Ilisimatusarfik nunarsuarmioqataanermi attaveqatigiinnermilu AC-fuldmægtigemik/immikkut ilisimasalittut siunnersortimik suliani ataqatiissaarisussamik pissarsiorpoq

Attaveqatigiinnermi nunarsuarmioqataanermilu suliani ataqatigiissaarisutut akisussaaffigissavatit suliffiup iluani avataanilu attaveqatigiisitsineq aamma nunarsuarmioqataatitsineq. Ilisimatusarfiup pisortaa qaninnertut pisortarissavat.

Atorfik maajip 1-ini 2026 inuttassarsiuunneqarpoq, imaluunniit isumaqatigiinnikkut piaartumik inuttalerneqassaaq. Atorfik sapaatip akunneranut 40 tiimit suliffiuvoq.

Attaveqatigiinneq nunarsuarmioqataanerlu immikkoortortaqarfiuvoq marlunnik sulisoqartoq, suliani ataqatigiissaarisoqartup saniatigut. Attaveqatigiinnermi aamma nunarsuarmioqataaneq pillugu suliassani AC-fuldmægtigiusup aappaata ikiortassavaatit. Sulisup aappaa tassaavoq Ilisimatusarfiup nammineerluni oqalutsitut atorfilittaa, taassuma allattariarsornikkut oqaluttariarsornikkut nutserinikkut- aamma oqaluttaanikkut ikiortassavaatit.

Ataqatigiissaarisutut - akisussaaffiit:

• Attaveqatigiinnermut allaffimmi ullormut ataqatigiissaarineq.

• Sulisut suliassaat pillugit ullormut ataqatigiissaarineq.

• Akisussaaffigaatit attaveqatigiinneq pillugu Ilisimatusarfiup periusissanik atortussanngortitsisarnissaa.

• Akisussaaffigaatit avataani attaveqatigiinnikkut ingerlatsinerit (tusagassiortut, suleqatigisat avataaneersut il.il).

• Akisussaaffigaatit Ilisimatusarfimmi nittartakkanik ingerlatsinerit tamaasa.

• Akisussaaffigaatit suliffiup iluani attaveqatigiinneq tamaat (tusagassiuuteqarneq, intranet il.il.).

• Akisussaaffigaatit pilerisaarusiassat suliarisarnissaat tamaasa.

• Akisussaaffigaatit tusagassiinissamut atortussat tamaasa.

• Akisussaaffigaatit allakkianik – illup iluani avataanilu atorneqartussanik nutserisitsinermik ingerlatsineq.

• Akisussaaffigaatit ilinniartut oqaluttariarsornikkut misilitsinnerini oqalutseqartinneqartarnerannik ingerlatsineq.

Nunarsuarmiooqataaneq - akissussaaffiit:

• Nunarsuarmioqataanermi Allaffimmi suliaqarfiit pillugit ataqatigiissaarineq.

• Akisussaaffigaatit Ilisimatusarfiup nunarsuarmioqataanerani periusissanik atortuulersitsisarnissaa.

• Akisussaaffigaatit nunani tamalaani suleqatigisanut ineriartortitseqqiinerit aamma nukittorsaanerit.

• Ilinniartunik sullissivik ikiorlugu tikeraatut ilinniartitsisut qinnuteqaataannik sullissinerani

• Akisussaaffigaatit Kalaallit Nunaanni ilinniarfinnik nunanilu tamalaanni pissutsit eqqarsaatigalugit Ilisimatusarfiup suleqatiginninniarnerani nukittorsaanissaq.

• Akisussaaffigaatit inuiaqatigiinni nunanullu tamalaanut attaveqatigiinnerup qaffassarnissaa ineriartortinnissaalu.

• Akisussaaffigaatit nunatsinni inuiaqatigiinni attaveqarfigisanik aamma nunani tamalaaniittuni suleqatigisanut ilinniarfinnullu atassuteqaateqarnerit isumaginissaat.

Nunarsuarmioqataaneq aamma Attaveqatigiinneq Ilisimatusarfiup sulisui, immikkoortortaqarfiisa, ilinniarfiisa aqutsisuisalu qanimut suleqatiginerisigut oqaloqatigisarnerisigullu suliat ingerlanneqartarput.

Naatsorsuutigaarput illit:

• Minnerpaamik ukiuni pingasuni attaveqatigiinnermut tunngasunik ataqatigiissaarisinnaaneq misilittagaqarfigissavat, immikkut ilisimasalittut siunnersortinngortinneqassaguit.

• AC-fuldmægtiginngortinneqassaguit attaveqatigiinneq pillugu minnerpaamik ukiuni marlunni misilittagaqassaatit.

• Pineqartunut attuumassuteqartumik kandidatilik

• Nittartakkatigut, inuinnaat attaveqatigiittarfiatigut assigissaannilluunniit suliaqarnissamut misilittagalik.

• Qaffasissutsini tamalaani suleqatiginninnissamik misilittagalik.

• Nammineerluni ilusilersorluakkamillu sulinissamut piginnaasaqarluartoq.

• Kalaallisut, qallunaatut tuluttullu allattariarsorsinnaasoq aamma oqalussinnaasoq.

• Kalaallit Nunaanni inuiaqatigiinni pissutsinik ilisimasalik.

Tamatuma saniatigut ulluinnarni attaveqartartut amerlaneri pillugit kiisalu ataqatigiissaarinermi allannikkut oqalunnikkullu Ilisimatusarfiup sulisutut nittarsaassinnaanissaa pillugu suliaqartup aqutsisunik suleqateqarluni qinnuteqartup inussiarnersumik pissuseqarnissaa pingaartinneqarpoq.

Attaveqarfigisinnaasatit/paasissutissat

Atorfik pillugu annerusumik paasisaqarusukkuit, qinnuigissavatsigit Ilisimatusarfimmi pisortaasoq Christine Tønnesen oqarasuaatikkut +299 347303-imut attaveqarfigeqqullugu. Kalaallit Nunaanni Ilisimatusarfik annerusumik paasisaqarfigerusukkukku ugguuna iserlutit paasisaqarnerusinnaavutit www.uni.gl

Qinnuteqaat

Qinnuteqaat, allaganngorlugu qinnuteqaatip saniatigut, ukuninnga imaqassaaq:

Ilanngussaq 1: Curriculum Vitae

Ilanngussaq 2: Soraarummeersimanernut uppernarsaatit.

Ilanngussaq 3: Oqaaseqaatinik aallerfiusinnaasut inuit pingasut attaviginissaannut paasissutissat.

Atorfinitsitsinerup ingerlanissaa

Qinnuteqaatit takkussortut atorfinitsitsisarnermut ataatsimiititaliamit suliarineqassapput.

Qaammatini pingasuni misiliilluni atorfeqarneq

Uani atorfimmi qaammatini pingasuni misiliilluni atorfinitsitsisoqassaaq.

Ilisimatusarfik pillugu

Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut 13-upput, taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.

Ilisimatusarfik sisamanik instituteqarpoq:

• Ilinniartitsinermik Ilisimatusarfik

• Inuiaqatigiilerinermik, Aningaasaqarnermik Tusagassiornermillu Ilisimatusarfik

• Kulturimik, Oqaatsinik Oqaluttuarisaanermillu Ilisimatusarfik

• Peqqissaanermik Pinngortitamillu Ilisimatusarfik

Allaffissornikkut aqutsisoqatigiiffik pillugu

Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisuniik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.