Inatsisartut Inatsisartut Siulittaasuannut allatsissarsiorput

Inatsisartut Allattoqarfiat Inatsisartut siulittaasuata allatsissaanik pissarsiorpoq.

Inuk suliffeqarfimmi pissanganartumi pisoqarfiulluartumi allanngorartumilu suliaqarnissamut piumassuseqarlunilu kajumissusilik sulisussarsiariumaneqarpoq. Ajornanngippat aallaavittut pisortani allaffissornermik misilittagalinnik qinnuteqartussanik pissarsiortoqarpoq. Ilisimatusarfimmi qaffasissumik ilinniagaqarnissat kissaatigaarput, sulinikkulli naleqquttumik misilittagaqaruit tamanna aalajangiisuussanngilaq.

Suliassatit:

• Inatsisartut ataatsimiinneranni siulittaasup suliassaanik aaqqissuussinermut ingerlatsinermullu ikiuunneq
• Siulittaasup suliffiup iluaneersunik avataaneersunillu isumaqatigiissutinut ullorsiutaanik isumaginninneq
• Inatsisartut Siulittaasuata ataatsimiinnerinik angalanerinillu aaqqissuussineq peqataanerlu
• Oqaatsitigut allakkatigullu saaffiginnissutinut akissuteqarnermi ikiuuttarneq
• Siulittaasoqarfiup ataatsimiinnerinik aaqqissuussinermut ingerlatsinermullu ikiuunneq
• Siulittaasoqarfiup ataatsimiinnerinit imaqarniliorneq
• Nersornaasiinissanik piareersaanerit
• Siulittaasup ilassinninneranik piareersaanerit

Angalangaatsiartarnissat taakkununngalu atatillugu Inatsisartut Siulittaasuata ilassinninnissai piareersarlugit suliaqartarnissat naatsorsuutigisariaqarpat.

Illit pillutit:

Inuppassuarnut attaveqartarneq atorfimmut ilaavoq, siulittaasumullu allatsitut pingaartinneqassapput:

• Attuumassuteqartumik ilinniagaqarsimaneq
• Suliassatigut isumaliutiginnilluartuuneq Inatsisartutigullu suliassanik qanimut suliaqarnissamik soqutiginnittuuneq
• Attaveqaataallaqqissuuneq – oqaatsitigut allakkatigullu
• Kalaallisut oqaaseqarnissaq
• Ulluinnarni suliassanik namminersorluni ilusilersuinissamut piumassuseqarneq,
• Ammasuuneq
• Allattoqarfimmi suleqatinnik qanimut angusaqarusuffiusumik suleqateqarnissamut piumassuseqarneq
• Ulluinnarnik ulapiffiusinnaasunik ullunillu ilaanni sivisuumik suliffiusinnaasunik nuannarisaqarneq

Atorfiup inummik utaqqiinnarani iliuuseqarsinnaasumik suliamigullu annertuumik qaffasissusilimmik ilisimasaqassutsimik tapiuteqartumik inuttalerneqarnissaa naatsorsuutigineqarpoq. Ullut sivisuumik suliffiusut nuannarissavatit – minnerpaamilluunniit inooqataaffigisinnaassallugit - aamma sapaatit akunnerisa naanerini.Tamanna pingaartumik angalanernut atatillugu atuuppoq. Inuttut saaffigiuminassuseqassaatit ammasuullutillu, patajaassuseqarlutit utaqqisinnaassuseqarluassallutillu.

Tamatuma peqatigisaanik Inatsisartut allattoqarfianni immikkoortortanik tamanik suleqateqarsinnaassuseqassaatit. Taamaattumik suliatigut naalakkersuinikkullu apeqqutinik ajornarnerusunik isumaginnissinnaanissat pisariaqarpoq. Naleqquttumik ilinniagaqarsimanissap sulinermillu misilittagaqarnissap saniatigut Kalaallit Nunaannik inuiaqatigiinnilu kalaallini pissutsinik, tassunga ilanngullugu naalakkersuinermi periaatsinik ilisimasaqarluarnissaq pingaartinneqarpoq. Tuluit oqaasiinik ilisimasaqarnissat annertuumik iluaqutaassaaq. Sulininni pisortap tullia ulluinnarni aqutsisorissavat.

Akissarsiat atorfinitsitsinermilu atugassarititaasut

Sapaatip akunneranut akunnerit 40-t suliffiupput. Akissarsiat atorfinitsitaanermilu pissutsit isumaqatigiissut malillugu pissapput ministerimut allattaasunut tapit ilanngullugit. Atorfimmut atatillugu inissaqartitsisoqarsinnaavoq maleruagassat atuuttut malillugit akilersorneqartussamik. Taamaattorli Nuummi inissaaleqineq pissutigalugu ataavartumik inissiamik innersuussisoqannginnerani utaqqiisaasumik sivikinnerusumik ineqartinneqarnissaq naatsorsuutigineqartariaqarpoq. Isumaqatigiissutini aalajangersakkat naapertorlugit atorfinikkiartorluni angalanermut pisattallu angallanneqarnerinut akiliussisoqarsinnaavoq.

Sapinngisamik piaartumik atorfinitsitsisoqassaaq atorfinitsitsinissarlu pillugu oqaloqateqarnerit ingerlaavartumik ingerlanneqassallutik.

Paasissutissat sukumiinerusut

Qinnuteqarnissamut killigitinneqarpoq marlunngorneq ulloq 26. maj 2026. Qinnuteqaat kiisalu ilanngussat attuumassuteqartut emailimut uunga nassiunneqassapput atorfik@ina.alla.gl

Atorfik pillugu paasissutissat sukumiinerusut pisortap tullerigallagaanut Mikaela Augustussenimut, oqarasuaammut +299 34 61 26-mut sianerluni e-mailikkullu MIKA@ina.alla.gl-imut allalluni pissarsiarineqarsinnaapput.