Inatsisartut Allattoqarfiani qaffasissumik pitsaassusilimmik ataatsimiititaliani allatsit ilinniagartuut suleqatigerusuppigit?

Pissarsiorpugut

- atorfik nutaaq ataatsimiititaliat allattoqarfianni ataatsimiititaliami ikiorti

Inatsisartut ataatsimiititaliaasa sullinneqarnerini allaffissornikkut suliassanilu allani, tamatigut ataatsimiititaliat pineqartut allattai peqatigalugit ingerlanneqartassapput, ataatsimiititaliallu allattoqarfiani immikkoortortami pisortaq ataatsimiititaliami ikiortip qullersarissavaa:

· Ataatsimiititaliat suliassaasa pilersaarusiornissaat, tamatumani suleqatigisanik attuumassuteqartunik attaveqarneq

· Ataatsimiititaliat aalajangiussaanik malitseqartitsinerni suleqataaneq

· Ataatsimiititaliat angalanissaasa aaqqissuunnissaani pilersaarusiornerit

· Piffissaliussanik aqutseqataaneq ataatsimiititaliallu suliassaanik malitseqartitsineq

· Ataatsimiititalianik sullissinerni suliassanik allanik takkussuuttunik suliaqarneq

Suliassanik nammineq ingerlatsisinnaassuseqarnissat nakkutiginnissinnaanissallu pingaartipparput, Inatsisartullu ataatsimiittariaasianik periusaanillu malinnissinnaassuseqarnissat pingaartipparput. Piginnaasat:

· Attaveqarluarsinnaassuseqarnissaq, kalaallisut, qallunaatut tuluttullu oqalussinnaallutillu allattariarsornikkut piginnaasaqarnissat naatsorsuutigaarput

· Sulianut attuumassutilimmik ilinniagaqarneq, niuernermut, allaffissornermut imaluunniit inuiaqatigiilerinermi ilisimatusarneq

· Pisortat allaffeqarfiini misilittagaqarluarneq

· Siunnerfeqartumik, akisussaassuseqartumik piffissaliussanillu eqquutitsilluni sullisisinnaassuseqarneq

· Qarasaasiamik piginnaasaqarluarnissaq, ullorsiutinik aqutsineq, e-mailit, Workzone-mik misilittagaqareerneq, F2 assigisaallu

Piffissap ilaa atorfimmi ulapaarfiusarnissaa naatsorsuutigineqassaaq.

Neqeroorutigaagut naalakkersuinikkut aalajangiisartunik aqutsisunillu sulinermi qanimut attaveqarneq, akissarsianut tunngasuni isumaqatigiissutit atuuttut malillugit akissarsiassat unammillersinnaasut, malittarisassallu atuuttut najoqqutaralugit ineqartitsisoqarsinnaavoq.

Inatsisartut Allattoqarfiata suiaassuseq, inuiaqatigiissuseqarnermik tunuliaquteqarneq, upperisaqarneq imaluunniit inuit innarluutillit naligiinnerulernissaat kissaatigaa.

Pisortat allaffeqarfiini allani allaffissornermik sulinermik misilittagaqarneq iluaqutaassaaq, piumasaqaataananili.

Ulloq atorfiniffissaq: 1.april 2026 imaluunniit isumaqatigiissuteqarnikkut 

Qinnuteqarfissatut ulloq killigititaq: 19. februar 2026

Atorfimmut qinnuteqaateqarninni tunngavilersuutitit sulinermilu misilittakkat allattorsimaffiat ilinniagaqarnermilu allagartartaarnermi kiisalu misilitsinnerni angusarisat uppernarsaataat ilanngullugit nassiunneqassapput.

Annertunerusumik paasisaqarusussaguit immikkoortortami pisortamut ataatsimiititaliat allatseqarfianut saaffiginnissinnaavutit maili una atorlugu:

E-mail: mika@ina.alla.gl

Qinnuteqaat uunga nassiunneqassaaq: atorfik@ina.alla.gl

Inatsisartut Postboks 1060 3900 Nuuk – Kalaallit Nunaat Oqar. +299 345000

www.inatsisartut.gl