Ilisimatusarfimmi Ilinniartitsinermik Ilisimatusarfik specialpædagogikki, pædagogikki, kalaallisut, tuluttut, upperisarsiornermi aamma filosofiimi, timersornermilu studieadjunkt/-lektorinik, adjunktimik (Ph.d.-mik), lektorimik imaluunniit ilinniartitsisunngorniarfimmi ilinniartitsisumik pissarsiorpoq

Atorfiit 4-iniit 6-inut amerlatigisut pissanganartut ilinniartitsinermik, inerisaanermik ilisimatusarnermillu imalik, ilinniartunut qanimut attaveqartitsisoq, ilinniartitsisoqatigiit tunniusimasut ilisimatusarfillu ineriartortoq - soqutigaagit?

Ilinniartitsinermik Ilisimatusarfik ilinniartitsisunik misilittagalinnik pissarsiorpoq faagini ukunani: specialpædagogikimi, pædagogikimi, kalaallisut, tuluttut, upperisarsiornermi aamma filosofiimi kiisalu timersornermi. Pitsaanerpaavoq faagini arlalinni ilinniartitsisinnaaguit, soorlu aamma Ilinniarfissuarmi fagit allat ilinniartitsivigisinnaallugit.

Atorfiit maajip 1-ani 2026 isumaqatigiissuteqarnikkulluunniit inuttassarsiuunneqarput. Atorfik sapaatip akunneranut 40 tiimit suliffiuvoq.

Instituttimi ilinniartitsisunngorniarnermi bachelorinngorniarfiusumi ilinniartitsinerit ilinniaqqinnerillu ingerlanneqartarput. Instituttimittaaq Pædagogikkimi ilinniarnermilu ineriartortitsivik ineriartortoq, kiisalu Kalaallit Nunaanni ilinniartitsinermik ilinniartitaanermillu ilisimatusarfik, inissisimapput. Ilinniartitsisoqatigiit 25-t missaanniipput ilinniartullu 160-it missaanniillutik.

Neqeroorutigaagut:

• Sullivik ineriartortuartoq, namminersorluni suleqatigiillunilu suliassanik naligiimmik aallutaqarnissamik anguniagalik

• Ilinniartitsivik eqeersimaartoq tunniusimasunik piumassusilinnillu sulisulik

• Ilisimatusarfik eqeersimaartoq sammisat perorsaanermullu tungaasigut inerisarnissamut periarfissaqarluartoq

• Ilinniartitsisunut nutaanut adjunktitut pædagogikummimik ingerlatsineq, sammisallu iluani ilisimatusarnernik angusaqarnissaq siunertaralugu ingerlatsinissamut piffissaqartitsisoq.

Suliassat:

• Ilinniartitsisunngornianik kiisalu ilinniartitsisunik pikkorissartunik ilinniaqqittunillu ilinniartitsineq.

• Atuartitsissutinik taakkualu didaktikkiinik ingerlaavartumik inerisaanerit.

• Ilinniartitsisunngorniarnerup digitalip silarsuanut inerisarnissaa.

• Ilinniartitsisunngorniarfimmi suleqatigiikkuutaat peqatigalugit sammisat akimorlugit suliani peqataanerit.

• Ilinniartitsisunngorniarfiup aamma ilinniartitsinerit ilinniaqqinnerillu inerisarnissaannut tunngasunik pilersaarusiornernik suleqataanerit.

• Allaffissornikkut suliassat, skeemaliornerit imaluunniit atorfissaqartitsinikkut ataqatigiissaarinermi suliassat allat

• Piginnaasanut naleqquttumik, ilaatigullu piginnaasat tunngavigalugit ilisimatusarneq.

Piginnaasat:

• Professionsfaglæreritut naleqquttumik bacheloritut ilinniagaqarputit

• Studieadjunktinut naleqquttumik kandidatitut ilinniagaqarputit

• Lektoritut naleqquttumik Ph.d.-tut ilinniagaqarputit

• Sammisami pineqartumi ilinniartitsinermik misilittagaqarputit

• Didaktikkimi piginnaasalittullu takunnissinnaaneq siunniullugit sulinermik misilittagaqarputit

• Nunani tamalaani ilisimatusaatinik nutaajunerusunik ilinniartitsisunngorniarnermut meeqqallu atuarfiinut tunngasunik ilisimasaqarputit

• Ilinniartitsinerni atortut digitaliusut atorsinnaavatit

• Alimasissumik atuartitsisinnaanermik misilittagaqarneq iluaqutaassaaq

• Sammisami piginnaasat, ilisimasat pisinnaasallu annersaannik isumaginnissinnaavutit

• Kalaallit Nunaanni meeqqat atuarfiat kiisalu Kalaallit Nunaanni aamma/imaluunniit Danmarkimi ilinniartitsisunngorniarneq ilisimasaqarfigilluarpatit, aammattaaq ilinniartitsisunngorniarnermi piviusumik sulinerup ilisimatoorpalaartumik ingerlannissaani teoriit sulisaatsillu imminnut ataqatigiinnerisa pingaaruteqarluinnarnerat ilisimaaraat

• Nunani tamalaani sammisani sammisallu didaktikkiini ilisimatusarnerit nutaajunerusut ilinniartitsisunngorniarnermut meeqqallu atuarfiinut tunngasut ilisimasaqarfigaatit.

Qinnuteqaat

• Studieadjunktitut atorfininnissamut qinnuteqaat, allaganngorlugu qinnuteqaatip saniatigut, ukuninnga imaqassaaq:

• Ilanngussaq 1: Curriculum Vitae

• Ilanngussaq 2: Soraarummeersimanernut uppernarsaatit

• Ilanngussaq 3: Inuit pingasut tikillugit oqaaseqaatinik aallerfiusinnaasut attaviginissaannut paasissutissanik tunniussineq

• Ilanngussaq 4: Saqqummersissimasat aamma/imaluunniit ilisimatuutut misissuilluni paasissutissiornermilu suliat kiisalu ilinniartitsisimanerit allattorsimaffiat

• Ilanngussaq 5: Ilaatigut saqqummersissimasat suliassaqarfimmut paasissutissiornermulluunniit tunngasut. Nalilersorneqarnissamut immikkut attuumassutilinnik qinnuteqartoq saqqummersissimasaminik amerlanerpaanik pingasunik toqqaasinnaavoq

Professionsfaglærer/Ilinniartitsisutut atorfik ukiunik sisamanik killileriikkamik sivisussuseqarpoq.

Professionsfaglærer/ilinniartitsisup atorfeqarnermini ukiut sisamassaat naatinnagu sammisamut naleqquttumik kandidatitut masteritulluunniit naammassisaqarsimassaaq. Tamatuma kingorna ilinniartitsisoq ilinniartitaanermut studieadjunktitut atorfinitsinneqassaaq isumaqatigiissutit inatsisillu atuuttut naapertorlugit sulisissarsiorluni allagarsiisoqareerneratigut.

Studielektorimik aamma studieadjunktimik naliliisarneq atorfinitsitsisarnerlu

Qinnuteqartut nalilerneqarnerat malittarisassat atuuttut naapertorlugit naliliisartunit ilisimasalinnit ingerlanneqartarpoq. Piffissap qinnuteqarfiusup naareernerani naliliisartut katiterinerannik qinnuteqartut ilisimatinneqassapput. Qinnuteqaatit takkussuuttut naliliisartoqatigiinnit misissorneqassapput, tamanna pereerpat taakkua instituttimi pisortamut innersuusiussallutik.

Studieadjunktitut atorfeqartitaanermut piffissaliussaq ukiunik arfinilinnik sivisussusiligaavoq ukiunik marlunnik sivitsorneqarnissaanut periarfissalik. Tamatuma kingorna studielektorip pitsaasumik nalileereernera tunngavigalugu studielektoritut atorfinitsivinneqarsinnaavoq.

Studielektoritut atorfinitsinneqarneq atorfinitsinneqannginnermi lektorip pitsaasumik naliliinera tunngavigalugu imaluunniit qinnuteqartoq piffimmi allami suliassaqarfiup iluani studielektorimit nalilerneqarsimaguni pisinnaavoq.

Adjunktitut atorfeqartitaaneq nalinginnaasumik ukiunik sisamanik sivisussuseqarpoq, tamatumalu kingorna suli ukiut marluk angullugit sivitsorneqarsinnaalluni. Tamatuma kingorna lektorip pitsaasumik naliliinera tunngavigalugu lektoritut atorfinitsivinneqarsinnaavoq.

Lektoritut atorfinitsitaaneq pisinnaavoq atorfininnissaq sioqqullugu naliliilluartoqarpat imaluunniit qinnuteqartoq piffimmi allami sammisami lektorimit nalilerneqarsimappat.

Qinnuteqaatit tiguneqartut tamarmik atorfinitsitsinermut ataatsimiititaliamit suliarineqassapput.

Adjunktitut, lektoritut, studieadjunktitut, studielektoritut imaluunniit ilinniartitsisunngorniarfimmi ilinniartitsisutut atorfimmut qinnuteqartut sorlermut qinnuteqarnertik ersarissumik allassavaat.

Attavissat/paasissutissat:

Atorfik pillugu paasisaqarnerorusukkuit Instituttip pisortaata Britta Lohmannip attaviginissaanut tikilluaqqusaavutit

oqarasuaammut uunga + 299 347392 e-mail: blo@uni.gl

Ilisimatusarfik pillugu paasisaqarnerorusukkuit ugguuna atuarnerusinnaavutit: www.uni.gl.

Qaammatini pingasuni misiliilluni atorfeqarneq

Uani atorfimmi qaammatini pingasuni misiliilluni atorfinitsitsisoqassaaq.

Ilisimatusarfik pillugu

Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut 13-upput, taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.

Ilisimatusarfik sisamanik instituteqarpoq:

• Ilinniartitsinermik Ilisimatusarfik

• Inuiaqatigiilerinermik, Aningaasaqarnermik Tusagassiornermillu Ilisimatusarfik

• Kulturimik, Oqaatsinik Oqaluttuarisaanermillu Ilisimatusarfik

• Peqqissaanermik Pinngortitamillu Ilisimatusarfik

Allaffissornikkut aqutsisoqatigiiffik pillugu

Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisuniik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.