Ilisimatusarfimmi Ilinniartunik Sullissivik Sulianik Ataqatigiissaarisumik/Immikkut ilisimasalittut Siunnersortimik pissarsiorpoq

Annerusumik akisussaaffeqalernissamik ilippanaatilimmut, sulisunut aqutsinermik akisussaaffeqanngikkaluarluni sulianik ataqatigiissaarinissamik suliallu akimorlugit piginnaasavit ineriartortinnissaannik kissaateqartumut atorfik ilinnut tulluartuuvoq.

Misilittakkavit ukiut pingasut ataassimappatigit Sulianik Ataqatigiissaarisutut atorfinitsinneqassaatit AC-fuldmægtigitut, ukiut pingasut sinnerlugit misilittagaqaruit Immikkut Siunnersortitut atorfinitsinneqassaatit. Akisussaaffeqarfigilissavatit Ilinniartunik Sullissivimmi suliami ilisimasalittut aqutsineq, suleqatit  pisortarlu suleqatigalugit ulluinnarni suliarineqartartut suliaqarfigissavatit. Ilinniartunut Sullissiviup  pisortaa qaninnertut pisortarissavat.

Aggustip aallaaqqaataat 2026 aallarnerfigalugu isumaqatigiissuteqarnikkulluunniit piaarnerpaamik atorfinitsitsisoqarsinnaavoq. Atorfik sapaatip akunneranut akunnerni 40-ini suliffiuvoq.

Ilinniartunik Sullissivik pillugu:
Ilisimatusarfimmi Ilinniartunut Sullissivik Allaffissornikkut Aqutsisoqarfiup ataaniippoq, ilinniartunut, ilinniartitsisunut, suleqatinut, innuttaasunut aamma suleqatigisartakkanut avataaneersunut inissisimaffia pingaaruteqartorujusssuuvoq. Suliaqarfiillu akimorlugit suleqataasarsinnaanissaq pisariaqarpoq. Eqimattakkaani assigiinngitsunik inuttalinni illit atuuffiit takusinnaasariaqarpat, siullertullu eqqumaffigissavat ilinniartut sallliutinneqartarmata, taakkulu pillugit maaniittugut -  maaniippugut ikiortissaminnik pisariaqartitsineranni sullisissallutigit.

Ilinniartunik Sullissivimmi sulisut aqqaneq marluuvugut Iiinniartunut 600-ut missaaniittunut, ilinniakkani aqqaneq marlunni ilinniartunut kiffartuussissalluta.

Suliassaaraatit makkua:

• Ulluinnarni ilinniartunik Sullissivimmi ingerlatsinermi suliaqarfimmi ilisimasalittut aqutsineq

• Ilinniartut ilinniarnerisa nalaani ilinniarnissaminnilli akuerineqarneranniit ilinniakkaminnik naammassinninnissaasa tungaanut allaffissornikkut aqutsineq ataqatigiissaanerinerlu

• Naammagittaalliutinik suliaqarneq ataqatigiissaarinerlu 

• Suliassaqarfinnik ineriartortitsineq allaffissornikkullu suliaqarneq

• Ilitsersuusianik suliaqarneq 

• Allaffissornikkut suliaqarneq aamma ilitsersuineq ilinniartut misilitsinnerisa nalaannni, ilinniagarnersiutinillu suliaqarneq,  ilinniartullu angalanissaat pillugit suliaqarneq  

• Suliat allat isumagalugit, allaffissornermi ingerlatsinermut ilitsersuinermullu tunngasut

• Ilinniartunut Sullissivimmi pisortaq tapersertassavat suliassatigut ineriartortitsinermi, inatsisinik nassuiaanermi, misissuinermilu il.il.

• Ilinniartunik Sullissivimmi  pisortap suliaqarfiini siunnersuisarneq

• Suliassanik takkussuuttunik assigiinngitsunik suliaqarneq

Ulluinnarni qarasaasiatigut atortorissaarutini atugaaraagut: Lectio, WISEflow, It-reg aamma Mit-perspektiv. Programminik amerlanernik ataatsimilluunniit atuisinnaanissaq iluaqutaassaaq piumasaqaataanngilarli.

Piginnaasat:

• Qaffasissumik ilinniagaqarsimaneq, inatsisilerinermi kandidatitut ilinniagaqarsimaneq, allatigulluunniit suliamut naleqquttumik kandidatitut ilinniaqarsimaneq

• Suliassanik ingerlatsinermik misilittagalik, ajornanngippat inatsisilerinerup tungaatigut aamma IT-iilerinermut tunngasutigut ilisimasaqarluarneq

• Ilitsoqqussaralugu kalaallisut oqalussinnaaneq, qallunaatut tuluttullu oqalussinnaaneq

• Atorfimmut assingusumik misilittagaqarneq iluaqutaassaaq 

• Systimitigut aaqqissuussaanikkut  piginnaasaqarluarneq

• Nammineersinnaassuseqarneq, aaqqissuussaasumik ilusilersukkamillu suleriuseqarneq 

• Suliassanut pitsaasumik pulalluarsinnaaneq

Atorfimmi inatsisitigut nassuiagassarpaaloqarlunilu inatsisitigullu suliassarpaaloqarpoq, taamaammat nammineersinnaanissat inatsisinullu tunngasunik paasisimasaqartuunissat aamma aalajangigassanik nammineerlutit aalajangiisarsinnaanissat piumasaqaataavoq.

Qinnuteqaat

Atorfimmut qinnuteqaat qinnuteqaasiap sanitigut makkua ilanngunneqarsimassapput:

Bilag 1:    Curriculum Vitae

Bilag 2:    Misilitsissimanermit uppernarsaatit

Bilag 3:    Inuit pingasut paasissutissanik aallerfigineqarsinnaasut pillugit paasissutissat

Attaveqarfigineqarsinnaasut/paasissutissanik aallerfissat

Atorfik pillugu sukumiisumik paasissutissanik aallernissamut attaveqarfigineqarsinnaavoq Rosa Lynge Lorentzen oqarasuaammut +299 347315-imut sianernikkut. Kalaallit Nunaanni Ilisimatusarfik pillugu paasissutissat amerlanerusut ugguuna www.unil.gl pissarsiariniarneqarsinnaapput.

Atorfinitsitsinerup ingerlanissaa

Qinnuteqaatit tamarmik atorfinitsitsisarnermut ataatsimiititaliamit suliarineqassapput.

Qaammatini pingasuni misiliilluni atorfeqarneq

Uani atorfimmi qaammatini pingasuni misiliilluni atorfinitsitsisoqassaaq.

Ilisimatusarfik pillugu

Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut 13-upput, taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.
 
Ilisimatusarfik sisamanik instituteqarpoq:

• Ilinniartitsinermik Ilisimatusarfik

• Inuiaqatigiilerinermik, Aningaasaqarnermik Tusagassiornermillu Ilisimatusarfik

• Kulturimik, Oqaatsinik Oqaluttuarisaanermillu Ilisimatusarfik

• Peqqissaanermik Pinngortitamillu Ilisimatusarfik

Allaffissornikkut aqutsisoqatigiiffik pillugu
Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilimmarfimmi immikkoortortaqarpoq. Immikkoortortat ilinniartitsivinni ingerlatsiviusunik qanimut suleqateqartarput soorlu namminneq akunnerminni aamma suleqatigiittartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit allaffissornikkut aqutsineq, Siulersuisunik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup illutaanik sanaartornermik nakkutiginninneq aamma ingerlataraa.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.