Fakta
Atorfiup suussusaa: Imarsiornermut tunngasunut Nakkutilliisoq
Suliffeqarfik: Royal Arctic Line
Qinnuteqarfissamut killigititaq: Apriilip 30-ani
Attavissaq: Simon Borgert Olesen saaffigisinnaavat mailikkut: sibo@ral.gl imaluunniit oqarasuaatikkut: +299238700
Suliffeqarfimmi qitiusumik inissisimallutit amerlasuunullu attaveqarlutit imarsiornermut tunngasunik ingerlatsinermik suliaqarusuppit? Taamaappat Nuummi Umiarsuarnik ingerlatsivitsinnut imarsiornermut tunngasunut nakkutilliisumik suleqatissarsiorpugut.
Atorfik pillugu
Teknikkeqarnermut Nakkutilliisup ataani inissisimallutit Nuummi Aalborgimilu suleqatit allat peqatigalugit umiarsuaatileqatigiiffiup umiarsuaataanut immikkoortortaanullu allanut ingerlatsinermut tunngasunik isumaginnittuussaatit.
Suliassat
Suliassatit tassaanerussapput imarsiornermut tunngasunik nakkutilliinerit aammalu umiarsuaatileqatigiiffiup umiarsuaataanik, prammiinik immikkoortortaanillu allanik ingerlatsinikkut aserfallatsaaliuinikkullu suliassat.
Imarsiornermut tunngasut malittarisassallu
- Imarsiornermi malittarisassat, tassunga ilanngullugit SOLAS, STCW, Polarkodi, BWC, MARPOL, ISPS aamma ISM, kiisalu umiarsuaatileqatigiiffiup DP-CSO-anut tapersersuineq
- Imarsiornermut tunngasunik saqqummersitat immallu assinginik pisartagaqarnerit akisussaaffigineri
Ingerlatsineq aserfallatsaaliuinerlu
- Umiarsuarni isumannaallisaanermik sulinermilu avatangiisinik malinnaatitsineq ingerlaavartumillu malitseqartitsisarneq
- Amutsivimmiinnissamut pilersaarutinik suliaqarneq aamma Aalborgimi suleqatit suleqatigalugit nunatsinni nunanilu allani amutsivimmiinnissanik suliaqarneq
- Ersuutit kivitsinissamullu atortut allat
IT aamma atortorissaarutit
- Umiarsuit attaveqaqatigiinnermut systemiinut akisussaasuuneq, tassunga ilanngullugit atortorissaarutit pisartakkallu, aammalu umiarsuaatileqatigiiffiup IT-mik pilersuisuanut attaveqataaneq
Allaffissorneq ataqatigiissaarinerlu
- Pisartakkanik imarsiornermilu atortorissaarutinik pisiortorneq aammalu umiarsuarnik ingerlatsiviup Nuummi toqqorsiviata nakkutiginissaa
- Missingersuusiorneq, naatsorsuutinut malitseqartitsineq aammalu nalunaarusiorneq uppernarsaasiornerlu
- Umiarsuit ingerlanneqarnerinut tunngatillugu immikkoortortaqarfinnik allanik ikiuisarneq suleqateqarnerlu
- Biilimik angallassinerit, upalungaarsimanermi suleqataaneq suliassallu tamalaat
Suliatigut piginnaasat
- Imarsiornermik ilinniagaqarneq, umiarsuup naalagaatut, dual officeritut assigisaanilluunniit, kissaatiginarporlu umiartorsimanissaq
- Umiarsuaateqarnermik suliaqarfiup ilisimasaqarfiginera, tassunga ilanngullugit umiarsuarnut teknikkimut tunngasunik malittarisassat inatsisillu atuuttut allaffissornermullu tunngasut
- IT-mut ilisimasaqarluarneq, tassunga ilanngullugit Office-pakken, Sertica aamma SeaHealth
Inuttut piginnaasat
- Aaqqissuulluakkamik, akisussaassusilimmik ataqqinnittumillu suleriaaseqarputit
- Umiarsuaatileqatigiiffiup naleqartitaanut isumaanullu naapertuuttumik sulerusussuseqartuuvutit
- Sulinermi avatangiisini ilaanneeriarluni ulapiffiusartuni sulineq nuannarivat suleqatigiilluarnissamillu pingaartitsillutit – umiarsuarmi nunamilu
- Piumassuseqarluarputit qiimasuullutillu
- Danskisut tuluttullu allassinnaallutillu oqalussinnaavutit – kalaallisoorsinnaaguillu aamma qujanassaaq
Neqeroorutigaagut
- Piffissat suliffiusut eqaatsut aamma suliffiup sunngiffiullu oqimaaqatigiilluarnissaannik ukkataqarneq
- Suliffeqarfik pitsaasoq sulinermi avatangiisigissaartoq suleqatillu aallussilluartut
- Aaqqissuussaanermi aqutsinermik, ineriartortitsinermik sulisunillu pikkorissanissamik pingaartitsisumi unammilligassat pissanganartut
- Akissarsiat atugassarititaasullu piginnaasannut naapertuuttut
- Angalasoqartarnissaa naatsorsuutigineqassaaq
- Atorfininnermi atorfeqarunnaarnermilu angalanermut akiliussisoqassaaq (ilaqutariit ilanngullugit) pigisat nassiunneri ilanngullugit, malittarisassat atuuttut malillugit.
Atorfik pillugu paasisaqarnerorusukkuit Imarsiornermut tunngasunut Nakkutilliisoq Simon Borgert Olesen saaffigisinnaavat mailikkut: sibo@ral.gl imaluunniit oqarasuaatikkut: +299238700
Atorfininneq: Isumaqatigiissuteqarnikkut
Qinnuteqarfissaq kingulleq: Apriilip 30-ani 2026
Qinnuteqaatit: Ingerlaavartumik suliarinnittoqassaaq
Oqaloqatiginninnerit: Ingerlaavartumik oqaloqatiginnittoqartassaaq
