Ilinniagartuut marluk

Aningaasaqarnermut, inatsisilerinermut, attaveqaqatigiinnermut imaluunniit suliffeqarnermi pissutsinut soqutigisalinnik, qaffasissumik ilinniagalinnik sulisunik marlunnik

Qitiusumik inuiaqatigiinnut tunngasut ineriartortinneranut peqataallutit aamma suleqatigiit inatsisilerituut aningaasanullu tunngasunik ilinniagallit tunniusimasut suleqatigalugit pingaarutilimmik suliffeqarusuppit?

Piginnaasat ineriartortinnissaanut aamma suliffimmut pissutsit nikerartunut maani pitsaasunik periarfissaqarluarputit. Ingerlalluarnissaq ukkataraarput, aamma Atuisartoqarnermut Unammilleqatigiinnermullu Aqutsisoqarfimmi, inuiaqatigiinnut pingaarutilinnik suliaqarfinnik 12-inik assigiinngitsunik ingerlatsivimmi, ineriartornerup naqissusernissaanut periarfissaqassaatit.

Suna tamaat sapissanngikkit naatsorsuutiginngilarput, aamma soqutigisatit piginnaasatillu aallaavigalugit suliassat aqunnissaanut nammineq periarfissaqassaatit. Suliaqarfimmik avatangiiseqassaatit, tassani inatsisitigut isumannaatsuuneq qaffasissoq, inuiaqatigiinnut iluaqutaasoq aamma ineriartorneq pillugu ataasiakkaatut sulisarlutalu suliat tapertariissillugit sulisarpugut.

Suliarisinnaasartagassatit

Atorfik namminersornikkut sulianik suliaqarnernik, misissueqqissaarnernik aamma suliassaqarfiit assigiinngitsut akornanni suliniutinik ataqatigiissitaasinnaavoq. Siammasissumik sulinissamik aamma sammivinni arlariinni ineriartornissamut periarfissaqassaatit, tassannga aamma misissueqqissaartarnissamut aamma aningaasaqarnikkut, inatsisilerinikkut suliffeqarnermullu tunngasunik immikkoortunik aalajangiinernik saqqummiussisarnissamut periarfissaqassallutit. Paasissutissanik katersineq, naliliineq ilusilersuinerlu, aamma uppernarsaaneq. Tusarniaanernik allanneq, oqaaseqaatinik, nalunaarusianik aamma aqutsisunut, suleqatinut saqqummiussassanik suliaqarneq. Inatsisinik, ilitsersuutinik suliffiullu iluani ingerlatseriaatsinik ilusilersuinermut aamma pitsaassutsinik isumannaarinninnissamut peqataanissamut periarfissaqarpoq.

Suliamut tunngasunik paasiuminaatsunik ajornartoorutinik ersarissunngorlugit paasiuminartunngorlugillu ingerlatitseqqiinissamut sulissuteqarnissamut soqutigisaqarsinnaavutit. Nittartakkamut, nutaarsiassanut, saqqummersitanut attuumassuteqartunullu allaaserinninneq.

Attaveqaqatigiinnermut pilersaarusiornermik, sullitanik imaluunniit suliffeqarfiup iluani ilisimasanik avitseqateqarnermik ingerlatitseqqiinnissamullu formatinik ineriartortitsinissamut peqataasinnaavutit.

Suliassat allat tassaasinnaapput suliffeqarnermut pissutsinik, unammilleqatigiinnermut pissutsinik misissueqqissaarneq suliffeqarnermilu nalimmassaanermut aamma sinaakkutissatut atugassarititaasunut tunngatillugu naliliinermut peqataaneq. Suliffeqarnermut peqataasunik, peqatigiiffinnik oqartussanillu oqaloqatiginninneq. Ineriartortitsisinnaasunik nakkutiginninneq suliamullu tunngasunik unammilleqatigiinnermut inatsisitigut sammisat pillugit saqqummiinissamut suliaqarneq

Tunniusimasuunissat, suliaqarfinni assigiinngitsuni suliniutaasuni peqataarusussuseqarnissat naatsorsuutigineqarpoq, ad hoc-inilu suliassanik tigusaqartarnissamut ammasuunissat, tassani sammisanut nutaanut sukkasuumik isersinnaasarnissat naatsorsuutaalluni.

Ilinnut ilisarititsissut

Inuttut sungiussiasuuvutit, naleqquttumik kandidatitut ilinniarsimasuullutit, assersuutigalugu naalagaaffiit pissusiinik ilisimatusarnermik, inatsisilerinermik, aningaasaqarnermik, inuiaqatigiilerinermik imaluunniit attaveqaqatigiinnermik ilinniarsimasuullutit. Ilusilersorluakkamik sulisarputit, misissueqqissaartartoq, pitsaassusermillu tappittoq. Attuumassuteqartut amerlasuut aamma suliassat nikerartut avatangiiseritillugit ingerlalluartartoq.

Peqatigiiffimmi mikisumi, qungujuummisaarfiungaatsiartumi, ulluni assigiiaarfiunngitsumi sulerusukkuit, tunngavilersukkamik qinnuteqaammik, illit inuttut ilinniarsimasutullu qanoq ittuunerit pillugu imaqartumik uagutsinnut nassiussigit.

Misilittakkatit apeqqutaallutik fuldmægtigitut imaluunniit immikkut siunnersortitut atorfininnissamut periarfissaqarpoq, atorfininnerlu isumaqatigiinnikkut pisarpoq.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.