Inatsisartut Allattoqarfiat Pisortap tullissarsiorpoq

Ulloq 1. juni 2026 isumaqatigiissuteqarnikkulluunniit sulilersussamik

Inatsisartut Allattoqarfianni pisortap tulliatut atorfimmut inatsisartoqarnermik paasisimasalimmik misilittagalimmillu, tamatumalu saniatigut allaffissornikkut ataatsimut isiginnissinnaasumik, piginnaasaqarluartumik sulisussarsiorpugut. Pisortap tullia Inatsisartunut ilaasortat naligiimmik pineqarnissaat Inatsisartunilu aaqqissuussaaneq qularnaarniarlugit piginnaasaqarluassaaq.

Pisortap tullia Siulittaasup allatseqarfianut, pisortaq qullersaralugu immikkoortunik tamanik sullissiviusumut, pisortaavoq, tassani pisortap tullia, pisortat allattaat, nittartagalerisoq, attaveqaqatigiinnermut sulisoq Inatsisartullu siulittaasuata allattaa sulisuullutik.

Siulittaasoqarfimmik pisortamillu siunnersuineq suliassappit pingaarnersarissavaat. Tamatuma saniatigut suliassarissavatit:

• Siulittaasoqarfiup allatseqarfeqarnikkut sullinneqarneranut akisussaasuussaatit, taamalu malittarisassanik, suleriaatsimik inatsisiliornerullu qanoq ingerlasarneranut annertuumik paasisimasaqassallutit

• Inatsisartut ataatsimiinnerini suliassat piareersarneqarnerinut suliassanullu akisussaasuussaatit

• Inatsisartuni suliniutinut ingerlaavartunut peqataassaatit tunniussaqartarlutillu

• Inatsisilerinermi pisortaq qanimut suleqatigalugu siulittaasoqarfiup suliassaqarfiisa iluanni malittarisassiornermut akisussaasuussaatit

• Pisortaq qanimut suleqatigalugu aaqqissuussaanermik naalakkersuinikkut sullissinerup ingerlanneqarneranik sullivimmilu atugassarititaasunik pitsaasunik qularnaarinnissinnaasumik pilersitseqataassallutit

• Atorfimmut atatillugu inuttut suliatigullu ineriartornissamut periarfissat annertupput

• Naatsorsuutigaarput attaveqaqatigiinnermut, kalaallisut, qallunaatut tuluttullu allakkatigut oqaluinnarlutillu, pitsaasunik piginnaasaqassasutit.

Aqutsinermut suleqatigiinnermullu piginnaasaqarluarnissat naatsorsuutigineqarpoq. Peqatigitillugu naatsorsuutigaarput ulluinnarni ulapaarfiusuni suliassanik amerlasuunik ataatsikkut ingerlatsiffiusuni suliatigullu annertuumik unammilligassaqarfiusuni paatsiveerutiannginnissat. Kajumissuseqarluarnissat, ilisimasanik ingerlatitseqqillaqqissuunissat ulapileruttornernilu sulianik nuannarinnittuarlutillu qiimasuujuarnissat aamma pingaartipparput.

Annertuumik nammineerlutillu sulinissannut piareersimassaatit, malunnartumik sulinerusarnissaq naatsorsuutigineqartariaqarluni. Tamanna minnerunngitsumik Inatsisartut ataatsimiinnerisa nalaanni atuuppoq. Kalaallit Nunaanni Kalaallit Nunaatalu avataanut angalangaatsiartarnissaq naatsorsuutigineqartariaqarpoq.

Inatsisartut Allattoqarfiat ullumikkut 30-t missaannik sulisoqarpoq, taakkununnga ilaallutik ataatsimiititaliat allattaat ilinniagartuut qulingiluat. Sulinermi atugassarititaasut allanngorartuarnerat suliffeqarfiup ilisarnaatigaa, Inatsisartut ukiumoortumik ataatsimiinneri marluk nalinginnaasumik unammilligassaqarfiunerpaajusarlutik.

Aningaasarsiaqarnikkut atorfeqartitaanikkullu atugassarititat

piginnaasat malillugit isumaqatigiinniutigineqassapput.

Qinnuteqartut akornanni naliliiniarnermi

sulisunik siulersuinermik pitsaasumillu suleqatigiissitsisinnaanermik ilisimasaqarnissat misilittagaqarnissallu immikkut pingaartinneqassapput.

Inatsisartut Allattoqarfiata ullumikkut najugarisannit Nuummut pigisat nuunnerinut aningaasartuutit akilissavai. Inissaqartitsisoqarsinnaavoq malittarisassat atuuttut malillugit ineqarnermut akiliuteqarfiusartussamik.

Atorfik pillugu paasissutissat tatigeqatigiiffiusumik pisortamut Steen Lyngemut oqarasuaat +299-346103 saaffiginnissuteqarluni pissarsiarineqarsinnaapput. (Nalunaaquttap akunnerinik pingasunik nikinganeq pissutigalugu Danmarkimit saaffiginnissutit nal. 12.00 kingorna pisassapput). stlyn@ina.gl-imut qarasaasiakkut allalluni aamma paasiniaasoqarsinnaavoq.

Paasissutissat sukumiinerusut www.inatsisartut.gl-imi atuarneqarsinnaapput.

Qinnuteqaat soraarummeersimanermut uppernarsaatinik suliffigisimasanullu takussutissiamik (C.V.) ilallugu allakkatigut e-mailikkulluunniit uunga nassiunneqassaaq:

Inatsisartut Allattoqarfiat

Postboks 1060

3900 Nuuk

inatsisartut@inatsisartut.gl

qinnuteqaat Inatsisartut Allattoqarfianni kingusinnerpaamik ulloq 24. april 2026 nal. 12 (Kalaallit Nunaanni nalunaaqutaq malillugu) tiguneqareersimasussanngorlugu

. Allakkat qaavisigut ”Pisortap tullia”-nik nalunaaqutserneqarsimassapput.