Ilinniartoq ikiorti

Inulerivik ilinniartumik ikiortissarsiorpoq

Inulerivimmi tarnip pissusiinik ilisimasalinnik, inuunerissaasunik allattoqarfimmiunillu isumalimmik suleqateqarusuppit?

Inulerivimmi taava suleqatissarisimavatsigit. Inulerivik – Nuna Tamakkerlugu

Katsorsaavik Siunnersuisarfillu allattoqarfiani ilinniartumik pikkorissumik tunniusimasumillu ikiortissarsiorpoq. Inuiaqatigiinnut pingaarutilinnik isumaqartunillu suliassaqarfiusumi qitiusoqarfimmi sulilissaatit.

Inulerivik pillugu

Meeqqanut, inuusuttunut inersimasunullu, tarnikkut atugarliuuteqartunut, katsorsaanerit Inulerivimmi neqeroorutigineqartarput. Tamatuma saniatigut inersimasunik, meeqqanut inuusuttunullu, persuttaasartunut imaluunniit kinguaassiutitigut qaangiinissamik pissuseqartartunut, katsorsaanerit qitiusoqarfimmi neqeroorutaapput. Qitiusoqarfimmit kommunit isumaginnittoqarfii suleqatigineqarput, taamaammallu nuna tamakkerlugu katsorsaasoqarnissaa siunnersuisoqarnissaalu qitiutinneqarlutik sulisoqartarpoq.

Pingaarnertut suliassatit:

• Allaffissornikkut suliassat

• Datanik misissueqqissaarneq

• Suliassat nukinginnartut

Naatsorsuutigaarput:

• Ingerlariaqqiffiusumi ilinniartoq

• Ataqatigiissaarluakkamik peqqissaartumillu sulisinnaasoq

• Kalaallisut qallunaatullu oqaatsitsigut allattariarsornikkullu pikkorissoq

• Ulapaarfiusumi suliassarpassuaqarfiusumi siuleqateqarluarsinnaasoq

• Isumaginnittoqarnermik suliassaqarfiusumi ilisimasaqartoq

• IT-nut tunngasunut ilisimasaqartoq

Neqeroorutigut:

• Suleqatigiilluarfiusumi suliffeqarneq

• Isumaginnittoqarfimmi meeqqanut inuusuttunullu suliassaqarfiusumi naalakkersuinikkut suliniutigineqartunut ilisimasaqarnerulerneq

• Ulapaarfiugaluarpalluunniit qiimasunik ataqqinnittunillu avatangiiseqarluni suliffik

Ilisimasassat

Sapaatit akunneranut akunnerni 20-ni sulisarnissaq naatsorsuutigineqassaaq. Ilinniarnivit killiffia misilitsiffigineqartussallu eqqarsaatigalugit sulisarnissaq peqatigalutit inissinneqartassaaq.

Paasissutissat allat

Suliffik pillugu paasisaqarniaruit, AC-fuldmægtig Malu Grønvold Petersen,

oqarasuaat +299 27 09 81-mut imaluunniit e-mail magp@nanoq.gl-mut saaffigisinnaavat.

Atorfik 1. juni 2026, imaluunniit isumaqatigiissuteqarnikkut, inuttalerneqarnissaa kissaatigineqarpoq.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.