Ilisimatusarfimmi inatsisilerimermut immikkoortortaq inatsisilerinerup tamakkiisup iluani lektorinik, adjunktinik, studielektorinik aamma/imaluunniit studieadjunktinik pissarsiorpoq

Ilisimatusarfik Nuummiittoq inatsisilerinerup tamakkiiisup iluani lektorimik ataatsimik arlalinnilluunniit – qinnuteqartut kikkuuneri apeqqutaatillugit – adjunktinik, studielektorinik aamma/imaluunniit studieadjunktinik pissarsiorpoq. Atorfiit tamakkiisumik piffissalluunniit ilaani atorfiusinnaasut aggustip aallaqqaataani isumaqatigiissuteqarnerluunniit naapertorlugu inuttalernissaat kissaatigineqarpoq.

Inatsisilerinermut immikkoortortami inatsisilerinerup tamakkiisup iluani ilisimatusarnissamut periarfissaqarpoq Kalaallit Nunaanni, nunani tamalaani aamma/imaluunniit Issittumi inatsisilerinermut tunngasunik. Suliassaqarfiit assigiingitsut akornanni ilisimatusarnikkut suleqatigiinnermi misilittagaqarnissat iluaqutaassaaq piumasaqaataananili imaluunniit ilisimatusarfimmi ilisimatusarnermut ingerlatsivimmi suleqatigiinnermi peqataasinnaallutit, uani: https://da.uni.gl/forskning/

Inatsisilerinermik ilinniarnermut akisussaaffik inatsisilerinermut immikkoortortamiippoq. Taamaattumik sulisut immikkoortortami aallaaveqartut naatsorsuutigineqarpoq piorsaanermi allaffissornermilu suleqataassasut kiisalu ilinniartitaanermi ilinniartitsillutik. Bachelorinngorniartunut kandidatinngorniartunullu qaffasissuseqartumik ilinniartitsisoqassaaq, fagini nalinginnaasuni, nunatsinni nunanilu tamalaani inatsisilerinerup iluani.

Ilinniartinneqartussanut pingaartuuvoq ilinniartut Kalaallit Nunaanni inatsisilerinermik ilinniartinneqarnissaat nunami inatsisinik paasinninnermut tunngatillugu kiisalu inuiaqatigiinni kalaallini Issittumilu kiisalu nunani tamalaani fagini ilinniartitsisoqarluni.

Maannakkut ilinniartut 70 missaat inatsisilerinermik ilinniartitaanermi annertusiartortumi allatsissimapput. Ilisimatusarfimmi ilinniartitaaneq kalaallisut, danskisut tuluttullu ingerlanneqarsinnaavoq. Piumasaqaataavorli ukiut ikinnerusut iluanni danskisut kalaallisulluunniit ilinniartitserusussinnaanissat.

Tamakkiisumik ilaannakuusumilluunniit atorfeqartut naatsorsuutigissammassuk Ilisimatusarfimmi ilinniartunut ikiuisinnaanissartik suleqatigiinnilu peqataalluutik, naatsorsuutigineqarpoq Kalaallit Nunaanni najugaqarnissat imaluunniit najugaqarusullutit.

Piginnaasanut piumasaqaatit

• Lektorit adjunktillu: Ph.d.-tut qaffasissusilimmik inatsisilerinermik ilinniarsimaneq kiisalu qinnutigisamiittutut qaffasissusilimmik ilisimatusarnermik, ilinniartitsinermik saqqummersitsinermillu piginaasaqarnissaq.

• studielektori imaluunniit studieadjunkti: Inatsisilerinermik kandidatitut ilinniarsimanissaq.

Suliassat

Lektoritut adjunktitulluunniiit suliassatit annermik makkuupput:

• Inatsisilerinermut ilinniartitaanermi fagini ilinniarsimasannut soqutigisannulluunniit attuumassuseqartuni ilinniartitsinissaq.

• Ilinniartunik inatsisilerinermi bachelorinngorniarlutik imaluunniit kandidatinngorniarlutik ilinniartut ilitsersorlugillu soraarummeersinnissaat ilaannikkullu ilinniakkani allani bachelorinngorniartunik imaluunniit immikkut ilinniartunik.

• Immikkoortortami fagit kiisalu illit nammineq immikkut piginnaasaqarfivit iluani ilisimatusarneq saqqummersitsinerlu kiisalu ilisimatuussutsikkut ingerlatitseqqiineq. Pingaartinneqarpoq illit ilisimatusarnerit ingerlatitseqqiinerilllu Kalaallit Nunaannut aamma/imaluunniit Issittumut tunngatinneqartoq.

• Suleqatitit suleqatigalugit ilinniartitaanerup piorsaqqinnissaa.

• Ilisimatusarfimmi atorfeqartutut ilisimasatit inuiaqatigiinnit atorneqarsinnaassapput, soorlu pisariaqartillugu tusagassiuutinit apeqqutinik akisarneq.

• Suliamut tunngatillugu naliliinermi suliassat.

• Allaffissornikkut suliassani suleqataaneq suleqatigiillu suleqatigiinneranni peqataallutit.

Qinnuteqaat

Inatsisilerinermut immikkoortortami lektoritut adjunktitulluunniit, studielektoritut imaluunniit studieadjunktitut atorfininnissamut qinnuteqaat – qinnuteqaatip nammineq saniatigut allassimassalluni atorfik qinnutigineqartoq sorleq pineqarnersoq – imaattunik imaqassaaq:

Ilanngussaq 1: Curriculum Vitae

Ilanngussaq 2: Qaffasissumik ilinniarsimanermut uppernarsaatit.

Ilanngussaq 3: Inuit paasiniaavissatut allassimasut pingasut pillugit attaviginissaannut paasissutissat.

Ilanngussaq 4: Adjunktinut/lektorinut: Saqqummersinneqarsimasunut allattukkat tamakkiisut normulersorneqarsimasullu. Suliat ilanngullugit nassiunneqartut (kinguliani ilanngussaq 8 malillugu) *-mik nalunaaqutserneqarsimassapput

Ilanngussaq 5: Maannamut ilisimatusaataasimasut naatsumik nassuiarnerat, kiisalu siunissami ilisimatusaataasinnaasutut suliniutit suunersut.

Ilanngussaq 6: Ilinniartitsinermut allakkiat ilinniartitsinissamut piginnaasanut uppernarsaatitaqartut ilisimatusarfimmilu pædagogikumimut assigisaanullunniit, kiisalu ajornanngippat siusinnerusukkut siunissamilu nammineq ilinniartitsinermut isummersuutit

Ilanngussaq 7: Ilisimatusaatit saqqummersinneqarsimanerannut uppernarsaatit

Ilanngussaq 8: Saqqummersissimasat tallimat tungaannoortut kapitalitut imaluunniit allaaserisatut takissusillit.

Adjunktitut lektoritullu atorfimmut naliliineq atorfinitsitsinermilu suleriaaseq

Qinnuteqartut nalilerneqassapput naliliinissamut ataatsimiititaliamit suliamut tunngatillugu lisimasalinnik maleruagassat atuuttut naapertorlugit. Piffissap qinnuteqarfiusussap naanerani qinnuteqartut ilisimatinneqassapput naliliinissamut ataatsimiititaliaq qanoq inuttalerneqarsimanersoq. Ataatsimiititaliap qinnuteqaatit suliarissavai ilisimatusarnermilu aqutsisumut innersuussilluni, kingornalu qinnuteqartut oqaloqatiginissaannut aggersarlugit.

Studieadjunktimut aamma studielektorimut atorfinitsitsinissami suleriaaseq

Ilisimatusarnermi aqutsisoq immikkoortortaq suleqatigalugu atorfinitsitsinissamut ataatsimiititaliamik siunnersuisussamik pilersitsissaaq. Ataatsimiititaliap aqutsisoq ikiussavaa qinnuteqartut toqqakkat oqaloqatigiinnissamut aggersarnissaanni atorfinitsinneqartussanillu innersuussillutik, kingornalu qinnuteqartoq/qinnuteqartut oqaloqatigiinnissamut aggersarlugit.

Atorfinitsitsineq pillugu

Studieadjunktitut atorfeqartitaaneq ukiunik 6-nik sivisussuseqarpoq, tamatumalu kingorna suli ukiut marluk angullugit sivitsorneqarsinnaalluni. Kingornalu studielektoritut ajunngitsumik naliliivigineqarneq tunngavigalugu studielektoritut aalajangersimasumik atorfinitsitsisoqarsinnaavoq.

Studielektoritut atorfinitsitaaneq pisinnaavoq atorfininnissaq sioqqullugu naliliilluartoqarpat imaluunniit qinnuteqartoq piffimmi allami sammisami lektorimit nalilerneqarsimappat.

Adjunktitut atorfeqartitaaneq nalinginnaasumik ukiunik 4-nik sivisussuseqarpoq, tamatumalu kingorna suli ukiut marluk angullugit sivitsorneqarsinnaalluni. Tamatuma kingorna lektorip naliliinera tunngavigalugu lektoritut atorfittut aalajangersimasunngorlugu atorfinitsinneqarsinnaavoq.

Lektoritut atorfinitsitaaneq pisinnaavoq atorfininnissaq sioqqullugu naliliilluartoqarpat imaluunniit qinnuteqartoq piffimmi allami sammisami lektorimit nalilerneqarsimappat. 

Qaammatini pingasuni misiliilluni atorfeqarneq

Uani atorfimmi qaammatini pingasuni misiliilluni atorfinitsitsisoqassaaq.

Attavigisassat/ paasissutissat:

Atorfik pillugu sukumiinerusunik paasisaqarusukkuit, tikilluaqquneqarputit Inatsisilerinermut Professori, immikkoortortaqarfimmi pisortaq Hanne Marie Motzfeldt oqarasuaat +299 34 74 77 imaluunniit Prorektori, instituttip pisortaa, Annemette Nyborg Lauritsen oqarasuaat: +299 347360 attavigissallugu. Ilisimatusarfik pillugu paasisaqarnerorusukkuit uani paasisaqarnerusinnaavutit www.uni.gl

Ilisimatusarfik pillugu

Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut 13-upput, taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.

Ilisimatusarfik sisamanik instituteqarpoq:

• Ilinniartitsinermik Ilisimatusarfik

• Inuiaqatigiilerinermik, Aningaasaqarnermik Tusagassiornermillu Ilisimatusarfik

• Kulturimik, Oqaatsinik Oqaluttuarisaanermillu Ilisimatusarfik

• Peqqissaanermik Pinngortitamillu Ilisimatusarfik

Allaffissornikkut aqutsisoqatigiiffik pillugu

Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilimmarfimmi immikkoortortaqarpoq. Immikkoortortat ilinniartitsivinni ingerlatsiviusunik qanimut suleqateqartarput soorlu namminneq akunnerminni aamma suleqatigiittartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit allaffissornikkut aqutsineq, Siulersuisunik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup illutaanik sanaartornermik nakkutiginninneq aamma ingerlataraa.  

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.