Ilisimatusarfiup Nunanut Allanut Sillimaniarnermullu Ilisimatusarfianut – Nasiffimmut – ph.d.-tut ilinniartoq

Suliniummut uunga atatillugu ph.d.-tut ilinniartussarsiorneq: "Greenland's Alliance Dilemma Amidst Great Power Struggles - A Comparison with Arctic and Non-Arctic States and Regions” (GRASP)

Kalaallit Nunaata aningaasaqarnikkut anguniagaata kiisalu naalagaaffiit pissaanilissuit Issittumi pissaaneqarniunnerisa nalaanni sillimaniarnikkut pisariaqartitaata sunniivigeqatigiittarnerat suliniummi misissuivigineqarput. Kalaallit Nunaata pissaanilissuarnik soorlu USA-mik, Ruslandimik Kinamillu attaveqateqarnermini aqqutissarsiorneranut atatillugu aningaasaqarnikkut sillimaniarnikkullu soqutigisat assigiinngissusaat peqqutaallutik iligiit akunnattoorfeqarnerat suliniummi misissorneqarpoq. Sammisanik arlalinnik taakkuninnga sammisaqarnermi Issittumi aamma Issittup avataani naalagaaffiit Kalaallit Nunaanni anguniagaat nunanik tamalaanik attaveqateqarnerup aamma aningaasaqarnermik politikkikkut aqutsinerup suliassaqarfiinut tunngasut misissorneqassapput. Kalaallit Nunaata nutaanik unammillernartitaqalernera eqqarsaatigissagaanni suliniut una naleqqulluinnarpoq, aammattaarli siornaniilli maannamut inissisimaffimmut iligiit akunnattoorfeqarnerisa pileriartornerat oqaluttuarisaanikkut sammivilerneqarnissaa soqutigaarput.

Ph.d.-nngorniamik suliniutiminik sammisamut pingaarnermut atassusiisinnaasumik ujaasivugut. Naak piumasaqaataanngikkaluartoq, nunat tamalaat akornanni aningaasaqarnermut politikkimut, nunanik tamalaanik attaveqateqarnerup, politikkinik sanillersuussinerit imaluunniit oqaluttuarisaanikkut ineriartornerup suliassaqarfiannik suliniutitsinni, pingaarnertut sammisamut ilisimatusartumik ph.d.-nngorniartumik pissarsiorpugut. Politikkimi ilisimatusaatinik imaluunniit aningaasaqarnerup iluani sammivinneersut allat aamma ammaffigaagut. Teoriit, periutsit filosofiillu eqqarsaatigalugit ph.d.-nngorniap nammineq toqqakkani aallaavigalugit suliniut aallutissavaa. Ukiuni pingasuni tapiiffigitinnikkut ilisimatusarneq una 2026-mi upernaakkut imaluunniit kingusinnerpaamik 2026-mi ukiakkut aallartinneqarnissaa naatsorsuutigineqarpoq. Ph.d.-nngorniap ph.d.-tut suliniummik ingerlassinermini Kalaallit Nunaanni Nuummi najugaqarnissaa piumasaqaatigineqarpoq. Semesterimi ataatsimi nunami allami ph.d.-nngorniarniarfimmi tikeraatut ilinniarnissaq naatsorsuutigineqarportaaq.

Nunanut Allanut Sillimaniarnermullu Ilisimatusarfik – Nasiffik – Ilisimatusarfimmi Inuiaqatigiilerinermik, Aningaasaqarnermik Tusagassiornermillu Ilisimatusarfiup ataani inissisimasoq ilisimatusarnermik ingerlatsiviuvoq annikitsoq. Taamaakkaluartoq ilisimatusarnermik ingerlatsivipput alliartorpoq, ullumikkullu inunnik arfinilinnik sulisoqarpugut. Siammasissusilimmik nunanut allanut sillimaniarnermullu politikkit sammisaraavut, suliniullu qulaani taaneqartoq tamatumunnga aamma ilaavoq. Suliniummi ilisimatusaqatigiit tassaapput ilisimatusartuunerit ilisimatusarnernillu ingerlatsilerlaat nunatsinneersut, Danmarkimeersut Savalimmiuneersullu .

Suliassat:

• Namminersorluni ph.d.-mik allanneq, tamatumani suliniummi suleqatigiinnit suliamik aqutsisoqarluni aqutsisoqaqatigiinnillu siunnersorneqarluni.

• Ph.d.-nngornianut fagini 30 ECTS-inik nalilinni peqataaneq

• Ilinniartitsineq aamma ilisimatusarneq pillugu paasissutissiornerit allat

• Nasiffiup ingerlassaani aamma Ilisimatusarfimmi ilisimatusarnernik ingerlassani allani peqataasarneq

• Nunami allami ilisimatusarnermik ingerlatsivimmik ilisimatusarnernik avitseqateqartarneq

Piginnaasassat:

• Suliassaqarfimmi naleqquttumi kandidatitut ilinniarsimaneq

• Kalaallit Nunaat aamma/imaluunniit Issittoq pillugit ilisimasaqarneq

• Nunanut allanut sillimaniarnermullu politikkit pillugit ilisimasaqarneq

• Inunnik attaveqateqarluarsinnaaneq

• Oqaatsinik piginnaasaqarluarneq. Ilisimatusarnerup iluani tuluit oqaasii qaffasissumik piginnaasaqarfigineqassapput. Qinnuteqartoq danskit Skandinaviamiulluunniit aamma/imaluunniit kalaallit oqaasii piginnaasaqarfigippagit aamma iluaqutaassaaq, tamannali piumasaqaataanngilaq.

• Ilisimatusarfimmi Ph.d.-nngorniarfimmut akuerisaanissamut piumasaqaatinik eqquutsitsineq (takuuk https://da.uni.gl/media/bg2pm1ap/phd-retningslinjer-220120.pdf )

Qinnuteqaat:

Qinnuteqaat ukuninnga imaqassaaq:

• Allaganngorlugu/kajumissaarummik qinnuteqaat

• CV

• Soraarummeersimanermut uppernarsaatit (bacheloritut kandidatitullu)

• Ilisimatusaatiginiakkap takussutissartaa (annerpaamik qupp. 5-t, suliniutip piffissaata nalunaarsornera ilanngullugu)

• Aningaasatigut missingersuut

• Saqqummersissimasat imaluunniit ilisimatusarnermi paasissutissiarisimasat allat naleqquttut takussutissartaat

Attavissat/paasissutissat:

Suliniut pillugu apeqqutissaqaruit taava attavigisinnaavatit

• Nasiffimmi aqutsisoq Rasmus Leander Nielsen e-mailimut: raln@uni.gl oqarasuaammulluunniit: +299 34 73 26 (allaffik) imaluunniit

• prorektori/instituttimi pisortaq Annemette Nyborg Lauritsen e-mailimut: anla@uni.gl oqarasuaammulluunniit: +299-34 73 60 (allaffik).

Ilisimatusarfik pillugu paasisaqarnerorusukkuit nittartagarput alakkarsinnaavat, www.uni.gl

Atorfinitsitsineq pillugu:

Ukiunik pingasunik killilikkamik piffissaleriigaq ph.d.-nngorniatut atorfik pineqarpoq

Atorfinitsitsineq

Ilisimatusarfimmi pisortaq atorfinitsitsinermut ataatsimiititalinik siunnersuisussanik pilersitsissapput immikkoortortaq suleqatigalugu. Ataatsimiititaliat qinnuteqartunik oqaloqatigineqartussanik toqqaanermi atorfinitsitassamillu innersuussinermi aqutsisunik ikiuissapput

Ilisimatusarfik pillugu

Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut 13-upput, taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.

Ilisimatusarfik sisamanik instituteqarpoq:

• Ilinniartitsinermik Ilisimatusarfik

• Inuiaqatigiilerinermik, Aningaasaqarnermik Tusagassiornermillu Ilisimatusarfik

• Kulturimik, Oqaatsinik Oqaluttuarisaanermillu Ilisimatusarfik

• Peqqissaanermik Pinngortitamillu Ilisimatusarfik

Allaffissornikkut aqutsisoqatigiiffik pillugu

Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisuniik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa. 

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.