Ilinniartumik ikiortissamik sulisussarsiorneq

Issittumi suleqatigiinnermut aamma Nunanut Allanut suliassaqarfimmi ilinniartumik ikiortissamik sulisussarsiorneq

1. juli 2026-mi imaluunniit isumaqatigiissuteqarnikkut piaartumik atorfinittussamik, Nunanut Allanut Naalakkersuisoqarfik ilinniartumik ikiortissarsiorpoq. Atorfik piffissatigut killiligaavoq, 2027-milu maajip naaneranut atorfigineqassasoq naatsorsuutigineqarluni. Allaffimmi issittumut tungatillugu suleqatigiinnitsinni suleqataasinnaasumik, ilinniartumik ikiortissamik pikkorissumik ataatsimik pissarsiorpugut.

Nunat assigiinngitsut akornanni, nunallu assigiinngitsut akornanni oqalliffinni arlaliusuni Kalaallit Nunaata soqutigisai isumagissallugit atorfiup siunertaraa. Tassunga atatillugu Issittumi Siunnersuisoqatigiinni siulittaasoqarfiup atuutsilersinneqarnissaani, tassani naatsorsuutigisamik siulittaasoqarfiup 2027-mi maajimi tunniunneqarnissaata tungaanut ilaatigut 2026-p ukiaanni aamma 2027-p ukiuunerani/upernaani siulittaasoqarfimmiunut arlalinnik aaqqissuussissamaarnitsinni ikiuuttussamik, ilinniartumik ikiortissamik ataatsimik pissarsiorpugut.

Allaffimmi sulisut allat suleqatigalugit Nunanut Allanut Naalakkersuisoqarfiup suliassaqarfiisa iluini suliassanik attuumassuteqartunik suliaqartassaatit, soorlu

• Issittumi Siunnersuisoqatigiit siulittaasoqarfianik 2025-2027-mi suliassat isumaginninnissaannut aamma atuutsilersitsinissamut peqataaneq

• Siulittaasoqarfiup ataani aaqqissuussat pilersaarutaasut ingerlanneqarnissaannut peqataaneq, matumani udenrigsministeriaqarfiup issittumut immikkoortortaqarfianik, Savalimmiormiut naalakkersuisuinik kiisalu Issittumi Siunnersuisoqatigiit Tromsømi allatseqarfianut ataqatigiissaarineq ilanngullugu.

• Illup iluani, avataaniillu tusarniaassutinik ataqatigiissaarineq, akissuteqarnerlu

• Nunanut allanut politikkitigut, nalinginnaasumillu suliassatitugt suliat takkussuuttut assigiinngitsut.

Allaffimmi pisariaqartitat eqqarsaatigalugit, atorfiup inaarutaasumik imarisassaa suliatigut pikkoriffinnut, piginnaasanullu naleqqussarneqarsinnaassaaq.

Nunanut Allanut Naalakkersuisoqarfik pillugu
Nunanut Allanut Naalakkersuisoqarfik aaqqissuussaanikkut Nunanut Allanut, Inuussutissarsiornermut Aatsitassanullu Naalakkersuisup ataani inissisimavoq. Nunanut Allanut Naalakkersuisoqarfik sulisut 26-it missaanniipput. Allaffik Nuummi Nunanut Allanut Immikkoortortaqarfeqarpoq kiisalu  Bruxellesimi, Washington DC-mi, Reykjavikimi aamma Beijingimi sinniisoqarfeqarluni.

Kalaallit Nunaata nunanut allanut tunngatillugu soqutigisaanik isumaginnittuulluni kiisalu naalakkersuisoqarfiit nunanut allanut tunngatillugu ingerlatai ataqatigiissaartarlugillu suliarisarlugit, Nunanut Allanut Immikkoortortaqarfik tassuunatigut Namminersorlutik Oqartussani qitiusumik oqartussaavoq. Taamaalilluni nunanut allanut atassuteqarnerit kiisalu nunap immikkoortortaani aamma nunat assigiinngitsut akornanni suleqatigiinnerit suliarisarpagut, matumani Nunat Avannarliit Siunnersuisoqatigiiffiat, Issittumi Siunnersuisoqatigiit kiisalu Naalagaaffiit Peqatigiit Inuit Pisinnaatitaaffii pillugit Siunnersuisooqatigiivi aamma Naalagaaffiit Peqatigiit Inuit inoqqaavisa susassaqarfiinut ataavartumik oqallittarfia ilanngullugit. Illersornissamut, isumannaallisaanermullu politikkimut tunngatillugu Kalaallit Nunaannut attuumassuteqartut pillugit Danmarki suleqatigalugu Namminersorlutik Oqartussat eqeersimaartumik aamma peqataasarput. Paasissutissat annertunerusut www.naalakkersuisut.gl-imiipput.

Pikkoriffitit, piginnaasatillu

• Ilinniarsimassutsikkut/suliatigut naleqquttumik tunuliaqutaqarneq

• Kalaallit Nunaata nunanut allanut polikkianut tunngasunik ilisimasaqarneq

• Aaqqissuussisimanerni politikkikkut aqutani sulinermik misilittagaqarneq iluaqutaassaaq

• Nunat assigiinngitsut akornanni aamma/imaluunniit aaqqissuussisimanerni aamma/imaluunniit nunani allani suliaqarnermik misilittagaqarneq iluaqutaassaaq

• Tuluttut piginnaasaqarluarneq.

• Kalaallit Nunaanni inuiaqatigiinnik, kulturiannillu ilisimasaqarluarneq

• Kalaallisut, qallunaatut, tuluttullu oqalussinnaaneq kiisalu oqaatsinik allanik ilisimasaqarneq iluaqutaassaaq.

Aningaasanut inatsimmi aningaasat immikkoortinneqartut naapertorlugit, 2026-2027-mut piffissaligaasumik atorfinitsitsisoqassaaq. Piffissaligaasumik atorfeqarnerup ingerlanerani suliat allanngorsinnaaneri sulisup aamma naatsorsuutigisinnaassavaa.

Neqeroorutigaagut
Nunanut Allanut Naalakkersuisoqarfik suliffeqarfiuvoq nuannersoq, taamaammallu sulisut persuarsioratik isumagissaartut neqeroorutigisinnaavagut.
Naalakkersuisoqarfiup Nunanut Allanut akisussaaffigisaa suliaqarfiuvoq ulapaarfiusoq, immitsinnullu siunersiueqatigiittarpugut, suliaqarfiillu tamaasa suleqatigiissutigisarlutigit, matumani aamma angalasoqarneranut atatillugu. Pisut ilaanni sulisut Kalaallit Nunaat avammut sinniisuuffigisassavat – Kalaallit Nunaat tikeraartunut qaaqqusisuugaangat. Sulisut ataasiakkaat naleqartutut misigisimanissaat, suliartornerlu isumaqartutut misiginissaat anguniagaraarput. Ataasiakkaat ineriartoqqinnissamut, ilinniaqqinnissamillu pisariaqartitsinerat tapersersorparput, inuttut suliatigullu.

Paasissutissat annertunerusut
Atorfiit pillugit annertunerusumik paasisaqarusukkuit, Naalakkkersuisoqarfiup e-mailimut nap@nanoq.gl-imut imaluunniit oqarasuaammut +299 34 50 00-imut Camilla Aviaja Olsen attavigisinnaavat.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.