Fakta
Atorfiup suussusaa: Immikkut atuartitsinermi siunnersorti
Suliffeqarfik: Ilinniartitaanermut Aqutsisoqarfik
Qinnuteqarfissamut killigititaq:
oktobarip 29.-at, 2025
Attavissaq: Naya Sophia Pedersen
Ilinniartitaanermut Aqutsisoqarfik immikkut atuartistsinermut siunnersortinik, projektimut pissanganarluinnartumut ingerlanneqartussamut, immikkut atuartitsinerup nukittorsarneqarnissaanut tunngasumut, ukioq 2027 ilanngullugu ingerlanneqarnissaanut siunnersortinik marlunnik pissarsiorpoq, atorfiillu taakku pisariaqartitsineq aallaavigalugu sivitsorneqarsinnaassapput. Siunertaavoq atuartut immikkut pisariaqartitsisut pisariaqartitaasa sinaakkuserneqarnissaat kaammattorluarneqarnissaallu naligiinnerusumik atuartitaanissaannut.
Atorfininneq pissaaq 1. December 2025 imaluunniit isumaqatigiissuteqarnikkut.
Atuarfinnut siunnersortit pingaarnertut suliassaraat
- Meeqqanut immikkut pisariaqartitsisunut atuartitaanermik siuarsaaneq pitsanngorsaaqataanerlu siuarsaaqataaffigissallugu
- Atuarfimmi, immikkullu atuarfinni, nalinginnaasumik immikkullu atuartitsinermik pitsanngorsaaqataanissaq ineriartortitsinerullu siuarsaaqataaffigissallugu.
- Immikkut atuartitsinermut tunngatillugu nalunaarutit ineriartortinneqarneranni atuutsinneqalernissaannilu peqataaneq
- Suliniutinik sammisanik kattussanik aammalu ingerlatsivinnik assigiinngittunik suleqatigiinnermut, immikkut atuartitsineq tunaartaraluguataqatigiissaareqataanissaq
- Ilinniartitsisunik, atuarfinnik, MISI/PPR-inik kommuninillu siunnersuineq, paasisitsiniaaneq isumassarsisitsinerlu
- Isumasioqatigiinnik aammalu pikkorissaanernik aaqqissuussinerit
- Ilinniusiornermik ineriartortitseqataaneq
- Suliniutinik akimortumik suliaqarnermi – immikkoortortaqarfiit, atuarfinnut siunnersortit allat kiisalu suleqatigisat avataaniittut suleqatigalugit
- Ilinniartitaanermut Aqutsisoqarfiup suliassaqarfii allat suliarineqartut peqataaffigissallugu taassuma iluani aamma nalunaarusiornerit, akissuseqaasiornerit saqqummiussisinnaanerillu Autsisoqarfik sinnerlugu.
Qinnuteqarnissamut piukkunnartoq tassavoq:
- Naleqquttumik immikkut atuartitsinermik ilinniagaqarneq assingisaanilluunniit piginnaasalik
- Meeqqanut immikkut pisariaqartitsisunut atuartitsinermik misilittagaqarneq imaluunniit siunnersuineq, fagi Inuttut inerikkiartorneq didaktikkilu ajornanngippat ilanngullugit
- Meeqqat atuarfiannik, inuiaqatigiinnik kulturimillu Kalaallit Nunaanni tamakkiisumik ilisimasaqarnissaq
- Perorsaanermut tunngasunik kiisalu immikkut atuartitsinermut tunngatillugu nutaaliornermut malinnaasinnaassoq
- Allattariarsornikkut oqalunnikkullu ersarissumik attaveqarsinnaaneq
- Aaqqissuussamik sulisinnaassuseqarneq, akisussaassusilimmik suliaqartartut aaqqiissutissarsiuinerlu
- Eqqissisimasumik namminersorlunilu sulisinnaaneq, suleqateqarsinnaassuseqarluartuuneq
Ilinniartitaanermut Aqutsisoqarfik pillugu
Ilinniartitaanermut Aqutsisoqarfik politikikkut aqutaavoq, aqutsisoqarfik Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup ataani inissisimavoq. Aaqqissuisoqarfimmi suliarineqartartut arlaqarput, aqutsisoqarfinni nalinginnaasumik suliarineqartartut saniatigut ilaatigut nammineq saqqummersitsisarfeqarpugut, naqiteriveqarpugut, paasissutissiisarfeqarlutalu atuakkanullu atorniartarfiuteqarluta. Aqutsisoqarfimmi pingaarnertut atuarfiit, efterskolit friskolillu kiisalu GUX-it, Attat NUIKI-lu suliassaqarfigaagut. Suleqatigiit 50-it missaanniippugut, persuarsiortorsuunngikkaluarluta sammisatsinnut tunngasutigut qaffasissumik pitsaassusilinnik naammassisaqartarnissamik pingaartitsisuuvugut.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Atorfimmut paasissutissanik annerusumik pisariaqartitsiguit uunga saaffiginnillutit paasiniaasinnaavutit; Naya Pedersen Lyberth toqq. tlf. 34 62 13 e-mail: nasp@nanoq.gl eller Ellen J Karlsen toqq. tlf.: 34 62 12 e-mail: eljk@nanoq.gl
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job
Qinnuteqaat nassiuguk
