Inaallagissiornermut Oqartussanut innaallagissiornermut nakkutilliisoq

Innaallagissiornermut Oqartussat qitiusumi innaallagissiornermut gassimullu oqartussani nuummi inaallagissiornermut nakkutilliisussarsiorpoq.

Suliassat assigiingissinnaaqaat. Ilaatigut nakkutillunerit Kallaalit Nunaanni, sulianik nangitsineq imaluunniit allaffissornermik suliassat.

Namminersorlutit suliaqartassaatit aammalu suleqarteqarlutit. Natsorsuutigineqassaaq piffissani angalangaatsiarsinnaasutit.

Innaallagissiornermut Oqartussat Nuummi qitiusumik allaffeqarpoq

Innallagissiornermut Oqartussat, Inuussutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisoqarfimmi immikkoortortaqarfiuvoq, aammalu misissuisarnermi oqartussatut, pingaanertut Innaallagissiornermut gassimullu isumannaallisaanermi akisussaasutut inissisimalluni. Apeqqutini allaffisornermut tunngasumi Innaallagissiornermut Oqartussanut, Inuussutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisoqarfik qullersaavoq.

Innaallagissiornermut Oqartussat Sanaartukkat innaallagissamut sakkortuumut atugassat atortullu innaallagiatortut pillugit Inatsisartut peqqussutaat nr.12, 3 novembari 1994-meersoq naapertorlugu aqutsinermik isumaginnittuupput. Innaallagissiornermut Oqartussat taassuma ataani sanaartukkat ikkussukkallu, kiisalu atortut innaallagissiortut misissorneqartarnerinik nakkutigineqarnerinillu isumaginnittuupput.

Innaallagissiornermut Oqartussat inatsisartut peqqussutaat malillugu atortulersuutit atortullu innaallagissiortut pillugit aalajangersakkanik aalajangersaanissamut piginnaatinneqarput, aammalu suliffeqarfinni akuerisani imaluunniit akuersissummik qinnuteqartut isumannaallisaanermut pitsaassutsimillu aqutsinermut atortulersorneqartarnerinut aalajangersakkanik aalajangersaanissamut piginnaatinneqarlutik, taakkununngalu uppernasaammik akuersineqarnissaannut piumasaqaatit ilaatinneqarput. Aammalu Innaallagisiornermut Oqartussat sanaatukkanik, gassinut atortunik aammalu gassinut sanaatukkat, gassinut atortut, kiisalu akuersissummik peqarnissamut.

Suliarisartagassatit:

• Pilersaarusiorneq, allaffissorneq nakkutilliinerillu Kalaallit Nunaanni.

• Innaallagisserisut assigiinnitsut pitsaassutsimik qulakkeerinninnermut atortut (SKS-A aammalu SKS-D) piareersarnera aammalu naammassinissaat nakkutigalugit

• Inaallagissiornermut Oqartussat saqqummiuttagaannik suleqataassaatit, aammalu sillimaniarnermik innaallagiatortunut siammartereqataallutit.

• Paasissutissiisarnerit ataqatigissaartumik, malittarisassat atuuttut, tunuliaqutaat aammalu atortut innaallagiatortut peqqussutaat ilanngullugit ilisimasat siammartinnissaat. Kiisalu malittarisassat atuuttunut allannguinissamut tapiliuqataasarnissaq.

Piginnaanitit:

• Innaallagisserisutut ilinniarsimasuussaatit ukiullu 5 minnerpaamik misilittagaqarlutit.

• Innaallagissamik aqqusersuisuussaatit/ingenøreq/maskiinalerisorluuniit inaallagisserisutullu akersissut angusinnaallugu.

• Teknikkimut tunngasunik nalunaarusiornissamut sungiusimalluarlugu.

• Suliassanut namminersorluarsinnaanissat, tamakkiisumillu takunnissinnaallutit kiisalu oqaatitsigut allattariarsornermi attaveqaqatigiilluarsinnaaneq piginnaassuseqarfigilluarlugu.

• Inussiarnesuussaatit suleqatiginnilluarsinnaasoq aammalu atuisunut assgiinngitsorpassuarnut kiffartuisinnaaluarneq piginnaassuseqarfigalugu.

• Arlalinnik oqaaseqarnissaq – kalaallisut, danskisut tuluttullu.

• F-gassinut ikkussuinermut ilisimaqaneq iluaqutaassaaq.

Neqoroorutigivarput:

• Suliffiqarfik pikkorissuseqarluartoq pimoorussilluartorlu.

• Suliffik pissanganartoq namminersorfigineqarsinnaasartoq, ullullu assigiinnisaannartut, ulluinnarnilu suliassanut akisussaaqataalluarsinnaassusilik.

• Suliffikkuminartoq ineriartorfigineqarlufigisinnaasat inuttut suliassanullu.

Suleqatigiit pingasut nuannersut suliminnut ilisimasaqarluarlutik pimoorussisut

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Annertunerusumik paasisaqarusuppit

Atorfik pillugu annertunerusunik paasisaqarusukkuit, attaveqarfigisinnaavat Inaallagissiornermut nakkutilliisoq Jane Lynge Hansen Oqarasuaat +299 349300 / toqqaannartoq 349301 mailiatigut jlh@elmyndighed.gl atorlugu.

Innaallagissiornermut Oqartussat paasissutissat amerlaneri uani atuarsinnaavatit: www.elmyndighed.gl

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.