Ilinniartunik katsorsaanermik suliaqarnermik ineriartortitsineq akisussaaffigerusuppiuk? Inulerivik Qinngorneq-mi tarnip pissusiinik immikkut ilisimasallit pisortassaannik pissarsiorpoq

Katsorsaavik nutaaq Inulerivik tarnip pissusiinik immikkut ilisimasallit pisortassaannik innuttaasunik ilinniartuusunik katsorsaanermik suliamik aqutsisussamik ineriartortitsisussamillu piumassuseqarluarluni sullarissumik pissarsiorpoq.

Illiua pissarsiarerusutarput? Tarnip pissusiinik immikkut ilisimasallit pisortassaat nuna tamakkerlugu aqqaneq-marluk missaannik sulisoqartoq isumaginninnikkut tarnikkullu katsorsaanermik siunnersuisarfimmi Nuummi inissisimasumi. Atorfik sulisutut inuttullu ineriartornissamut kiisalu suliffimmi pisoqarluarfiusumi ikorfartuilluni oqaloqateqarnermut periarfissaqassaaq.

Ilinniarfeqarfinni tamani Majoriaq-milu ilinniarfimmi innuttaasunik siunnersuinermik katsorsaanermillu neqeroorutit ineriartortikkusuppigit?

Nuna tamakkerlugu siunnersuisarfik pisortani neqeroorutaavoq INULERIVIK-mi Meeqqanut, Inuusuttunut Ilaqutariinnullu Naalakkersuisoqarfiup ataaniittoq. Illoqarfinni ilinniarfeqarfinni anginerpaani ukunani tallimanik siunnersuisarfeqarpoq: Qaqortoq, Nuuk, Sisimiut, Aasiaat aamma Ilulissat. Siunertaavoq ilinniagaqarusuttunik inunnik ataasiakkaanik eqimattanillu akeqanngitsumik isumaginninnikkut tarnikkullu siunnersuisarnissaq katsorsaasarnissarlu.

Piffissaq tamakkerlugu atorfik piaarnerpaamik isumaqatigiissuteqarnerulluunniit kingorna inuttalerneqarusuttoq pineqarpoq.

Inuk suliaqarnikkut, aqutsinikkut inuttullu piginnaasaqarluartoq atorfinitsikkusunneqarpoq.

Peqatigiiffik ulluinnarni ineriartortitsinermik aallussilluartoq pineqarpoq. Aqutsisoq nuna tamakkerlugu ilinniartunik siunnersuisarfimmik ineriartortitsinermi qitiulluinnarpoq. Taamaattumik aqutsisoq katsorsaasarnerup, ilinniarfeqarfiup, isumaginnittoqarfiup peqqinnissaqarfiullu silarsuaannik ilisimasaqarluassaaq. Tarnip pissusiinik immikkut ilisimasallit pisortaat INULERIVIK-mi aqutsisup ataaniissaaq INULERIVIK-milu aqutsisoqatigiinnut ilaassalluni.

Aqutsisutut suliassat ilaatigut tassaassapput:

• Qinngorneq-mi atorfeqartunut sulisunut akisussaaneq

• Qinngorneq-mi atorfeqartut suliaasa ilinniagaqassutsimut naapertuuttumik ineriartortinnissaat ataqatigiissarnissaallu

• Qinngorneq-mi atorfeqartunik ineriartortitsiumalluni oqaloqateqartarnerit

• Aqutsisoqatigiinni suliniutinik aalajangikkanillu atuutsitsilernissamut peqataaneq

• Siunnersuinissamik periarfissanik nunalu tamakkerlugu neqeroorummik, tassunga ilanngullugu internetikkut siunnersuisarnermik, ineriartortitsineq

Naatsorsuutigaarput

• Tarnip pissusiinik immikkut ilisimasalittut ilinniarsimasuussasutit akuersissutilik immaqalu immikkut ilinniagaqarsimassasutit tarnikkut nappaatilinnik sullissiviup iluani ikorfartuillunilu oqaloqateqarnermik misilittagaqartutit

• Alimasissumik aqutsisuunermik aammalu suliniutinik aqutsinermik misilittagaqassasutit

• Katsorsaalluni neqeroorutinik ineriartortitsinermik misilittagaqartutit

• Inunnik ataasiakkaanik eqimattanillu katsorsaanermik misilittagaqartutit

• Sulisutut inuttullu piumassuseqarluarlutit suliaqarsinnaassasutit

• Suleqatikkuminassasutit, pingaartumik susassaqarfiit akimorlugit suleqatigiinnermi

• Suliassat pisariaqartitallu assigiinngitsut akimorlugit ineriartuutaasumik iliuuseqarsinnaassasutit

• Perorsaanermik ilisimasaqassasutit

• Attaveqaqatigiinneq ingerlatitseqqiinerlu piginnaaneqarfigilluassagitit

• IT-mik atortorissaarutinik atuilluarsinnaassasutit

Neqeroorutigaavut:

• Nunatsinni ilinniarfeqarfiit pillugit suliniuteqarnermi allanngueqataasinnaaneq

• Atorfik sulisutut inuttullu ineriartornissamut periarfissaqarluartoq

• Ikorfartuilluni oqaloqateqarneq

• Suliffeqarfik pisoqarluarfiusoq

• Suliffeqarfik ineriartupiloortoq

• Suleqatit piumassuseqarluartut pikkorissut

INULERIVIK pillugu

Inulerivik-up neqeroorutigisarpai meeqqanut, inuusuttunut inersimasunullu tarnikkut atugarliortunut oqaloqateqarluni tarnikkut katsorsaanermik neqeroorutit. Tamatuma saniatigut Inulerivik-up neqeroorutigisarpaa inersimasunut nakuusertartunut imaluunniit meeqqanut inuusuttunullu kinguaassiuutitigut kannguttaatsuliortutut pissusilersortartunut taamaaliornissamilluunniit eqqarsaateqartartunut immikkut katsorsaanissaq. Inulerivik-up sineriak tamakkerlugu kommunini isumaginninnermik suliaqartartut qanimut suleqatigisarpai, aamma nuna tamakkerlugu katsorsaalluni pitsaaliuillunilu suliaqarnermi pingaarutilimmik inissisimavoq. 

Paasissutissat amerlanerusut ullorlu qinnuteqarfissaq kingulleq

Atorfik 2026-mi februaarip aallaqqaataanni isumaqatigiissuteqarnerulluunniit kingorna inuttalerneqarumaarpoq, qinnuteqarfissaq kingulleq 23/12-2025 nal. 12:00

Atorfik pillugu paasisaqarnerorusukkuit attavigikutsoorsinnaavat Inulerivik-mi aqutsisoq Naja Lund Kielsen oqarasuaatikkut +299 34 60 54 imaluunniit e-mailikkut nalk@nanoq.gl.

Akissarsiat atorfeqartitaanermilu atugassarititaasut:

Atorfik massakkut LR 36-mut inissinneqarsimavoq/naapertuuttumik akissarsiaqartitsiffiuvoq.

Akissarsiat immikkoortui aalajangersimasut ilanngullugit LR 36-imi massakkut 2022-mi apriilip aallaqqaataat aallarnerfigalugu qaammammut Kr. 57.100-inik ukiumullu Kr. 685.230-inik akissarsiaqartitsiffiusarpoq. 

Sapaatip-akunneranut aallaaviusumik nalunaaquttap-akunnerini 40-ni sulisoqartassaaq, aamma atorfimmut atatinneqarput ukiumoortumik 320-nik qaammatillu pingasukkaarlugit 80-inik aggersarneqariaannaanermut pisussaaffiit, aamma sulinngiffeqarnernik annaasaqarneq pillugu ajunngitsorsiassanik aalajangersakkat atuutinngillat.

Aallaaviusumik isumaqatigiissutini atugassarititaasut malillugit atorfinitsitsisoqassaaq, qinnuteqartorlu Kalaallit Nunaanni pisortaqarfinni tjenestemandit pillugit inatsisit malillugit tjenestemanditut atorfeqaruni tjenestemanditut atugaqartitsilluni atorfinitsitsisoqarsinnaavoq.

Akissarsiat atorfeqartinneqarnermilu atugassarititaasut, tassunga ilanngullugit atorfinitsinneqarnermi soraarnermilu angalanermi pequttallu nassiunneqarnerinut akiliunneqarnissamut pisinnaatitaaffiit, atorfinitsinneqarnerup nalaani Namminersorlutik

Oqartussat peqatigiiffiillu isumaqatigiinniuteqarsinnaatitaasut pineqartut akornanni isumaqatigiissutit atuuttut malillugit atuutissapput.

Sapaatip-akunneranut aallaaviusumik nalunaaquttap-akunnerini 40-ni sulisoqartassaaq.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk