Ilinniarnermi aqqutsissiuussisoq Greenland Business School, Niuernermik Ilinniarfimmut

ilinniarnermi aqqutissiuussisumik Greenland Business School, Niuernermik ilinniarfimmut

Ilinniartut, ilinniartitsisut, aqutsisullu qanimut atugarissaarneq, aqqutissiuussineq, ilinniakkanillu naammassinnittarneq pillugit suleqatigerusuppigit?

Greenland Business School (GBS)/Niuernermik Ilinniarfik-mi aqqutissiuussisumik pissarsiorpugut.

GBS-imi inuusuttut inersimasullu inuussutissarsiutigalugu ilinniakkat, ilinniakkallu qaffasinnerusut akimorlugit suleqatigaagut. Aqqutissiuusisutut qitiutillugu suliarissavat, atugarissaarneq, peqataaneq, naammassinninnerlu.

Ulluinnarni ilinniartunik attaveqarneq, atuumassuteqarneq, ersarissumik suleqatigiinneq annertuumik suliarissavatit. Sulineq aqqutissiuussinermi oqaloqatigiinnermik, ikorfartuinermik imalik ulluinnarni atugaapput, ataqatigiissaarinermiik allaffissornermi suliassat ilanngullugit.

Illit pillutit

Siammasissumik ujaasivugut, takulloorsinnaalluguli, aqqutissiuussinermik, coaching-imik, ilinniartitsinermik, perorsaanermik assigisaanillu sulianik misilittagaqassasutit

Pingaaruteqarpoq toqqissisimanermik, sinaakkusersuinermik, tamakkiisumillu takunnissinnaanissat – ilinniartut ersarissumik ataqqinnittumik pissuseqarlutit qiviartassangitit.

Annertuumik naatsorsuutigaarput, kalaallisut qallunaatullu sulisinnaanissat. Oqaatsinik assigiingitsunik atuiffimmi sulisinnaassasutit, oqaatsillu assigiingissutaat pissutigalugu ilinniartut peqataanerannut ineriartornerannullu aporfiunginnissaat pingitsoortinniarneranut peqataanissat.

Pingaartipparput, illit:

• Ilinniartunut tatiginninnermik pilersitsisinnaassasutit

• pinaveersaartitsinermik, suliassanillu ujartuineq suliarissagit

• ilinniartut ilinniakkanik qimerluuinerini, periarfissaannullu ikorfartornissai

• ulluinnarni ulapaarfinni tamakkiisumik isiginnissinnaassasutit

• Ilinniartitsisut, aqutsisut, suleqatillu peqatigalugit ingerlasinnaassasutit

• Oqaloqatigiinnerit nalunarsinnaasut ingerlassinnaassagitit, aaqqiangiingissutillu aningorniarnissaannut peqataasassasutit

• Nammineerlutit sulisinnaassasutit torersumik

Aqqutissiuussinermik, coaching-imik, oqaloqatigiinnermilu periutsinik misilittagaqarnissat pitsaassaqaaq.

Suliassat

Suliassatit ukuusinnaapput:

• Ilinniartunik aqqutissiuussineq, oqaloqateqarnerlu

• Atugarissaarnissamut, ilaalernissamut, naammassinninnissamullu ikorfartuineq

• Ilinniartunut ingerlalluangitsunut malitseqartitsineq, pinaveersaartitsinerlu, imaluunniit nalorniffinni.

• Ilinniarnissamut, ilinniarnissamullu aqqutissat periarfissaannik aqqutissiuunneqarneq

• Aqqutissiuussinermi, sulianillu suliaqarnermi allaffissornermi suliassat

• Ilinniartut, ilinniarnermilu atukkat avatagiisaat pillugit ilinniartitsisunik aqutsisunillu suleqateqarneq

• GBS-imi atuartuunissamut toqqisisimanartumut, ersarissumillu atugaqarnissamut peqataaneq

Aqqutissiuusisutut ilinniarnermi pisortamut attaveqassaatit, GBS-imilu ulluinnarni sulinermut ilaallutit.

Neqeroorutigaarput

Suliffik pissanganartoq, ilinniarfimmi ineriartortumi, ilinniartunik qanimut, attuumassuteqarfimmi, allanngorartumilu suleqateqarfimmi. Suleqatigiinnermut ilanngutissaatit, suliatigut ineriartorfissalimmi, avitseqateqarfimmilu.

Atorfiup inuttalerneqarnissaa 01. august 2026 kissaatigineqarpoq, imaluunniit isumaqatigiissutteqarnikkut, sapaatillu akunneranut 40 tiiminik suliffiuvoq, qinnuteqartunillu oqaloqateqarnerit ataavartumik ingerlanneqassapput.

Paasissutissat allat

Ilinniarnermi pisortaq Annasofie Wædeled-Møller uunga +299 342454 attavigisinnaavat imaluunniit anwm@gbs.gl -imut allallutit atorfik pillugu tusagaqarusukkuit

Greenland Business School pillugu paasiniaasinnaavutit nittartakkamut uunga iserlutit: www.gbs.gl

Qinnuteqaat

Qinnuteqarnermi killigititaq 08.06.2026. Atorfillu pillugu oqaloqatigiinnerit qinnteqarfik naappat ingerlanneqassapput.

Atorfik pillugu oqaloqatigiilinnginnermi, atorfimmut piukkunneqartut suliassamik piviusumik tunineqassapput, taanna toqqammaviliissaaq aqqutissiuussinermi oqallinnermut, pinaveersaartitsilluni sulinermi, suleqatigiinnermi, GBS-imilu ilinniartunik naapitaqarnermi.

Qinnuteqaatit nassiuguk, CV, ilinniarsimanermut- pikkorissarsimanermut uppernarsaatit, kiisalu qinnuteqaammut soqutiginarsinnaasut ilanngullugit tooruk “qinnuteqaat nassiuguk”.

Mail-ikkut qinnuteqaatit tiguneq ajorpagut.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.