Illuliornermik paasisimasalimmik

KNI Sisimiuni Kiffartuussivimmi sanaartukkanut illuutinullu immikkoortoqarfia sulisussamik torersuutitsinissamik pingaartitsisumik, misilittagaqarluartumik pikkorissumillu piaartumik imaluunniit isumaqatigiissuteqarnikkut sulilersussamik pissarsiorpoq.

Illuutinut sanaartukkanullu immikkoortoqarfitsinni suleqatissarsiorpugut, ilaatigut immikkoortoqarfimmi sanaartukkat arlariiaat sanaartortitsisuunitsinni siunnersortigut qanimut peqatigalugit pilersaarusiortarpagut aqullugillu. Ullut tamaasa aaqqipallattarialinnik pinartunik suliassaqartuaannarpugut. KNI-p iluani suleriutsit tamatigoortuunissamik persuarsiornanngitsumillu suliaqarfiusutut piumasaqaatitallit atorneqarput. Suliassarpassuit suliarineqarnissaat tamanit akisussaaffigineqarpoq, taamaattumik suleqatiginnissinnaanerit, aaqqissuussilluarsinnaanerit, torersuutitsinissat akisussaassuseqarnissallu piumasaqaataavoq. 

Illuutinut sanaartukkanullu immikkoortoqarfiup qitiusumik Kiffartuussivik sumiiffinnilu KNI-p suliaqarfii illoqarfiit inoqarfiillu tamaasa sullippai. 

Illuliornermik paasisimasallip illuutinut sanaartukkanullu pisortaq qaninnertut pisortarissavaa. 

Illuliornermi paasisimasalittut pingaarnertut suliassatit makkuussapput: 

• Illuutit innaallagisserinerlu pillugit allaffimmiit ikiuunneq 

• Atortut/kiassaatit/kissarsuutit/qaliat ussiitsut allallu ajortinnerini piaartumik suliaqarneq, sanaartugalerisunullu attaveqarneq 

• Atorfimmut tunngatillugu angalangaatsiartarnissaq naatsorsuutigineqassaaq 

• Ukiumut aningaasartuutissatut missingersuummi pingaarnersiuinissami immikkoortoqarfinnik allanik suleqateqarneq 

• Qitiusumik Kiffartuussivimmi ulluinnarni suliassat 

• Aningaasartuutissatut missingiussat iluini aningaasaliissutissanik akuersisarnerit 

• Nalinginnaasumik aserfallatsaaliineq, aningaasartuutissatut missingersuummik akisussaasuuneq ilanngullugu 

• Suliassat ikorfartuutaasussat (illuutilerineq) 

• Inatsisinik/nalunaarutinik atuuttunik allanillu malitsitsinissamik akisussaaneq 

• Sanaartukkanut tunngatillugu aqutsineq – siunnersortinut sanaartugalerisunullu attaveqarneq

Atorfik makkuninnga ilisimasalimmik inuttalerusupparput: 

• Illuliornerup innaallagisserinerillu iluani konstruktørtut allamilluunniit naleqquttumik ilinniagalik 

• Sanaartukkanik aqutsinermik sanaartugassanillu suliniuteqarnermi naleqquttumik misilittagalik Kalaallit Nunaanni sanaartukkanik misilittagaqarneq iluaqutaassaaq 

• Sanaartornermi suliaqarnermi aningaasanik aqutsinissamik ilisimasaqartoq 

• Suleqateqallaqqissoq suliffeqarfimmilu tamanik suleqateqarsinnaasoq

• IT-mik nalinginnaasumik atuisinnaalluartoq 

• Titartaanermi programminik ilisimasalik, soorlu AutoCAD 

• Nammineersinnaalluartoq akisussaassusilillu 

• Nakkutilliinermik suliaqarnermik misilittagalik 

• Oqaatsit - kalaallisut, qallunaatut atuisinnaaneq, kalaallit oqaasiinik kultooriannillu ilisimasaqarneq iluaqutaassaaq 

Atorfinittussamut neqeroorutigaagut: 

• Suliffik soqutiginartoq suliassallu assigiinngiiaaqisut 

• Sineriak tamakkerlugu suleqatit pitsaasut 

• Piginnaasat naapertorlugit isumaqatigiissuteqarnikkut akissaateqartitaaneq 

• Atorfinitsinneqartumut Sisimiut avataaneersumut inissaqartitsisoqarsinnaavoq, tassungalu qularnaveeqqut, ineqarnermut akiliut, atuineq il. il. akilerneqartassapput inatsisit malillugit 

• Atorfininnermi nuunnermi angalanermi, kiisalu pequtit angallannerannut akiliunneqarneq

Atorfimmut soqutiginnikkuit paasisaqarnerorusukkuillu illuutinut sanaartornermullu pisortaq Nuka Kristiansen attavigineqarsinnaavoq oqarasuaammut: 86 24 67 mobil: 56 28 02, imaluunniit mail-ikkut: npk@kni.gl.

Qinnuteqaat

Qinnuteqaat sukumiisoq tunngavilersugaq pineqaatissiisarneq pillugu allagartaq, ilinniarsimanermut siusinnerusukkullu sulisimanermut allattukkanik imalik (CV), oqaaseqaatit aammalu sulisitsisorisimasavit attaveqarfiginissaanut paasissutissaq, tigoreersimassavarput kingusinnerpaamik ulloq 23. november 2025.

Qinnuteqaat uunga nassiunneqassaaq:

KNI A/S

Sulisoqarnermut immikkoortortaqarfik

Postboks 319

3911 Sisimiut

E-mail: jobs@kni.gl

Kalaallit Nunaanni inuiaqatigiinni sukkasoorujussuarmik ineriartorneqarpoq, aammalumi KNI-mi taamaappoq. Tassanimi inuuniarnermi pinngitsoorneqarsinnaanngitsunik pilersuineq aqqutigalugu nuna siammasissorujussuaq ataatsimoortinneqarpoq.

Kiffartuussivik Sisimiuniippoq, Kalaallit Nunaanni illoqarfiit annersaata tulliani, Qaasuitsup Killeqarfianut qanittumi. Kalaallillu Nunaat tamakkerlugu 900-it eqqaasiorlugit amerlassusilinnik sulisoqarpugut, ukiumullu 2,5 mia. kr.-it pallillugit kaaviiaartittarlutigit.

Suliffeqarfissuarmik paasisimanninneq aamma tassaavoq Kalaallit Nunaata oqaluttuassartaanik, inuiaqatigiit aaqqissuussaanerannik ineriartornerannillu paasisimasaqarneq. Silarsuarmut akisussaaffilimmut unammilligassanillu qaangerniagassalimmut tikilluarit. KNI-p silarsuaanut tikilluarit.