Ilinniartitsisut arfinillit Nanortalik

Nanortallip Atuarfia arfinilinnik ilinniartitsisussarsiorpoq:

Nanortallip atuarfia ilinniartitsisumik pikkorissumik aggustip ulluisa aallaqqaataa 2026 imaluunniit isumaqatigiissuteqarnikkut atorfinittussamik sulisussarsiorpoq.

Ilinniartitsisumik kajumissusilimmik qallunaatoornermut, tuluttoornermut, nipilersornermut ilinniartitsisinnaasumik klasselæreriusinnaasumillu pissarsiorpugut. Ilinniartitsissutigineqarsinnaasunut tamalaanut ammavugut, inullu naleqquttoq pingaarneruvoq ilinniartitsissutigisassat suunerinit. Uagutsinni ataatsimoorluta kivitsisarpugut, taavalu atuartunut, atuartitsissummut suleqatinnullu qanoq iliuuseqarusuttutit ujartorpatsigit.

Nanortallip Atuarfia 

Nanortallip Atuarfia 175-inik atuartoqarpoq massakkullu 18-inik ilinniartitsisoqarluni.

Atuarfik nutaaq atortorissaarluartoq, suleqatigiinneq nuannersoq, pinngortitami kusanarluinnartumi tammaarsimaarnissamik periarfissaqartoq. Nanortallip Atuarfiani ukiut tamaasa Pilineq (forråd) immini ilikkagassartalik atuarfimmit tamarmit peqataaffigineqarluni ingerlanneqartarpoq.

Ipad atorlugu atuartitsisinnaanermullu periarfissiisoq suleqataaffigilissavat. Atuartitsinermi Clevertouch smartskærme atortarpavut.

Alloriarfiit tamarmik immikkut aallussassaqartarput ukiup atuarfiusup ingerlanerani sukumiisumik suliarineqartartunik.

Ilinniartitsissutini, alloriarfinni klassenilu suleqatigiikkuutaat aalajangersimasumik ataatsimiittarpugut pilersaarusiorniarluta, ataqatigiissaariniarluta tapersersoqatigiinniarlutalu.

Nanortallip Atuarfianni ataatsimoorluni kivitsineq pingaartinneqarluinnarpoq. Ilinniartitsisut amerlanngitsunnguuvugut angisuumik akisussaaffeqarluta, taavalu atuartut ilinniagassatigut inuttullu tapersersorumallugit suleqatigiinnermik pingaartitsilluartuulluta.

Naatsorsuutigaarput, illit: 

• IMAK atorfeqartunut anguniagarititai ilisimagitit
• Ilinniartitsisutut ilinniarsimasuunnissaq
• Atuartunut angajoqqaanullu pitsaasumik attaveqarsinnaasoq suleqateqarsinnaasorlu
• Atuartitsinermik aqutsinermut pikkorissuusutit, sapiitsuusutit, isumassarsiarpassuaqartutit kiisalu suleqatigiligassannut suleqatiginnikkumassuseqartutit.

Meeqqanik pinerliisimannginnermut uppernarsaat:

Atorfik taanna meeqqanik pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

PITSAASUNIK ATUGASSAQARLUNI ATORFEQARNEQ

Atorfinitsittineq Naalakkersuisut IMAK-llu akornanni isumaqatigiissutaat 21. Maj 2021-imeersoq naapertorlugu atuuppoq. Qinnuteqartut Kalaallit Nunaanni tjenestemand-ureersut atorfinitsitteriaaseq taanna ingerlatiinnarsinnaavaat. Qinnuteqartut piukkunnartut pilerilersinniarlugit atorfinitsitineq ukiuni killilinni atorfinititseriaaseq atorlugu atorfinitsisisoqassaaq.Tamanna imannak isumaqarpoq atorfinittoq ilaqutaalu qaamatit imeersoq aamma Kalaallit Nunaanni Naalakkersuisut aamma Ilinniartitsisut Meeqqat Atuarfianneersut Kattuffiata, IMAK-ip Pingaarnertut isumaqatigiissutaat 28.10.1998-imeersoq atorfinitsitaaninnut aqqaneq-marluk qaangiukkaagata akiliunneqarlutik sulinngiffeqarnermut atatillugu angalasinnaatitaapput, piumasaqaatit atuuttut naapertorlugit. Tamatuma saniatigut atorfimmi soraarnerup kingorna atorfinitsitsisarnerup piumasaqaataa 1991-meersoq malillugu 18.000 kroninik konto-mut matoqqasumut ikisisoqassaaq. Soraarnerup kingorna aningaasat tunniunneqassapput

Atorfimmut atatillugu inissaqartinneqarneq

Atorfinitsinneqanermut atatillugu inissaqartitsisoqarsinnaavoq, malittarisassat atuuttut najoqqutaralugit ineqarnermut akiliutit allallu akilerneqartartussamik.

Atorfinikkiartornermi angalaneq

Atorfininnermut tunngatillugu atorfinerlaanut taassumalu ilaqutaanut akeqanngitsumik angalanissaq isumagineqassaaq, aammalu minnerpaamik ukiuni pingasuni atorfeqareerneerup kingorna inatsisit atuuttut najoqqutaralugit soraarnermi angalanissaq kisalu pigisat assartorneqarnissaat akiliunneqassallutik.

Allat paasissutissat: Atorfinnut tunngassutilinnik paasissutissanik tamanut atuuttunik perusukkuit kiisalu qinnuteqarnissamut immersugassamik perusukkuit uunga saaffiginnissaatit: Atuarfiup pisortaa Nicolaj Lykke: Nily@kujalleq eller 61 47 51

Qinnuteqaat, pineqaatissinneqarsimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat kiisalu soraarummeersimanermit uppernarsaatit assilineri il.il. PDF-filinngorlugit kommunip nittartagaatigut nassiunneqariissapput kingusinnerpaamik juunip ulluisa pingajuat 2026.

MALUGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiunniunneqassapput PDF-fil imaluunniit Word-fil-inngorlugit nassiunneqassallutik.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna 2018-imi januaarip aallaqqaataaniit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”

Qinnuteqarnissamut killissarititaasoq: juunip 3.-at, 2026