Ilinniartitsisoq ilinniarsimasoq Ejnar Mikkelsenila Alivarpianut

Ittoqqortoormiini atuarfitta, Ejnar Mikkelsenila Aluarpia, pikkorissumik sulerusussusilimmik ataatsimik ilinniartitsisussarsiorpoq.

Atuarfik katillugit 72-it missaani atuartulik 13-nillu ilinniartitsisulik kiisalu atuarfimmi pisortaqarluni. 1-imiit 10-mut atuartitsisarpugut.

Ittoqqortoormiit, 300 sinnilaarlugit innuttalik, qaasuitsup killeqarfiata avannaani nunarsuarmi kangerluit annersaanni inissisimavoq. Nunarsuarmi sumiiffiit ungasinnersaannut ilaavoq. Tassani atorfinissinnaa-vutit atuarfiullu ineriartorneranut sunniuteqaqataallutit, atuartut piginnaasatigut ineriartornerannut pingaarutilittut inissisimanissamut periarfissagissaarlutit.

Atorfiit imaat:

Ilinniartitsisunik ilinniarsimasunik pissarsiorpugut. Ilinniartitsisoqatigiilli killeqarmata naatsorsuutigi-neqassaaq nammineq atuartitsissutigisap saniatigut allanik atuartitsisarnissaq. Taakkua saniatigut klas-selæreritut inissisimasinnaanissaq kiisalu isumaqatigiissuteqarnikkut atuuffinnik allanik isumagisaqarsin-naanissaq.

Suliassat ingerlanneqartassapput ilinniartitsisut allat, pisortat sulisullu allat angajoqqaallu qanimut suleqatigalugit.

Qinnuteqartunut naatsorsuutigisat:

·Ilinniartitsisutut ilinniarsimasoq

·Klassimi aqutsinermi misilittagalik aqutsillaqqissorlu

·Atuartunut atuakkatigut unammillernartitalinnut immikkut atuartitsinermik misilittagalik

·Ilinniartitsinerup pitsaasumik ilusilersornissaanut pikkoriffeqartoq

·Meeqqanut angajoqqaanullu pitsaasumik ataqatigiissitsisinnaasoq

·Inuiaqatigiinni atuarfimmilu anginngitsuni, suleqatinik qanimut suleqateqarusuttoq

·Atuarfiup ataatsimut ineriartornissaanut sunniuteqaqataallunilu peqataarusuttoq

Pingaartipparputtaaq:

·Sulinissamut aalajaatsoq, aamma akisussaassuseqartoq

·Meeqqanut, angajoqqaanut suleqatinullu attaveqarsinnaanermut pikkoriffeqartoq

·Inuttut avatangiisinilu unamminarsinnaasuni suliffeqarnissamut piareersimanissaq

Neqeroorutigaavut:

Suliffik sutigut tamatigut unammillernartulik, inuup qajannaatsuuneranik misileraasoq kisianni tamanna pissutigalugu ilinniartitsisutut inuttullu ineriartornissamut periarfissalik. Atuartut, atuarfiup illoqarfiullu ineriartortinnissaanut allanngueqataanissannut sunniuteqaqataanissamut periarfissatsialammik pissarsinissaq.

Meeqqanik pinerliisimannginnermut uppernarsaat:

Atorfik una meeqqanik pinerliisimannginnermut uppernarsaammik pissarsiniartussaatitaaneq pillugu inatsimmut ilaatinneqarpoq.

Taamaattumik naalagaaffiup politiivinit meeqqanik pinerliisimannginnermut uppernarsaammik naamma-ginartumik kommunimi pissarsisoqareerpat aatsaat atorfinittoqarsinnaasoq erseqqissaatigineqassaaq.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Atorfinitsitsineq:

Ullumikkut tjenestemanditut atorfinitsitaareersimaguit, isumaqatigiissutit malillugit tjenestemanditut atorfiit uagut isumaqatiginitsigut nangissallugu periarfissaraat. Isumaqatigiissut malillugu atorfinitsitsinermi qaammatit pingasut misilitsitsivittut piffissaritinneqarpoq. Isumaqatigiissutit malillugit imaluunniit tjenestemanditut atorfinitsitsinermi atorfeqarsimanerup sivisussusia tunngavigalugu akissarsiaqartitsisoqassaaq angusaqarluni ilinniartitsisutut soraarummeersimanerup kingorna. Tjenestemanditut imaluunniit ” Kalaallit Nunaanni Naalakkersuisut aamma Ilinniartitsisut Meeqqat Atuarfianeersut Kattuffiat (IMAK) sulisut il.il. pillugit isumaqatigiissutaat atuuttoq malillugu atorfinitsitsisoqassaaq”.

Atorfinitsitsinermi atuuppoq, atorfilik gruppitut inuunermik sillimmaserneqarnissaanik immikkut isumaqatigiissut. Atorfinnut atatillugu inissanik innersuussisoqarsinnaavoq.

Åremålertalimmik atorfinitsitsineq:

Atorfinitsitsineq ukiuni aalajangersimasuni atorfeqarnissamut malittarisassaq pillugu 16. februaari 2007-imi aalajangersagaq tunngavigalugu, ukiuni aalajangersimasuni atorfeqarnissat tunngavigalugu, atorfinitsinneqassaatit. Ukiut ataasiakkaarlugit atorfeqarsimaneq tunngavigalugu, 1. apriili 1991-imeersoq malillugu ukiumut tunngaviusumik kr. 18.000,00 aningaasartalimmik, soraarnerusutisiaqartitaanngitsumik soraarnermi akissarsiaqartitsineq pissaaq. Annertussusaa naleqqussarneqassaaq immikkut ittumik tapisiatut, 1. apriili 2017-imi ukiumut annertussuseqarluni kr. 20.253,67. Soraarnersiassaq qaammatikkuutaartumik akissarsiannut ilanngullugu Kalaallit Nunaata aningaaseriviani kontumut matoqqasumut akiliutigineqassaaq.

Atorfinittussaq ukiut tamaasa feriefrirejse-mik akiliunneqartassaaq.

Atorfiniffissamut angalanissaq:

Atorfinitsinneqarnermilu, atorfeqarfissamut angalatinneqarnermut atasumik, pequtinik atorfeqarfissamut nutserinermi, atorfinittoq akiliunneqassaaq. Aammalu atorfimmiit tunuarnermi, angalanissamut/nutsernissamut akiliunneqarneq aatsaat pisinnaavoq, ukiuni pingasuni imaluunniit amerlanerusuni atorfeqareersimanerup kingorna.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchef Riikki Grønvold, oqarasuaat +299 36 73 03 imaluunniit e-mail: rigr@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 707-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: juulip 29.-at, 2025

Atorfik una qinnuteqarfigiuk