisortaq aamma suleqatigut pikkorissut qaninnertut suleqatigissallugit. Suleqatigiiuvugut ammasut suliffippullu pisortatigoorpalaartuunani aalajangiigasuarsinnaalluta, immikkoortortaqarfiit akimorlugit suleqatigiinneq pingaartitaralugu. Suliffitsinni oqaloqatigiinnissaq inissaqartuaannarpoq periarfissikkusuppatsigillu suliami inuttullu ineriartoqqinnissamut. 

Ulluinnat

Atorfik pisortaqatigiinniippoq, suliassanillu assigiinngitsorpassuarnik suliaqarnissat naatsorsuutigissavat, ilaatigut makkuninnga:

• Allakkiorneq, suliffitsinnilu immikkoortortaqarfinni misissoqqissaagassat misissorlugit - assersuutigalugu politikerinit apeqqutit akissuteqaateqarfigineri Inatsisartullu ataatsimiinnissaannut piareersarnerit.

• Innuttaasunut, suliffeqarfinnut aamma suleqatinut ilitsersuutinik suliaqarneq.

• IT-mik suliniutinut pissanganartunut pisortaaneq, assersuutigalugu umiarsualivinnut akitsuuteqarnermut suleriuseq, kiisalu unnuisarnermi akitsuuteqarnermut suleriuseq nutaaq.

• Akitsuuteqarnermut immikkoortortaqarfimmi suliassanut, assersuutigalugu nioqqutissanik eqqussuinermit akitsuut, umiarsualivinnut akitsuuut aamma takornarissanut akitsuut pillugit attaveqarsinnaaneq.

• Namminersorlutik Oqartussani immikkoortortaqarfiit akimorlugit suleqatigiissitani peqataaneq imaluunniit aqutsineq, kiisalu suleqatinik avataaneersunik ataatsimeeqateqarneq.

• Ataatsimiinnermut atortussat piareersarneri aamma PowerPoint-nik kusanartunik saqqummiussassaliorsinnaaneq.

• Sullissassanik sullissineq - assersuutigalugu inuttaasut saaffiginninnerini aamma sulianut takunnissinnaanernik suliaqarneq

Sapinngisarput naapertorlugu suliassat pissanganartitavit suliarisarnissaat isumagissavarput. Suliniutinut aqutsinissat imaluunniit ilitsersuusiornermi allannissat pingaarnerutikkukku ataatsimoorluta nalimmassaassaagut.

Kinaavit?

• Ilinniagartuutut immaqa aningaasaqarnermik, inuiaqatigiilerinermik imaluunniit inatsisilerinermik ilinniagaqarputit.

• Akornutaanngilaq ukiualuit misilittagaqarnisssaq, kisiannilu aamma ilinniakkamik naammasserlaat piumassusillit tikilluaqqusaapput.

• Pisortat ingerlatsiviini imaluunniit suliffeqarfinni politikikkut ingerlanneqartuni suliassanut immaqa nalunngisaqareerputit.

• Oqallorissuuvutit, allattariarsornikkut oqaluttariarsornikkullu piginnaasaqarluartutit.

• Nammineerlutit sulisinnaassuseqarputit aammalu inunnguutsinik suliassannut akisussaassuseqarlutit.

• Arajutsinianngitsuuvutit nutaanillu ilikkagaqarnissaq nuannaralugu - kiisalu immikkoortortanut nutaanut pulanissat annilaagaginagu.

Kalaallisut, danskisut aamma tuluttut oqalussinnaaguit iluaqutaassaqaaq. Kalaallit piorsarsimassussaannut inuiaqatigiinnerannillu ilisimasaqaruit aamma tamanna atuuppoq.

Paasissutissat pisariallit

• Atorfiniffissaq: Isumaqatigiissuteqarnikkut

• Suliffiup sivisussusia: Tunngaviusumik sulineq sapaatip akunneranut akunnernik 40-nik sivisussuseqarpoq. Ilinniagaqartuuguit, ilinniakkavit naammassinissaata tungaanut piffissap annikillineqarnissaa isumaqatigiissutigisinnaavarput.

• Akissarsiat atorfeqartitaanermilu atugassarititaasut: Namminersorlutik Oqartussat aamma kattuffiit attuumassuteqartut akornanni isumaqatigiissutit attuuttut malillugit akissarsiaqartitsisoqassaaq.

• Danmarkimi sulinngiffeqarnissamut periarfissaqarpoq. Naalagaaffimmi atorfeqaruit imaluunniit Danmarkimi AC-mik isumaqatigiissutit malillugit atorfeqaruit sulinngiffeqarnissamut tamatigoortunik periarfissaqarpoq.

Soqutiginartippiuk?

Suliffimmi tassani ilinnut takusinnaaguit kajungeralugulu suleqatigiinnut ilanngunnissat, taava qinnuteqarit. Tusarfiginissat qilanaaraarput.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk