Ilinniartitaanermut Aqutsisoqarfik takorluuisinnaalluartumik ineriartortitsinermillu siunnerfeqartumik Ilinniusiorfimmut aqutsisussarsiorpoq / suleqatigiinnut aqutsisussarsiorpoq

 Ilinniartitaanermut Aqutsisoqarfik takorluuisinnaalluartumik, ineriartortitsinermik siunnerfeqartumik tunniusimasumillu Ilinniusiorfimmut aqutsisussarsiorpoq/suleqatigiinnut aqutsisussarsiorpoq. Atorfik Perorsaanermut Ineriartortitsinermullu Immikkoortortaqarfimmut atavoq pisortallu ataani inissisimalluni. 

Ilinniusiorfimmi ulluinnarni aqutsisutut akisussaaffigissavat, meeqqat atuarfiannut atuartitsinermi atortussianik ineriartortitsinerit, suliarinninnerit siammarterinerillu pitsaasuunissaat qulakkiissallugit. Tamatuma saniatigut ineriartortitsinermi pingaarutilimmi siuttuussaatit, tassani digitalikkut periarfissat nutaat, suleqatigiinnerit nukittuut kiisalu Ilinniusiorfiup nutaamik periusissiaa piviusunngortinneqassallutik. Sulineq tamanna Ilinniartitaanermut aqutsisoqarfimmi avaatanilu suleqatit qanimut suleqatiginerisigut ingerlanneqassaaq. 

Ilinniusiorfik pillugu

Ilinniusiorfik, annerusumik kalaallisut oqaatsit atorlugit meeqqat atuarfiannut pingaarnerpaamik saqqummersitsisuugami, meeqqat atuarfianni atuartitsinermut tunngavissaq pitsaasoq pilersinniarlugu aammalu ilinniartitaanermut aaqqissuussap tamarmiusup ineriartortinneqarneranut tapertaalluarpoq.

Ukiuni makkunani Ilinniusiorfik pingaarutilimmik ineriartortitsinermik allannguiffiulersumillu ingerlatsivoq, ilaatigut ukuninnga ukkatarinnilluni:

• Ilinniusiorfiup nutaamik periusissiaanik ineriartortitsineq atuutilersitsinerlu.

• Atuartitsinermut atortussiat ilaannik nukittorsaaneq, soorlu oqaluttuarisaanermi, matematikkimi kiisalu kalaallisut atuartitsissummi. 

• Ilinniarnermut atortussanik digitaliusunik ineriartortitsineq.

• Suleqatigiinnermi periutsinik suleriaatsinillu nutaanik ineriartortitsineq.

Taamaattumik aqutsisumik, ilinniusiornermi allanngoriartortumi, ineriartortitsinermik ingerlatsinissamik siunnerfilersuisinnaanissamillu piumassuseqartumik misilittagalimmillu ujartuivugut.

Atorfiniffissaq: 1. november 2026 imaluunniit isumaqatigiissuteqarnikkut.

Suliassatit

Ilinniusiorfimmi aqutsisutut/suleqatigiinnut aqutsisutut ilaatigut makku suliassarissavatit:

• Atuartitsinermut atortussiornermi, allanngortiterinermi nutarterinermilu naqitanngorlugit digitalinngorlugillu saqqummersinneqarneri, aaqqissuinerit ataqatigiissaarinerit tulleriiaarinerillu aqutsisuuffigissallugit. 

• Ilinniusiorfiup periusissiaanik anguniagaanillu ineriartortitsineq, atuutilersitsineq malinnaaviginninnerlu.

• Ilinniusiorfiup Ilinniartitaanermut Aqutsisoqarfimmi immikkoortortaqarfiit allat suleqatigalugit pitsaasumik suleqatigiinnerata qulakkeernera.

• Sulisunik ulluinnarni aqutsineq kiisalu sulisut fagikkut ineriartornerannut tapersersuineq.

• Saqqummersitat fagikkut pitsaalluinnarnissaat kiisalu inatsisit atuuttut aamma atuakkiornermi pisinnaatitaaffiit aalajangersakkat malinneqarnissaat qulakkiissallugu.

• Ilinniartitaanermut tunngasuni politikkikkut allaffissornikkullu sullissinermut peqataaneq.

• Ineriartortitsinermi suliniutinik akimuisunik assigiinngisitaartunillu suliffeqarfiup iluani avataanillu suleqatigisat peqatigalugit aqutsineq peqataanerlu. 

• Suleriaatsinik ineriartortitsinermut pitsanngorsaanermullu peqataaneq, ilanngullugit digitaliusuni suleriaatsit atortullu.

Illit kinaavit

Naatsorsuutigivarput illit:

• Ilisimatusarnikkut imaluunniit perorsaanikkut tulluartumik ilinniagaqarsimasutit.

• Aqutsisutut misilittagaqartutit imaluunniit aqutsisutut inissisimanissamut pitsaasunik tunngavissaqartutit. Aqutsisunut ilinniarsimaneq iluaqutaassaaq, piumasaqaataanngilarli.

• Atuartitsinermut tunngasuni misilittagaqartutit aammalu pitsaanerusumik ilinniutinut atortussanik ineriartortitsinermik imaluunniit suliarinninnermik ilisimasaqartutit.

• Kalaallit Nunaanni inuiaqatigiinnut, oqaatsinut atuarfeqarfimmullu ilisimasaqarluartutit.

• Suliniutinik aqutsinermik misilittagaqartutit kiisalu digitaliusunik atortunillu IT-mut tunngasuni sungiussisimasutit.

• Perorsaanermut, atuartitsinermut, ilinniarnermut teknologiinut ilinniutillu atortuinut tunngasuni nutaarsiassanik ilisimasaqartutit.

• Periusissanik suliaqarsinnaasutit kiisalu ulluinnarni ingerlatsinermi siuariartitsisinnaasutit.

• Aaqqissuussaasumik, akisussaassuseqartumik angusaqarnissamillu siunnerfeqartumik suleriuseqartutit.

• Siammaallaqqillutit suleqatiginnillaqqissutuullu.

• Pitsaassutsimut, inatsisitigut pissutsinut allaffissornikkullu suleriaatsinut eqqummaarissuusutit.

• Ataqatigiissaarillaqqissasutit suliassanilu pisariusuni tamakkiisumik takunnissinnaasutit.

• Politikkikkut aqutseriaaseqarfiusumi sulisinnaallutit aammalu sinaakkutit suleriaatsillu tassani ilaasut paasilluarlugit.

Ilinniartitaanermut Aqutsisoqarfik pillugu: 

Ilinniartitaanermut Aqutsisoqarfik suliffeqarfiuvoq politikkikkut ingerlatsiveqarfiusoq, naalakkersuisoqarfimmik politikkerinillu sullissisoq kiisalu inerisaanermik saqqummersitsinernillu suliaqartoq. Suliffeqarfiuvugut assigiinngitsorpassuarnik suliaqarfiulluta, aqutsinerit atuutereersut saniatigut ilaatigut aamma saqqummersitsiveqarluta, naqiteriveqarluta paasititsiniaanermik atorniartarfimmillu katersugaateqarfeqarluta. Aqutsisoqarfiup meeqqat atuarfiat, efterskolit friskolit, GUX, Attat aamma NUIKI  annerusumik sammisarpai. Suleqatigiit 50-it missaaniippugut, suliffeqarfimmi pingaartorsiorpallaanngitsumi suliat pitsaasuunissaannik pingaartitsisuulluta.

Akissarsiat atorfeqarnermilu atukkat:

Atorfik akissarsiatigut aalajangersimasumik inissiivigineqareerpoq. Atorfinitsitsineq isumaqatigiissutit naapertorlugit pissaaq Namminersorlutik Oqartussat atorfillillu kattuffiat IMAK akornanni isumaqatigiissutit malillugit. Qinnuteqartoq Namminersorlutik Oqartussani tjenestemanditut sulereersimappat, tjenestemanditut atorfinitsinneqarsinnaavoq. 

Ineqarneq:

Atorfimmut tunngatillugu inissaqartitsisoqanngilaq. Qinnuteqaateqartorli maannamut atorfigisimasaminut tunngatillugu Namminersorlutik Oqartussanit ineqartinneqareersimappat, atorfeqarnermi inissaqartitaanera atuutiinnassaaq. Atorfeqarnermi inigisaq atorfimmut pituttorsimavoq, atorfeqarnerullu naanerani qimanneqassalluni.

Qinnuteqarneq attaveqarnerlu:

Allanngueqataanissamut piareersimavit? Taava qinnuteqaatit, CV allallu ilanngullugit linki qinnuteqarfissap naqqani allassimasoq aqqutigalugu nassiunneqassaaq. Qinnuteqarfissaq kingulleq: 17. september 2026.

Atorfik pillugu apeqqutissaqaruit immikkoortortami pisortaagallartoq Mette Larsen Lyberth, toqq. tlf. (+299) 346278 mell@nanoq.gl imaluunniit pisortaq Kaali Olsen, toqq. tlf. (+299) 346158  kaol@nanoq.gl attaveqafigikkit.

Kalaallit Nunaat Namminersorlutillu Oqartussat pillugit annertunerusumik paasisaqarusukkuit uani taakkua pillugit atuagaqarsinnaavutit Naalakkersuisuts hjemmeside - under job.

Malugiuk:

Qinnuteqaatit pappiaranngorlugit mail-ikkulluunniit tiguneq ajorpagut, qinnuigaatsigit qinnuteqaatit elektroniskiusumik atorfiit inuttassarsiuunneqartut atorlugit nassiutissagit.