Inatsisartut Allattoqarfianni naalakkersuinikkut aalajangiiniartarnerit qanimut suleqataaffigalugit suleqataalerusuppit?

Pissarsiorpugut 

• Ataatsimiititalianut allatsimik ataatsimik arlalinnilluunniit inatsisilerituutut 

tunuliaqutaqarluni/-tik ataatsimiititaliamut/nut sullissisinnaasumik/-sunik kandidatitut 

ilinniagalimmik/-nnik atorfinittussamik/-nik 

Ataatsimiititalianut allatseqarfimmi ataatsimiititaliat suliassaqarfiisa iluini Inatsisartunut 

ilaasortanut kinaassusersiunngitsumik, arlaannaannulluunniit attuumassuteqanngitsumik 

aammalu suliamut ilisimasaqassuseqartumik siunnersuinermik suliaqarpugut. Suliassat 

assigiinngitsorpassuupput, soorlu ataatsimiititaliat ingerlataannut atatillugu suliassat 

nalinginnaasut, isumaliutissiissutissanut missingiusiornerit kiisalu ataatsimiititaliamit 

allakkat kiisalu ataatsimiititaliap ataatsimiinnissaanik angalanissaanillu pilersaarusiornerit 

taakkunanilu peqataanerit. Inatsisilerituujuguit inatsisissanik nalilersueqataasarnissat 

naatsorsuutigissavattaaq. 

Namminersorlutit suliassanik ingerlatsisinnaanissat aammalu Inatsisartut 

ataatsimeeriaasiannik suleriaasiinillu malinninnissamut piareersimanissat pingaartipparput. 

Ingerlatitseqqinnissamut allaaserinninnermi oqaasertalersuinissamullu pitsaalluinnartumik 

piginnaaneqarnissat naatsorsuutigaarput. Inuttut nukittuujunissat 

sunniuteqarsinnaassuseqarnissallu aammalu nammineersinnaassuseqarnissat 

suliffeqarfimmilu naalakkersuinikkut aqunneqartumi sulinissami qanilaartuunissat 

pisariaqarpoq. 

Piffissat ilaanni annertuumik suliaqartarnissaq atorfimmi naatsorsuutigineqarpoq. 

Akerlianik neqeroorutigaagut suliffimmi avatangiisit naalakkersuinikkut aalajangiisartut 

qanimut persuarsiornanngitsumillu attaveqarfigineqarnerannik imaqartut 

aningaasarsiaqarnermullu tunngasut unammillersinnaassuseqartut kiisalu pisariaqarpat 

atorfininnermi soraarnermilu angalaneq, pequttat nuunneri inissiarlu 

(pequtsersugaanngitsoq). 

Atorfeqarnermi ukiut marluk siulliit ingerlaneranni Folketingimi ilinniariarnissamut 

periarfissaq aallaavittut neqeroorutigaarput. 

Malugeqquneqarpoq taassuminnga atorfeqassagaanni naalakkersuinikkut soqutigisanik 

ingerlatsisoqarsinnaanngimmat qanittukkulluunniit ingerlatsisoqarsimassanani. 

Suiaassuseq, suminngaanneerneq, upperisaq innarluuteqarnerluunniit apeqqutaatinnagit 

naligiissitaanerup siuarsarneqarnissaa Inatsisartut Allattoqarfiannit kissaatigineqarpoq. 

Pisortani atorfimmit allamit allaffissornikkut misilittagaqarnissaq iluaqutaassaaq 

piumasaqaataananili. 

Atorfininneq: 1. december 2025 isumaqatigiissuteqarnikkulluunniit. 

Qinnuteqarnissamut killiliussaq: 30. september 2025, oqaloqatiginninnerit 

ingerlaavartumik ingerlanneqassapput 

CV-t soraarummeersimanermullu uppernarsaatit tamaasa, ilinniagaqarnermi angusat 

qaffasissusaannut nalunaarsuutit ilanngullugit qinnuteqaammut ilannguteqquneqarput. 

Taakku uunga nassiunneqassapput: atorfik@ina.alla.gl 

Danmarkimi sulinngiffeqarallarnissamut periarfissat 

Naalagaaffimmi atorfillit aammalu AC-mik isumaqatigiissutit arlallit malillugit 

atorfeqartinneqartut Namminersorlutik Oqartussani atorfinitsinneqarnermut atatillugu 

akissarsiaqarnatik sulinngiffeqarsinnaatitaapput. Kiisalu Kalaallit Nunaanni 

Namminersorlutik Oqartussani atorfininnermut atatillugu aningaasarsiaqarani 

sulinngiffeqarnissamik qinnuteqaatit akuersaartumik pissuseqarfigineqartarnissaannik 

Nunamut Namminermut Ministereqarfik kommuninut nunallu immikkoortuinut 

kaammattuuteqarpoq. Sulinngiffeqarsinnaatitaaneq pillugu aalajangersakkat 

katissimallugu aapparisamut/inooqatigisamut Namminersorlutik Oqartussani 

atorfinitsinneqartumut aamma atuupput. 

Paasisaqarnerujumaguit 

Paasissutissat annertunerusut nittartakkatsinni imaluunniit allaffimmi pisortamut Mikaela 

Augustussenimut saaffiginninnikkut pissarsiarisinnaavatit 

Tlf.: +299 34 61 26 

E-mail: mika@ina.alla.gl 

Inatsisartut 

Postboks 1060 

3900 Nuuk – Grønland 

Tlf. +299 345000 

www.inatsisartut.gl 

inatsisartut@inatsisartut.gl