Immikkoortortami pilersinneqaqqammersumi Inatsiseqarnermut Malitsitsinermullu pisortaq

Kommune Kujalleq Inatsiseqarnermut Malitsitsinermullu Immikkoortortami aqutsisussarsiorpoq.

Kommunip anguniagai takorluugaalu nukittorsarniarlugit malitsinermut inatsiseqarnermullu tunuliaqutagissaartumik aqutsisussarsiorpugut. Suliffik tamatigoortuuvoq, unammillernarsinnaalluni annertuumillu akisussaaffeqarfiulluni.

Kommune Kujalleq pillugu

Kammunimi anguniagaraarput kommune piujuartitsiviusoq atugarissaarfiusorlu kiisalu innuttaasunik pitsaanerpaamik sullissiviusoq.

Kommune Kujalleq Nunatsinni kommunit kujallersaraat, alianaatsorsuarnik avatangiisilik, pinngortitaq qaamanerlu alutornaqisoq kiisalu qilak imarlu ataqatigiittarput.

Kujataani pinngortitaq inuuffigineqarneq ajorpoq, inooqatigineqartarpoq, sumiikkaluaruit, ukioq qanoq iligaluarpat qanorlu ilioraluaruit apeqqutaanani.

Kalaallit Nunaanni kommunit kujallersaat Kommune Kujalleq pingasunik illoqarfeqarpoq, aqqanilinnik nunaqarfeqarnermi saniatigut sumiiffinni assigiinngitsuni nunalerinermik ingerlatsiviulluni uumasuuteqarfiusoq. Kommune 6200 missaannik inoqarpoq.

Inatsiseqarnermut Malitsitsinermullu Immikkoortortaqarfik

Immikkoortortaq marluinnik immikkoortortaqarpoq, tassa malitsitsinermut inatsiseqarnermullu.

Immikkoortortaq ineriartortinneqassaaq, taavalu Kommune Kujalliup inatsisit malittarisassallu malillugit ingerlanneqarnissaa ajunngitsumillu avammut saqqummertarnissaa kiisalu kommunip innuttaanik pitsaanerpaamik sullissinissaa qularnaarniarlugu pingaarutilimmik inissisimassalluni. Kommunimi malitsitsinermut tunngasut arlallit pillugit paasiniaasassaatit, naliliiffigalugit, siunnersuillutit nalunaarusiortarlutillu.

Immikkoortortap siunissami suliassanik naammassisinnaassagunigit qassiinik sulisoqartariaqarnissaa naatsorsuutigineqarpoq.

Atorfik pillugu

Inatsiseqarnermut Malitsitsinermullu Immikkoortortami pisortap Kommunip pisortaanera qullersarissavaa.

Inatsiseqarnermut Malitsitsinermullu Immikkoortortami pisortatut makku akisussaaffigissavatit:

Malitsinermut tunngasut,

· Kommunimi suliassat qulaajarneqarnissaanut immikkoortortamik ineriartortitsineq

· Aqutsisunik nakkutilliinermut atatillugu pisortaanernik pisortaqatigiinnillu siunnersuineq

· Malitsinermut pilersaarummik suliaqarneq taassuminngalu naleqqussaasarneq

· Malitsitsinerup qanoq ingerlaneranik misissuinerit kiisalu nalunaarusiortarnerit, taakkuninngalu malitseqartitsinerit

· Kommunimi suleriaasissiornerit maleruagassiornerillu

Inatsiseqarnermut tunngasortaa,

· Inatsisit allannguuteqartillugit il.il. kommunimut sunniutaasussanik nalilersuinerit

· ingerlatsinermi inatsisit pillugit kommunimi ingerlatsivinnut tamanut ikiuisarneq ilitsersuinerlu,

Kommunimut inatsisit, soorlu kommunimut piginnaatitsissut, avatangiisit sanaartornerlu pillugit inatsisit, isumaginninnermut inatsisit, soorlu meeqqanut inuusuttuaqqanullu inatsisit kiisalu inatsisit atuarfeqarnermut atuartitsinermullu tunngasut kiisalu inatsisit attuumassuteqarsinnaasut allat.

Ilinnut tunngasut

Illit suleqatissatsitut:

· cand.jur.-itut ilinniarsimassaatit ajornanngippat aningaasaqarnermut saniatigut ilinniagaqarsimassallutit,

· ingerlatsinermi inatsimmik ilisimasaqarneq misilittagaqarnerlu,

· suliffeqarfimmi politikikkut aqunneqartumik misilittagaqarluartutit,

· malitsitsinermut tunngasunik suliaqarnermik misilittagaqarneq,

· uppernarsakkamik aqutsisutut misilittagaqartutit,

· suleqatiginnissinnaassuseqartoq, inoqatit naligalugit ataqqillugillu naapissinnaallugit

· tamakkiisumik takunnissinnaalluni ataatsikkut arlalinnik suliaqarsinnaasoq

· oqalulluni allattarissatigullu oqaasertaliornermut piginnaasaqarluartoq

Kalaallit Nunaanni inuiaqatigiinni pissutsinik ilisimasalik aamma kalaallisut oqalussinnaaneq iluaqutaassaqaaq, piumasaqaataananili

Neqeroorutigivagut:

Suliffik unammilligassaqarfiusoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut.

Akissaatit atorfininnermilu atugassarititaasut:

Atorfik ukiunut aalajangersimasuni atorfittut inuttalerneqarsinnaavoq Pisortanut ataatsimut isumaqatigiissut 12. juni 2025-imeersoq naapertorlugu.

Piffissaq suliffiusoq nalinginnaasumik sapaatit akunnernik 40-inik sivisussuseqarpoq, annerpaaffeqaranilu.

Atorfininnermi soraarnermilu akiliunneqarluni angalaneq pisattallu angallanneqarnerat Ilinniagartuut isumaqatigiissutaat september 2024-imeersoq naapertorlugu aalajangersarneqassapput.

Inissaq:

Atorfimmut atatillugu inissaqartitsisoqarpoq, taamaattumik qularnaveeqqummut ineqarnermullu, atuinermut il. il. akiliisoqartassaaq, matumanilu Kalaallit Nunaanni Namminersorlutik Oqartussat kommunillu Kalaallit Nunaanni illuutaannut tunngatillugu ineqarnermut akiliuteqartarnermut maleruaqqusat naapertorlugit akiliisarneq pisassalluni. Atorfininnerup kinguninngua sulinermut atatillugu inissamik innersuussisoqarsinnaanngippat utaqqiisaasumik inissiamik neqeroortoqassaaq, qulaanilu taaneqartut naapertorlugit inimut, atuinermut il il akiliisoqartassalluni. 

Pinerluuteqarsimannginnermut uppernarsaat:

Atorfininnissamut isumaqatigiissusiortoqarsinnaavoq aatsaat kommune pinerluuteqarsimannginnermut uppernarsaammik pissarsereerpat.

Atorfinissinnaasunik oqaloqatiginninnerit qinnuteqartoqaraangat ingerlanneqartassapput, taamaammat piaarnerpaamik qinnuteqaqqullugit kaammattussavatsigit.

Paasissutissat sukumiinerusut pissarsiarineqarsinnaapput aningaasaqarnermut pisortaq Arne Andersen arnd@kujalleq.gl atorlugu saaffigalugu

Qinnuteqaat

Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit kingusinnerpaamik decembarip ulluisa qulinga 2025 nittartagarput aqqutigalugu kommunimit tiguneqareersimassapput.

MALUGIUK: 

Qinnuteqaatit pappilissatigut e-mailikkulluunniit tiguneq ajorpagut, qinnuteqaatit PDF-fil-inngorlugu nittartagaq aqqutigalugu nassiunniunneqassapput..

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”

Qinnuteqaat nassiuguk