PAASISSUTISSAT
Atorfiup suussusaa:
Suliffeqarfik:
Qinnuteqarfissamut killigititaq:
Attavissaq:
PAASISSUTISSAT
Atorfiup suussusaa: Ilinniartitaanermut pisortaq
Suliffeqarfik: Greenland Business School
Qinnuteqarfissamut killigititaq: 25. juni
Attavissaq: Troels Friis e-mailikkut trfr@ninuuk.gl imaluunniit oqarasuaatikkut nr. (+299) 342557
Ilinniartoqarfimmi pisortatut atorfik pissanganartoq
Aqutsineq nuannarisariviuk? Suleqatit suliaminnut pikkorissut kajumillutik pimoorussillutillu sulinissaannik pilersitseqataasinnaassuseqarpit? Taava illiuvoq ujartugarput.
Greenland Business School (GBS) tassaavoq ilinniarfik qajannaatsumik eqaattumillu inissisimasoq, inuussutissarsiuteqarfiusunillu suliffinnilu sungiusarnermik aallaavilinnik ilinniakkanik assigiinngitsunik ingerlataqartuulluni suliffeqarfiit pisortallu qanimut suleqatigilluinnarlugit. Niuernermik Ilinniarfik, Nuuk massakkut piffissami ineriartorfiusumi inissisimavoq nutaanik neqerooruteqarnissamut ukkataqarluni, inuussutissarsiornerup silarsuaata pisariaqartitaanut naapertuuttumik piginnaasatigut sulisoqalernissaanut ilinniartunut pilerinarsaalluni attatsitsiinnarnissamullu anguniagaqarnitsinnut naapertuuttumik.
Suliassatit…
Ilinniartitaanermi pisortatut nammineq pisinnaasatit nalunngilluarlugit aqutsinerup ilinniakkanillu allaffissornerup akornanni eqaatsumik sulisinnaassallutit. Tatiginassusilimmik aalajangersinnaassuseqartumillu aqutseriaaseqassaatit, kisiannili aamma aqutsisooqatigisanik, suleqatinik ilinniartunillu tusarnaarsinnaassuseqartumik ammasumillu atassuteqarsinnaasuussallutit. Ilinniartitaanermut pisortatut kajumisitsilerlutillu pimoorussisitsilernissamut piginnaasaqartuussaatit, aammalu sulisunut ilinniartunullu aalajagiussavit tunuliaqutaannik ersarissumik paasissutissiisinnaasuussallutit. Nammineersinnaassuseqarlutit aqutsisinnaasuussaatit ilinniartitaanermut tunngatillugu ungasinnerusumut pilersaarutit eqqumaffigalugit. Qanoq immitsinnut naatsorsuutigisinnaanerup eqqartorneqarsinnaajuaannarnissaa aammalu attaveqaqatigiilluarneq maani pingaartinneqarput.
Akisussaaffigisassat ilaatigut ukuusapput:
Ilinniartitaanermut immikkoortortaqarfik ilinniartitsisullu aqunneqarnerat sulisoqarnikkullu akisussaaffigalugit
Ilinniartitaanermut tunngasutigut suliassat qullasinnerusumik ataqatigiissaarnerat aqunneqarnerallu, suliffimmik sungiusarneq, aqqutissiuussineq, ilinniarnerullu ataqatigiissarnera
Ilinniarfiup perorsaanikkut anguniagaanik ineriartortitsineq
Ilinniakkanik ilinniartitseriaatsinillu nalilersuineq, tassani aamma ilaatinneqarluni atugassarititaasunik misissuineq
Ilinniakkanik pioreersunik ataqatigiissaarineq ineriartortitsinerlu inuussutissarsiorfiit peqatigalugit
Ilinniarnermi ataqatigiissaarinermut immikkoortortaqarfimmi suleriaatsit atuuffiillu qaffassarnissai pitsaassusaasalu qulakkeernissai
Ilinniartitaanermut pisortatut atorfimmut kissaatigaarput aqutsisoq tunniusimasoq, ilinniartitaanermi aqutsinermik atuartitsimermillu misilittagalik, ilinniartunik sullissinermik sulianik ilisimasalik, allannguinissamillu misilittagalik, ersarissumik attaveqariaasilik suleqateqarsinnaanermillu piginnaasalik. Suleqatigiikkuutaat ilinniartitaanermut nakkutilliisunut aqutsisoq, ilinniartitsisunut, allaffimmilu sulisunut, taamaattumik suliatigut paasisimasaqassaatit, ilinniakkanik neqeroorutitsinnik pisaassusermik qulakkeerinninniarnerup qulakkeernissaa. Atuarfiup pisortaa, allaffissornermi pisortaq, teknikkikkullu pisortaq peqatigalugit aqutsisoqatigiinnut ilaassaatit, atuafiullu pisortaanut attaveqassallutit.
Kissaatigaarput…
Inuussutissarsiornikkut- ilinniakkanulluunniit ingerlaqqiffiusunik aningaasaqarnermi, pisortani aqutsinermik, inatsisilerinermi assigisaaniluunniit.
Ilinniarfinni pisortaniluunniit aqutsinermik misilittagaqarsimanissat.
Ilinniarfimmi allaffissornermi malitassat, atuartsinermi pilersaarusiornerit misilittagaqarfigissavatit.
Ilinniakkanik neqerooruteqarnermi pitsaassutsimik qulakkeerinnissinnaassaatit, ilinniakkanillu neqeroorutaasunik ineriartortitseqqiineq, perorsaanikkullu nutaaliorneq ilinniartitsisut aaliangersimasumik avataaniillu ilinniartitsisartut peqatigalugit
Qarasaasiatigut atortorissaarutinik ineriartortitsinermik tamakkiisumillu atuartitsinermi, ilinniartunik sullissivimmi, misilitsinnernilu atuinissamut misilittagaqassaatit
Ilinniartitaanerup iluani politikkip iluani misilittagaqassaatit
Suleqateqarnermik uani suliffeqarnerup, ilinniartitaaneq/ilisimatusarneq misilittagaqassaatit
Qanoq ililluni Greenland Business School ineriartortinneqarsinnaaneranut ilinniarfittut pilerinartunik ilinniakkanik neqeroorutilittut ineriartortinneqarsinnaanersoq takorluugaqassaatit
Aqutsisunik aqutsinermik misilittagaqassaatit
Unammillernartunik suliaqarnissamik nuannarisaqassaatit, nammineerlutillu aqutsisinnaassallutit
Tatiginassuseqarnissamik, tassani ammasuunissaq, atugarissaarnissarlu pilersinnissaanut peqataassaatit
Attaveqarluarnissaq, paasinartumillu attaveqarnissaq kalaallisut qallunaatullu annertuumik pingaartinneqarpoq.
Neqeroorutigissavarput…
Ilinniarfimmi ineriartortumi suliffik pissanganartoq, suliatigullu nammineq sunniuteqaqaataaffigisinnaasanni periarfissalimmi. Inuttut ineriartornissamut periarfissalimmik, pikkorissunillu eqeersimaartunik suleqateqarnermik avatangiiseqarluni sulinissamut periarfissaqarneq kiisalu suleqatit pinngorartitsinissamik piumassusillit suleqatiginissai, ulluinnarnilu suliffimmi qiimasaarneq ulluinnarsiutaavoq.
Sulilernissaq kissaatigineqarpoq 1. august 2025 imaluunniit isumaqatigiinnikkut.
Paasissutissat allat
Ilutsinni ilinniartitaanermut pisortatut imminut takorloorsinnaavit, atorfimmilu annerusumik paasisaqarusullutit, taava Ilinniarfimmi pisortaagallartoq Troels Friis, oqarasuaat +299 342557 imal. e-mail-ikkut ugguuna trfr@gbs,gl attavigisinnaavat.
Greenland Business School pillugu uani paasisaqarnerusinnaavutit: www.gbs.gl.
Qinnuteqarfissatut ulluliussaq
Qinnuteqarnermut killigititaq 25. juni 2025.
Malugiuk qinnuteqartut ataavartumik suliarissangatsigit.
Qinnuteqaat
Qinnuteqaammut ilanngunneqassapput sullivigisimasat allattorneqarneri, ilinniakkanut uppernarsaatit assilineri, kiisalu allat qinnuteqammut soqutiginarsinnaasut.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Qinnuteqaat nassiuguk
