Immikkut siunnersortit marluk misissueqqissaallaqqissut allattariarsornikkullu piginnaasaqarluartut

Meeqqanut Ilaqutariinnullu Ingerlatsivik

Politikkip, misissueqqissaarinerup sulinerullu killiisa akornanni sulerusuppit – meeqqanut ilaqutariinnullu suliassaqarfimmi periusissiugaasumik anguniakkat aalajangersimasumik iliuuseqarfigeqataarusuppigit?

Meeqqanut Ilaqutariinnullu Ingerlatsivimmi stabi immikkut siunnersortinik marlunnik, misissueqqissaarinermut piginnaasaqarluartumik pingaartumillu allattariarsornermik, suliniutinik suliaqarnermik ineriartortitsinermilu sulianik ukkassisussanik pissarsiorpoq. Atorfinitsitaanissaq isumaqatigiissuteqarnikkut pissaaq.

Immikkut siunnersortitut aalajangiinissamut tunngavissanik pitsanngorsaanermi pingaarutilittut atuuffeqassaatit, ineriartortitsinermut suliniutinik ingerlatsissaatit aamma ingerlatsivimmit allakkatigut suliat qaffasissumik pitsaassuseqarnissaannik qulakkeerinnissaatit. Politikkikkut aqunneqartumik sulisinnaasassaatit, ulapaarfiusinnaasumi aamma suliat periusissiugaasumik misissueqqissaarnermiit suliamik ingerlatsinermi tapertaanermut imaqartarput. 

Atorfiit Meeqqanut Ilaqutariinnullu politikkimik piviusunngortitsiniarnissamut iluaqutaassapput, tassuuna ukkatarineqarpoq siusissukkut iliuuseqartarneq, suliassaqarfiit assigiinngitsut akornanni suleqatigiinneq aamma ikorfartuinermi pitsaassusissaq.

Atorfiit pillugit:

Stabimut ilanngutissaatit aamma ingerlatsivimmi ineriartortitsinermi, aqutsinermi ilisimasassanillu toqqammaviliinissamut suliassanut akisussaaffeqassaatit. Atorfinni taakkunani marluusuni ataatsimut isigalugu ataani allassimasut suliarineqassapput aamma piginnaasat misilittakkallu aallaavigalugit suliassat naleqqussarneqarnissaannut periarfissaqassaaq.

Suliassatit pingaarnerit tassaapput:

∙Pisortanut politikerinullu misissueqqissaarinernik, nassuiaatinik aalajangiiffigisassatullu saqqummiussanik suliaqarneq

∙Suliassanik saqqummiussassat, tusarniaanermut akissuteqaatit killiffiillu pillugit nalunaarusiat oqaatsitigut qaffasissumik pitsaassusillit

∙Paasissutissanut tapertaasunik misissueqqissaarinerit aamma kisitsisinik pingaarutilinnik suliaqarneq tassunga ilanngullugit aningaasaqarnikkut misissueqqissaarinerit

∙Missingersuusiamut oqallisissiamik, missingersuusiornermik suliaqarneq ingerlaavartumillu missingersuusianik malinnaaviginninneq

∙Aningaasaqarnikkut aqutsineq aamma missiliuutinut kiisalu atuinermut nikingassutinillu misissueqqissaarineqataaneq

∙Ineriartortitsinermik suliniutinik pilersaarusiorneq suliniutinillu aqutsineq – pingaartumik ikiorsiinermik suliassaqarfimmut tunngasuni

∙Politikkikkut aalajangiussanik malinnaaviginninneq suliniutinillu atuutsitsilerneq

∙Suliffeqarfiup iluani periusissaliorneq, najoqqutassiorneq pitsaassutsimillu qulakkeerinninnermi atortussanik suliaqarneq

∙Periusissamik ilusilersuineq isumasioqatigiissitsineq, immikkut sammisaqartitsineq workshoppertitsinerlu

∙Assigiinngitsunik sulialinnik assigiinngitsunillu suliassaqarfinnik suleqateqarnernik ataqatigiissaarineq

∙Suliassat takkussuuttut

∙Aqutsisut naapittarfianik ataatsimiititanillu allatseqarnikkut sullissineq

Atorfiit ersarissumik, eqqortumik periusissiugaasumillu allattariarsornikkut paasissutissiinermik qulakkeerinninnissamut annertuumik akisussaaffeqarnermik imaqarput – suliffeqarfiup iluani avataanilu – kiisalu patajaatsumik erseqqarissumillu aningaasaqarnikkut aqutsinermut peqataaneq.

Illit ilisarnaatitit

Immikkut siunnersortinik pissarsiorpugut, misissueqqissaallaqqissuullutillu allattariarsornikkut paasissutissiilluarsinnaasunik, patajaatsumik suliniummik paasinnilluarsinnaasunik aamma qularnaatsumik aningaasaqarnermut paasisimasalinnik. Sulisuusinnaavusi assigiinngitsut kisianni ataatsimoorlusi stabip ataatsimut piginnaasaanik pitsanngorsaassaasi.

Naatsorsuutigaarput:

∙Inuiaqatigiilerinermut tunngasunik imaluunniit allaffissornermut attuumassutilimmik kandidatitut ilinniagaqartuusutit

∙Suliffeqarfimmik politikkikkut aqunneqartumik misilittagaqartuusutit – ajornanngippat isumaginninnermut suliassaqarfimmi.

∙Meeqqanut ilaqutariinnullu suliassaqarfimmut paasisimasaqarluartutit (iluaqutaassaaq piumasaqaataanngilarli)

∙Allattariarsornikkut piginnaasaqarluartutit aamma ajornartorsiutinik ajornakusoortunik ersarissumik aalajangiiffigisassatut oqallisissialiorsinnaasutit

∙Paasissutissanik, aningaasaqarnermut tunngasunik uppernarsaasiornermullu periaaseqarlutit misissueqqissaartumillu suliaqarsinnaasutit

∙Aningaasaqarnikkut aqutsinermik, missingersuusiornermik missingersuutinillu malinnaaviginninnermik misilittagaqartutit

∙Aningaasaqarnikkut misissueqqissaarinermik suliaqarsinnaasutit aamma aningaasatigut ajornartorsiutinik ersarissumik aalajangiiffigisassatullu paasissutissiisinnaasutit

∙Suliniummik aqutsisuunermik imaluunniit suleriutsimik aqutsinermik misilittagaqartutit

∙Namminersorlutit sulisinnaasutit siuariartornissamullu akisussaaffimmik tigumminnissinnaallutit

∙Suleqatiginnilluarsinnaasutit aamma aaqqissuussaanermi amerlasuunik soqutigineqartumi isumannaatsumik sulisinnaasutit

Neqeroorutigaarput

∙Atorfiit pingaarutillit ineriartortitsiffiusut marluk annertuumik sunniuteqarfiusut

∙Suliffik suliatigut anguniagaqarfiusoq tunniusimasunik sulisulik

∙Politikkikkut allaffissornermilu ingerlarsorfiusunik paasisaqarneq

∙Meeqqanut ilaqutariinnullu suliassaqarfimmi ineriartortitsinermut sunniuteqarnissamut periarfissaqarneq

∙Misissueqqissaarinermut, suliniummik aqutsinermut aamma periusissiugaasumik tapertaanermut suliatigut ineriartornissamut periarfissaqarluarneq

Stabimi sulisunut amerlanngitsunut ilanngutissaatit, tassani suleqatigiinneq, suliatigut siunersiueqatigiinneq pitsaassuserlu ukkatarineqarput.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Sabschef-i Bruno Heilmann, oqarasuaat +299 55 36 10 imaluunniit e-mail: brhi@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 262-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: marsip 30.-at, 2026