Ilinniuartunik siunnersuisutut

Kujataani Ilinniarnertuunngorniarfik 1. marts 2026 aallarnerfigalugu imaluunniit isumaqatigiissuteqarnikkut ilinniartunik siunnersuisutut atorfik inuttassarsiorneqarpoq.

Kujataani Ilinniarnertuunngorniarfik tassaavoq nunatsinni Ilinniarnertuunngorniarfiit kujallersaat. Ukiumi atuarfiusumi ilinniartut maanna 105-upput. Piffissap ingerlanerani amerlassusaat nikerarsinnaapput. Ilinniarnertuunngorniatut ilinniartut ilinniakkatut sammiviit assigiinngitsut tallimat malillugit ilinniartuupput. Ilinniartitsisut katillugit 18-upput kiisalu saniatigut allaffimmiut, eqqiaasut pedellillu katillugit 16-upput.

Ilinniarnertuunngorniartut ilinniarnermininni aamma inuttut atugassarititaasutigut assigiinngitsunik tunngaveqarput, tamarmillu anguniagaat tassaavoq ilinniarnertuunngorusussuseq.

Ilinniarnertuunngorniarfimmi ilinniartut ineqarfii arlariissuupput, tassa 18-inik ukioqalereersunut ineqarfeqarpoq, kiisalu 18-it inorlugit ukiullit immikkut ineqarfeqartinneqarput. Ilinniartut sineriak tamakkerlugu aggerfeqarput, amerlasuullu Kommune Kujallermeersuupput.

Ilinniarnertuunngorniarfimmi sulisut marluinnik oqaaseqartunut ingerlatsiviuvoq kiisalu kulturit eqqummaariffigalugit ilinniartitsineq ingerlanneqarpoq. Ilinniartuunngorniarfiup ilinniartut qitiutillugit ingerlanneqarpoq.

Kujataani Ilinniarnertuunngorniarfimmi ilinniartuusut pitsaanerusumik atugaqartinneqarnissaat annertunerusumik sulissutiginissaa kissaatigaarput; inuttut, inoqataanermut ilinniartitaanerlu eqqrsaatigalugit. Angorusutarput tassaavoq ilinniarnertuunngorniartut tamarmik ilinniarnertik pillugu iluarisimaarinninneq pillugu ilinniartunik siunnersuisumik oqaloqatiginnissaminnut neqeroorfigineqartalernissaat.

Ilinniartunik siunnersuisutut atorfinittussap Kujataani Ilinniarnertuunngorniarfimmi aqutsisut ilinniartunillu ilinniaqqissiffat pillugit immikkut siunnersuisoq kiisalu ilinniartunik aqqutissiuisoq suleqatigissavai. Ilinniartut 18-it inorlugit ukiullit eqqarsaatigalugit ineqarfigisaanni sulisut aamma qanimut suleqatigineqassapput. Taakku sulisut ataatsimut suleqatigiinnermikkut ilinniarnertuunngorniartut iluarisimaarinninnissaat kiisalu ilinnianerminnik ingerlatsiinnarnissaat anguniartussaavaat. Pingaartumik ilinniarnertuunngorniartut immikkut ittumik ilinniarnerminnik naammassinninnissaat anguniarlugu tapersersorneqarnissaannik pisariaqartitsisut qanimut suleqatigiissutigineqartussaapput.

Suliassat tassaapput:

Ilinniarnertuunngorniarfimmi aqutsisut, ilinniartut ineqarfiini sulisut, ilinniaqqinnissamik immikkut siunnersorti ilinniartunillu aqqutissiuisoq sulisullu allat qanimut suleqatiginissaat.

Ilinniarnertuunngorfimmi ilinniartunik iluarisimaarinninneq pillugu oqaloqateqartarneq kiisalu immikkut pisariaqartitsisoqarnera tunngavigalugu ilinniartunik oqaloqateqartarneq.

Ilinniartut atuanngitsuukulanerinik nakkutiginninneq, taakkulu pillugit periarfissaagallartillugu, rektori suleqatigalugu iliuuseqarfigineqarsinnaasunik ujartuineq iliuuseqartarnerlu.

Upalungaarsimanermut tunngasunik suliaqarneq.

Uagut naatsorsuutigaarput

Illit inunnik isumaginnittutut ilinniarsimasuussasutit, soorlu isumaginninnermik siunnersortitut, perorsaasutut, isumaginninnermi assistentitut imaluunniit isumaginninnermut ikiortitut ilinniagaqarsimasuussasutit.

Sulisut allat aqutsisullu qanimut suleqatiginissaannut illit kajumissuseqassasutit, ulluinnarni unammillernartut iliuuseqarfigineqartarnissaat sulinitsinni qitiujuartuupput.

Eqaatsumik ajornaatsumillu illit sullerissuusutit, suliffimmut aalajaatsuusutit aammalu assigiinngitsutigut allanngorarfiusumi sungiussiasuusutit.

Suliffimmi ulapaarfiujuartumi piffissallu ilaani ulapiffiusumi ilinniartunik amerlasuunik oqaloqatiginninnissamut piareersimasuusutit.

Ilinniartut unammillernarisaminnik qaangiiniarnerannik ikorfartuisinnaassuseqartutit, kiisalu ilinniartut inuit allat akornanniissinnaanerminnik ineriartorneranni ikorfartuisinnaasutit. Ilinniartullu imminnut takunnissinnaalerlutillu paasinnissinnaalernissamik piginnaaneqalersitserusullutit ikorfartuisinnaasutit.

Ilinniartut perorsaanikkut erseqqissumik pineqarnissamik pisariaqartitsisunik sullissisinnaassaatit, aalajangersimasunik killiliussanik sungiussiniartunik sullissisinnaasutit ikorfartuisinnaasutillu. Saniatigullu ilinniartut illit inersimasutut toqqissisimaffigalutit tulaavigisinnaassavaatsit.

Ataatsimooqatigiinnermik, ataqqinninnermik, akisussaataqaanermik suliaqarfiillu iluini pikkoriffeqartutit. Taakkumi ilinniartunik oqaloqatiginnittarnissanni ingerlattussaavatit, soorlu Kujataani Ilinniarnertuunngorniarfimmi taakku naleqartitatut pingaartunut ilaasut.

Kalaallisut qallunaatullu oqaatsit oqaluttariarsornermi allattariarsornermi atorluarsinnaagitit.

Uagut makku ilinnut neqeroorutigaavut:

Ilinniartut taakkulu iluarisimaarinninnissaat Ilinniarnertuunngorniarfimmi qitiutinneqarput.

Ilinniarnertuunngorniarfik suliffittut ilinniarfittullu ineriartortitsisoq, ilikkagassatigut ileqqorissaarnissamillu qitiutitsisoq.

Atorfimmi suliassanik suleriutsinillu ineriartortitsinermut sunniuteqaqataatitsinissamut periarfissaqartitsisoq.

Suliffiup iluani kiisalu suliffiup avataaneersunit ikorfartorneqarneq (supervision).

Ilinniarnertuunngorniarfiup illorsua pitsaasunik atugassaqartitsisoq.

Paasiniaasinnaaneq

Paasissutissanik sukumiinerusunik apeqqutissaqaruit uunga saaffiginnigit: Rektori Heidi Rosing, oqarasuaat 64 78 55.

Qinnuteqaatit takkussorneri malillugit ingerlaavartumik oqaloqatiginninnerit ingerlanneqarsinnaapput.

Qinnuteqaatit, ilinniarsimanermut allagartatit, suliffigisimasavillu allattorsimaffiat ilanngullugit uunga nassiutikkit:

Ulloq qinnuteqarfissaq kingulleq tassaavoq 05 marts 2026

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.