Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmut oqaatsinut tunngasunik siunnersorti

Pisortat allattoqarfiani oqaatsitigut siunnersortimik piginnaasalimmik ujarlerpugut. Oqaatsitigut siunnersortitut qitiusumik nutserisutut aamma ataqatigiissaareqataanermut inissisimassaatit. Suliassanut ilaapput pitsaassutsinik qulakkeerinninneq, kukkunersiuineq nutserinerlu.  Politikkikkut allaffissornikkullu aqutsisunik kiisalu ilinniartitaanermi kultureqarnermilu suliassaqarfimmi sulianut immikkoortortaqarfinnik sullissisunik suleqatigiinnut ilaalissaatit.

Atorfik pillugu

Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmut oqaatsinut tunngasunik siunnersorti. Pisortat allattoqarfiani, inatsisilerinermik immikkoortortaqarfimmut ilaasumut, oqaatsitigut siunnersortimik piginnaasalimmik ujarlerpugut. Oqaatsinik atuilluarsinnaavit immikkuualuttunillu tappiffiginnittuullutit? Taava imaassinnaavoq illiusoq aqutsisoqarnermi allattoqarfimmi suleqatissarput.

Oqaatsitigut siunnersortitut qitiusumik nutserisutut aamma ataqatigiissaareqataanermut inissisimajumaarputit. Suliassatit makkuussapput suliassat qanoq pingaartiginersut apeqqutaalluni, kukkunersiuineq, pitsaassutsimik qulakkeerinninneq nutserinerlu.

Naalakkersuisoqarfimmi suliassat soorlu inatsisissanik suliaqarnermut, isummernissamut tunngavissiat, akissuteqaatit, tusagassiorfinnut nalunaarutit, oqalugiaatit il.il. suliarineqartarput.

Suliassatit ilaatigut makkuussapput: Nutsigassanik suliaqarneq 

Nutsikkanik kukkunersiuineq oqaaseqatigiinnillu iluarsaassineq

Nutsikkat pitsaassusaat qulakkeerlugit

Nutsigassanik ataqatigiissaarineq malitseqartitsinerlu

Politikkikkut allaffissornikkullu aqutsisunik kiisalu ilinniartitaanermi kultureqarnermilu suliassaqarfimmi sulianut immikkoortortaqarfinnik sullissisut suleqatigiinnut ilaalissaatit. Aqutsisunut allattoqarfimmi pisortaq qullersarissavat.

Ataani allaqqasut amerlanersaat piginnaasaqarfigalugit piginnaasaqassasutit naatsorsuutigaarput:

• Nutserisutut, oqalutsitut imaluunniit oqaatsitigut attuumassutilimmik attaveqaqatigiinnermilluunniit tunuliaqutilimmik ilinniagaqartutit

• Atorfimmit imaluunniit suliffeqarfimmit assingusumit misilittagaqarneq iluaqutaassaaq

• MS Office-mik isumannaatsumik atuisinnaasoq kiisalu sullississutinik tunngaviusumik ilisimasaqarluartutit.

• Oqaatsitigut Kalaallisut, danskisut - tuluttulluunniit piginnaasaqarneq, oqaatsit taaneqartuni kingulleq piumasaqaataanngilaq.

• Inuttut piginnaasat: Nammineq sulisinnaassaatit pisunilu ulapaarfiusuni tamakkiisumik isiginnissinnaanerit attatiinnarsinnaallugu

• Aaqqissuussamik peqqissaartumillu sulilluarsinnaasutit

• Oqalunnikkut allattariarsornikkullu attaveqatigiinnermik pitsaasunik piginnaasaqarputit.

• Suleqatinut suleqatigisartakkanullu kiffartuussiumassuseqartutit

• Suleqateqallaqqissuusutit suliffeqarfiullu avataanik pitsaasumik pilersitsinissamut tunniussaqarusussuseqartuusutit

Kissaatigaarput, illit: 

• Minnerpaamik bacheloritut qaffasissusilimmik attuumassutilimmik ilinniagaqartutit.

• Atorfimmut tassunga assingusumit imaluunniit Namminersorlutik Oqartussani atorfimmit misilittagaqassasutit.

• Ataatsimut isiginnittariaatimik pitsaasumik piginnaasaqartutit ulapaarfimmilu sulisinnaalluartutit.

• Kalaallit Nunaanni inuiaqatigiinnut kulturimullu ilisimasaqartuusutit, marlunnillu kalaallisut danskisullu oqaaseqartuullutit.

Neqeroorutigivagut: 

• Suliffik naalakkersuinikkut aalajangiiniartarnermut qanittumiittoq 

• Suliffik pingaartorsiorfiunngitsoq aalajangiisartunut qanittumik inissisimasoq suleqatillu tunniusimasut sulianik pitsaasuutitsinissamut pingaartitsisut.  

• Inuttut suliatigullu inerisarneq.

Paasissutissat amerlanerit

Atorfik pillugu allanik paasisaqarusukkuit uunga saaffiginnissinnaavutit: 

Allaffimmi pisortaagallartoq Inaluk Kleist uunga inkl@nanoq.gl imal. +299 34 50 00

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.