Ilisimatusarfimmi Peqqissaanermut Immikkoortortaqarfimmut immikkoortortaqarfiup pisortaatut atuuffeqartussamik adjunkti lektoriluunniit

Ilisimatusarfimmi Peqqissaanermut Immikkoortortaqarfik immikkoortoqarfimmi pisortatut atuuffeqaatigaluni peqqissaanerup peqqinnissalluunniit iluani adjunktimik imaluunniit lektorimik pissarsiorpoq. Atorfinitsitaaneq ukiunik pingasunik killissaleriikkamik sivisussuseqassaaq, sivitsorneqarnissaanik periarfissaqartumik.

Sap. akunneranut akunnerit suliffiusartussat 40-pput. Atorfik 1.4.2026-mi isumaqatigiissuteqarnikkulluunniit inuttalerneqarnissaa kissaatigineqarpoq.

Immikkoortortaqarfik Peqqissaanermik Pinngortitamillu Ilisimatusarfiup ataaniippoq, taannalu allamik aamma immikkoortortaqarpoq:

• Uumassusilerinermi bachelorinngorniarfimmut SILA-mut immikkoortortaq

Peqqissaasutut bachelorinngorniarfimmik kiisalu napparsimasunik sullissinermi siunnersuinerup, aliasuuteqartunut siunnersuinerup fagillu ataasiakkaat iluanni ilinniaqqiffissanik immikkoortortaqarfik neqerooruteqarpoq.

Immikkoortortaqarfiup pisortaatut atuuffeqaatigalutit adjunktitut imaluunniit lektoritut suliatigut, pædagogikkikkut aaqqissugaanikkullu peqqissaasunngorniarfimmik ineriartortitsinermi qitiusutut atuuffeqassaatit. Suliatigut aqutsinermi suliassat bachelorinngorniarfimmilu aamma ilinniaqqiffinni ilinniartitsinerni suliassat tigussaasut akisussaaffigissavatit, tamatumunnga ilanngullugit pilersaarusiornerit, ilinniartitsinerit ilinniartitsinernillu nalilersuisarneq kiisalu ilinniartunik siunnersuisarneq.

Ilinniakkap ilisimatusaatinit ineriartortitsinermillu tunngaveqartup pitsaassusaata qulakkeerneqartarneranut ineriartorteqqinneqarneranullu aamma immikkoortortaqarfiup suliassaqarfigisaanik pædagogikkimillu nukittorsaanernut taperseeqataasassaatit. Suleqatit aamma suleqatigisat avataaneersut peqatigalugit, inuiaqatitsinni, peqqinnissaqarfimmi inuuniutillu iluanni pisariaqartinneqartut naapertorlugit, ilinniakkat naleqqussarneqartarneranik qulakkeerinneqataassaatit.

Ilinniakkami ilinniartut 45-t missaanniipput immikkoortortaqarfillu ph.d.-nngorniaqarpoq, marlunnik piffissaq tamakkerlugu sulisoqarpoq ullullu ilaannaani sulisartumik professoreqarlunilu tikeraatut ilinniartitsisoqarpoq, ikiortaasunik lektoreqarlunilu attuumassuteqartunik ilisimatusartoqarpoq. Immikkoortortaqarfimmi pisortassap, instituttimi pisortap suleqatigineratigut, piffissaq tamakkerlugu sulisunik ilinniartitsisussanik ilisimatusartussanillu atorfinitsitassarsiornikkut immikkoortortaqarfimmik ineriartortitseqataassaaq.

Immikkoortortaqarfimmi ilinniartitsinerit kalaallisut, qallunaatut tuluttullu ingerlanneqarsinnaapput. Inuiaat kalaallit kulturiallu pillugit paasisimasaqarnissaq aammattaaq pingaaruteqarpoq. Atorfininnerup nalaani Nuummi najugaqarnissaq atorfinitsinneqarnissamut piumasaqaataavoq.

Piginnaasassatut piumasaqaatit

• Peqqissaanermik peqqinnissamilluunniit ilisimatusaatit iluanni ph.d.-tut qaffasissusilimmik naleqquttumik ilinniarsimaneq.

• Adjunktitut lektoritulluunniit qaffasissusilimmik ilisimatusarnerup, ilinniartitsinerup paasissutissiortarnerullu iluanni piginnaasaqarneq.

• Peqqissaanermik peqqinnissamilluunniit ilisimatusaatit iluanni ilinniartitsinermik aamma/imaluunniit ilisimasanik paasissutissiortarnermik misilittagaqarneq.

• Instituttip qitiusumik suliassaqarfianut tunngasunik nunatsinni nunanilu tamalaani ilinniartitaanermut ilisimatusarnernullu tunngasunik paasisimasaqarluarneq.

• Misissueqqissaarsinnaanneq aaqqissuussilluarsinnaanerlu

• Ilisimatusarfimmi mikisumi, angusaqarluarniartumili, sulinissamut eqaassuseqarneq suleqataarusussuseqarnerlu

• Kalaallit, danskit tuluillu oqaasiinik piginnaasaqarneq iluaqutaassaaqaaq, soorluttaaq nunatsinni pissutsinik nunanilu tamalaani pisunik paasisimasaqarneq pingaartinneqartut.

• Kalaallit Nunaanni peqqissaasutut sulisinnaanermut akuersissuteqarneq iluaqutaassaaq.

Suliassat

• Suliatigut aqutsineq aamma immikkoortortaqarfimmik ulluinnarni aqutsineq, tamatumunnga ilanngullugit; skemaliorneq, faginik ataqatigiissaarineq, suliffimmik misiliissussanut atatillugu pilersaarusiorneq, soraarummeersitsisarnerlu, tikeraatut ilinniartitsisunik suleqateqarneq ilinniartitsinerannillu ataqatigiissaarineq, ilinniartitsinerup nalilersorneqarneranik malittarinnittarneq, ilinniartitsinermi soraarummeersitsinernilu suliassat pitsaassusaannik qulakkeerinninneq, ilinniakkamik immikkoortortaqarfimmillu ineriartortitsitseqqinneq, faginik paasisimasalinnik suleqateqarneq.

• Ilinniartut ineriartornerat pillugit oqaleqatigisarneri, ilinniartunik tapersersuineq siunnersuisarnerlu.

• Ilinniakkat aaqqissugaanerannik ineriartortitsineq taakkualu pitsaassusaannik qulakkeerinnittarneq.

• Peqqissaanermut peqqinnissamullu suliassaqarfiit iluanni ilinniakkani, illit sulisutut ilisarnaatinnut soqutigisannullu naleqquttuni, ilinniartitsineq.

• Ilinniartunik siunnersuineq soraarummeersitsisarnerlu.

• Immikkoortortaqarfiup suliassaqarfiini ilisimatusarneq kiisalu ilisimasanik saqqummersitsisarneq paasissutissiortarnerlu. Ilisimatusarnerit aamma paasissutissiortarnitit nunatsinnut Issittumullu attuumassuteqarnissaat pingaaruteqarpoq.

• Ilisimatusarfimmi sulisutut ilisimasatit inuiaqatigiinnut siammartertartussaavatit, ass. naleqqukkaangat tusagassiorfinnit apeqqutinut akissuteqartarnikkut.

• Suliatigut nalilersuinernik suliaqarneq.

• Allaffissornikkut suliassani suleqatillu suleqatigiinneranni suleqataaneq.

• Instituttimi immikkoortortaqarfimmi pisortanik allanik aamma ilinniartunik sullissivimmik suleqateqarnerit.

Uku neqeroorutigisinnaavagut

• Suliffimmi avatangiisit akuersaartut suleqateqallaqqissullu, suleqatillu allannguisinnaanerminnut piareersimasut

• Suliassanut sunniuteqarluarsinnaaneq namminersornerlu

• Suliatigut pædagogikkikkullu ineriartornissamut periarfissaq

• Ilisimatusarnissamut aamma suliatigut siunersiueqateqartarnissamut periarfissat

• Aqutsinerup iluani piginnaasavit ineriartortinnissaat

Qinnuteqaat

Qinnuteqaat, allaganngorlugu qinnuteqaatip saniatigut, ukuninnga imaqassaaq:

Ilanngussaq 1: Curriculum Vitae.

Ilanngussaq 2: Soraarummeersimanermut uppernarsaatit.

Ilanngussaq 3: Oqaaseqaatinik aallerfiusinnaasut inuit pingasut attaviginissaannut paasissutissat.

Ilanngussaq 4: Tamakkiisumik normulersukkamillu saqqummersissimasat allattorsimaffiat. Suliarisimasat nassiunneqartut (Ilanngussaq 8 ataaniittoq naleqq.) saqqummersissimasat allattorsimaffianni *-mik nalunaarsorneqassapput.

Ilanngussaq 5: Maannamut ilisimatusaatigisimasat naatsumik allaaserineri kiisalu siunissami ilisimatusaatiginiakkap(-kat) takussutissartaat.

Ilanngussaq 6: Ilinniartitsinermi piginnaasat (faginik pilersaarusiornerit, ilinniartitsinernik aaqqissuussinerit, ilinniartitsinermi atortut kiisalu ilaatigut eqqarsaatersuutit pædagogikummilu) takussutissartaat.

Ilanngussaq 7: Ilisimatusaatinik paasissutissiornernut takussutissiaq.

Ilanngussaq 8: Saqqummersissimasat pingasut tikillugit. Nalilersorneqarnissamut immikkut attuumassutilinnik qinnuteqartoq saqqummersissimasaminik amerlanerpaanik pingasunik toqqaasinnaavoq.

Qinnuteqartoq nassiussisimappat, Kalaallit Nunaanni sulisinnaatitaanissamut qinnuteqaat immersoriigaq aammattaaq kakkiunneqassaaq. Akuerisaanissamut qinnuteqaat immersugassaq nittartakkami nassaarineqarsinnaavoq.

Sulisinnaatitaaneq

Attavissaq/paasissutissat

Atorfik pillugu paasisaqarnerorusukkuit Instituttimi Pisortap Lone Nukaaraq Møllerip attaviginissaanut qinnuigineqarputit oqarasuaammut uunga +299 347417 aamma + 299 385600.

Nittartakkami www.uni.gl-mi ukua paasisaqarfiginerusinnaavatit:

• Ilisimatusarfik,

• peqqissaasunngorniarfik aamma Peqqissaanermut Ilisimatusarfik, Peqqinnissamullu Ilisimatusarfik

• Uumassusilerinermi Bachelorinngorniarfik SILA

Ilisimatusarfik pillugu

Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut 13-upput, taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.

Ilisimatusarfik sisamanik instituteqarpoq:

• Ilinniartitsinermik Ilisimatusarfik

• Inuiaqatigiilerinermik, Aningaasaqarnermik Tusagassiornermillu Ilisimatusarfik

• Kulturimik, Oqaatsinik Oqaluttuarisaanermillu Ilisimatusarfik

• Peqqissaanermik Pinngortitamillu Ilisimatusarfik

Allaffissornikkut aqutsisoqatigiiffik pillugu

Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisuniik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qaammatini pingasuni misiliilluni atorfeqarneq

Uani atorfimmi qaammatini pingasuni misiliilluni atorfinitsitsisoqassaaq.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.